GORGY RULA
Ngayong Abril 5, 2026, Easter Sunday, bumalik sa regular programming ang telebisyon.
Noong Sabado de Gloria, Abril 4, ay hindi napanood ang second season ng Heart World ni Heart Evangelista.
Akala ko ay may karugtong pa ang interview nito sa BFF niyang si Angelica Panganiban.
Bago mag-Holy Week ay ipinalabas sa Heart World ang interview ni Heart kay Angelica, na itinuturing niyang pinaka-best friend niya kasama si Camille Prats.
Silang tatlo raw ang pinaka-close nung panahon ng G-Mik (1999-2002), ang defunct teen-oriented series ng ABS-CBN.
HEART AND ANGELICA DOWN MEMORY LANE
Nakakaaliw panoorin nang binalikan ng dalawang aktres ang mga kalokahan nila, lalo na raw si Heart.
Sabi ni Angelica, kaya niya lalong naging best friend si Heart dahil sa kabaliwan nito.
Pambubuko ni Angelica kay Heart: “Nag-imbento ba naman siya na may sakit siya na hindi na siya magtatagal sa Earth.
“Tapos, yung talagang complete with tears and ano talaga.
“Parang, ano kami ni Camille nun, umiiyak na talaga kami sa room na parang, 'Ha? Bakit?'
"Ako naman, parang naguguluhan ako, kasi parang, 'Ha?'
“Parang, 'Hindi pa naman kami close, baka puwede pa akong mag-back out dito sa friendship na ito para hindi ako masyadong masaktan.'”
Ganun pa rin daw siya kabaliw, sabi naman ni Heart.
“Ah, don’t worry nothing’s changed. Minsan may ganun pa rin akong episode,” pakli niya.
Read: Arnel Pineda reveals he tried to retire as vocalist of Journey
Ibinuking pa ni Angelica ang poknat ni Heart sa ulo, at iyon daw ang sign ng sakit na meron si Heart.
“May poknat yan, si Heart. Yan yan daw yung sanhi ng sakit niya na ikakamatay niya. Yung poknat niya. Naniwala talaga kami!” natatawa pang sabi ni Angelica.
Sabi naman ni Heart, “Puwede maging cancer. Ayun kasi sinabi ng doktor so yun yung bubog ko.”
“Grabe yung iyak… si Camille, iyak na nang iyak,” natatawa pa ring kuwento ni Angelica.
FALLING-OUT?
Binanggit ni Heart ang dalawang nakarelasyon ni Angelica na hindi niya gusto.
Hindi nila binanggit ang pangalan ng mga ito, pero nahulaan ng netizens kung sino ang mga tinutukoy nila.
Nagkaroon ng panahong hindi sila naging okay, nagkalayo, pero ang ending ay naayos.
Sabi pa ni Heart kay Angelica: “Whatever it is, whatever it was, yeah! You will always be my pal.
“Like, as in there’s nothing wrong or nothing that you can do.
“Kasi ganun kita kamahal. Masyadong solid yung core memories ko sa yo.
"Kumbaga, yung wala akong naging playmate nung bata ako, wala ako naging ano, ikaw talaga yun.
"Ikaw yun, kumbaga, foundation ba… yung first love.
“First love mo rin can be a sister or a friend. First love kita.”
Read: Direk Zig Dulay asked if taping will stop for Bea Alonzo's wedding
JERRY OLEA
Para kay Angelica Panganiban, malaki ang nabago kay Heart Evangelista nung naging sila noon ni Jericho Rosales.
Tinanong kasi ni Heart si Angelica kung sino sa mga naging dyowa niya ang pinakagusto nito.
“Noon, alam mo kasi pag nagkakadyowa ka, parang si Bea [Alonzo], nawawala ka, e,” diretsong tugon ni Angelica.
“Nawawala ka, e… so pag nawawala ka at nakikita ko yung happiness mo, parang happy na ako from afar.
“Feeling ko nun, si Echo na parang sobra kang…”
Pagdugtong ni Heart, “...na, freedom.”
Sabi pa ni Angeica, “Yung talagang grabe… yung ano… dami mong na-experience sa kanya na, feeling ko, it made you who you are today."
Kasi natuto kang lumaban, e.”
Ayon naman kay Heart, si Gregg Homan na ang pinakagusto niya para kay Angelica.
Naglitanya si Heart ng mga hindi niya nagustuhan.
Natawa na lang si Angelica dahil napunta na raw si Heart sa pinaka-hate niya, samantalang sa mas like naman ang mga binanggit niya para sa kaibigan.
Naaliw lang silang balikan ang mga nakaraang relasyon na naging bahagi sa mga pagbabago sa kanilang pagkatao.
NOEL FERRER
Sa isang episode ng Heart World, kung saan nakapanayam naman ni Heart Evangelista ang ina niyang si Mrs. Cecilia Ongpauco, inilahad ng celebrity mom kung paano niya nasaksihan ang heartbreak na pinagdaanan ng kanyang anak.
Sabi ni Heart: “Yung teenage years ko, yung hinahabol ako na gustung-gusto ko.
“Yung mukha akong tanga, kasi ayaw sa akin tapos may girlfriend na. Plantation Bay, Cebu. I was crying and crying.”
Umayon naman si Mrs. Ongpauco na nagmukhang tanga ang anak niya.
“She really looked like a fool. She had a crush on this showbiz guy, boy, and we went on Plantation Bay. They had a shoot or whatever.”
Nasaksihan daw yun ni Mrs. Ongpauco nung heartbroken itong si Heart.
“Pinaasa siya,” pakli ni Mommy Cecilia.
“So, she would watch him from the window.
“Sabi ko, ‘Heart, I remember in our villa. Para kang tanga.’
"Andun siya umiiyak while watching this boy, that didn’t like her. Young, you know.”
Sagot naman ni Heart, “Pinaasa kasi niya ako. You must admit.”
“Wala. Playboy siya,” bulalas ni Mrs. Ongpauco.
“Yeah! I was so heartbroken,” pag-amin pa ni Heart.
“Finally, she outgrew him. Thank you, Lord. Yes, finally,” pakli ng ina ng aktres.
Hindi nila binanggit kung sino itong tinutukoy nila. Pero ang duda namin ay si John Prats, na mapapanood din ang interview nito sa Heart World.
Abangan natin sa mga susunod na episodes kung magkakaroon ba ng pag-amin sa kanilang dalawa.
Read: Lara Quigaman on abusive ex-boyfriend: "I'm living in sin."