JERRY OLEA
Balik-primetime si Kit Thompson sa teleseryeng My Bespren Emman na magpe-premiere sa Abril 27, 2026, Lunes ng 8:45 P.M., sa TV5.
Dahil sa kontrobersiya nila ni Ana Jalandoni noong Marso 2022, pinalitan siya ni JC de Vera sa Philippine adaptation ng Flower of Evil (Hunyo-Oktubre 2022).
Nag-lie low si Kit sa showbiz. Nag-guest lang siya sa FPJ’s Batang Quiapo.
Dito sa My Bespren Emman ay markado ang papel niya bilang corrupt policeman na si Dwayne.
Ang huling primetime series na regular cast member siya ay La Vida Lena (Nobyembre 2020-Enero 2021).
Nanibago ba siya ngayong regular cast member muli siya ng isang primetime series?
“Siyempre, oo. Mga ilang years din na wala ako sa primetime,” malumanay na tugon ni Kit matapos ang screening ng first three episodes ng My Bespren Emman noong Enero 17, Biyernes ng gabi sa Gateway Mall 2, Cubao, Quezon City.
“Medyo nangapa lang noong una pero, you know, with the help of the team and directors [Jetome Pobocan at Derick Cabrido], OK naman.”
Yung mga nagmamalasakit sa kanya ay nangambang baka tuluyang mawala na ang showbiz career niya. Mabuti at merong nagtiwala muli sa kanya.
“Thankfully meron and, yun nga, sabi sa akin, si God lang naman ang makakapag-decide niyan for me,” sambit ni Kit.
“And I’m very thankful, I thank the Lord na actually yung project na nakuha ko.”
Read: Award-giving body under fire after screener leak on YouTube
KIT THOMPSON RELATES TO THE STORY OF MY BESPREN EMMAN
Inspirational at faith-based ang My Bespren Emman kung saan bida si JM de Guzman bilang Mateo de Jesus, isang dating kriminal na nabigyan ng panibagong pagkakataon.
Malakas ang tama sa kanya ng ganitong kuwento o genre?
“Oo naman. Napakalaking… well, parang… kumbaga, nakakakonek ako dito, e,” pag-amin ni Kit.
“Especially it’s a story about pagbabago, and a story about God, ganun. Guiding you through your dark times.
“So, very thankful ako to be a part of this project, sa TV5, Spring Films, everyone na nagtiwala sa akin…
“Yun na nga, giving second chances na yung tao, puwedeng magbago, you know. With the guidance of God, you know, puwede Niyang mabago talaga yung buhay mo.
“Even when you think wala na… wala nang puwedeng magbago, you think you’re in a dark path.
“Pero God is always there. God is always watching you. And He’s always beside you, guiding you through everything.”
Read: Sue Prado's cause of death revealed by family
KIT THOMPSON'S RELIGIOUS JOURNEY
Kumusta siya ngayon? Happy ba siya, o meron pa ring pinagdadaanan?
“Alam mo, with my fate, with my journey with God… siguro yung pagbabalik sa Diyos, hindi naman yan miracle na porke’t bumalik ka kay God, mawawala na lahat ng problema mo,” pagmamatwid ni Kit.
“It’s not like that. May mga trials pa rin, and you know. But if you keep that fate with God, kaya mong malampasan lahat.
“Hindi naman siya magiging perfect, pero with Him guiding you there, you will get through it.
“Pero I’m good. Never been better!”
Kailan nag-umpisa ang journey niyang iyon with God?
“Sa akin talaga nag-start for me na tuluy-tuloy, last year,” pagsisiwalat ni Kit.
“Dati kasi, para akong… I would dip my feet in it pero I would pull out. So, last year talaga, doon ako nag-go all in.”
Merong tao na nag-encourage sa kanya?
“Actually marami. Maraming nag-guide sa akin. Ahhh, si Papa P [Piolo Pascual, producer ng Spring Films], isa na yun doon,” sabi ni Kit.
“You know, he’s a Christian, and my friends, my family. They guided me pero ultimately it was my decision.
“Ikaw lang naman makakapag-decide nun for you.”
Meron ding friends na tinalikdan siya during the dark times?
“Oo naman. Ahh I feel like that’s a part nung journey mo. You have to deconstruct yourself,” sabi ni Kit.
“You have to basically, I guess, ‘kill’ your old self to be born again.
“So you really have to, yun nga, I guess the word is deconstruct. And change everything basically.”
GORGY RULA
Sila pa rin ba ni Ana Jalandoni? Nagkabalikan ba sila matapos ang kanilang bugbugan noong 2022?
“Well, we’re good. Hindi kami,” paglilinaw ni Kit Thompson.
“Ahhh basta OK kami, yeah, we’re OK.”
May special someone daw ngayon si Kit, at non-showbiz ito.
“Malaki ang naitulong niya sa akin actually. She was there through my dark times,” lahad ni Kit.
“And you know, I’m very thankful for that person. Na-guide niya ako. Na-guide ako ni God. It will only get better from here.”
NOEL FERRER
Nagpaseksi si Kit Thompson sa pisoseryeng My Secret Self, na nag-streaming umpisa Agosto 15, 2025 sa Beetzee Play.
Pero sa ngayon ay nili-limit na raw niya ang sexy projects. Personal choice niya iyon.
“I try to limit it. As much as possible. Ha! Ha! Ha!” pagtawa pa ni Kit.
Siyangapala, maliban kina JM de Guzman at Kit ay nasa cast ng My Bespren Emman sina Shaina Magdayao, Sid Lucero, Elyson de Dios, Ai Ai de las Alas, Michael de Mesa, Mitch Valdes, at Ely Buendia bilang Emman.