JERRY OLEA
Huling Lunes na ng action series na Totoy Bato ngayong Abril 20, 2026 sa TodoMax Primetime Singko.
Bilang Dwayne Perez, na-enjoy ba ni Diego Loyzaga ang pagiging kontrabida kay Totoy (Kiko Estrada)? More kontrabida roles ba ang gagampanan niya?
“Definitely mas open ako sa idea na mag-play ulit ng kontrabida,” sabi ni Diego sa mediacon noong Abril 17, Biyernes ng hapon, sa Cignal Launchpad Lobby, Sheridan St. corner Reliance St., Mandaluyong City.
“Iba naman, iba naman kay Dwayne. Siyempre kahit anong ibigay sa akin, ibato sa akin, bida o kontrabida, papayag naman po ako doon.
“Pero isang malaking stepping stone ito sa career ko na makapag-play naman ng bad guy.
“And mas maraming puwedeng gawin ang kontrabida, e. Puwede kang maging sira-ulo. Hindi ikaw ang laging mabait, so nae-enjoy ko talaga siya.”
DIEGO LOYZAGA ON PLAYING MORE KONTRABIDA ROLES
Biniro si Diego ng co-star na si Janno Gibbs na kesyo sa totoong buhay ay salbahe siya.
Natawang pagsakay ni Diego sa biro, “Hindi nila alam yon. Ha! Ha! For once hindi ko kailangang magpanggap na mabait ako. Parang ganun. Ha! Ha! Ha!
“Hindi! Siyempre, joke yon. Pero I enjoyed it dahil ito yung ensemble namin.
“Sinabi ni Kiko sa akin nung simula pa lang, ‘Diego, gusto ko talaga na ikaw ang maging kontrabida ko!’
“And to be honest, at the end of it now, I’m happy. I’m happy na eto ang nangyari.
“So, yes, definitely open pa ako sa mga kontrabida roles.”
Kasama rin sa cast ng Totoy Bato sina Eula Valdes, Claudine Barretto, Nonie Buencamino, Cindy Miranda, Mark Anthony Fernandez, Gold Aceron, at Mon Confiado.
Nandiyan din sina Billy Villeta, Andrew Muhlach, Christine Bermas, Angelica Hart, Lester Llansang, Jamilla Obispo, Audrey Avila, CJ Caparas, Jojo Abellana, Ivan Padilla, at Kurt de los Reyes, sa direksiyon ni Albert Langitan.
Read: Slater Young breaks silence: “Monterrazas did not cause flooding”
NOEL FERRER
Mas pinatindi ang bakbakan nina Totoy (Kiko Estrada) at Dwayne (Diego Loyzaga) sa finale week ng Totoy Bato. Nagkasakitan ba sila?
Natatawang tugon ni Diego: “Malaki na ang hinanakit ko dito kay Kiko, e. Laging lumulusot, e. Ha! Ha! Ha! Last taping namin, naisahan ako sa taynga.
“Eto naman, sobrang concerned, ‘Bro! Sorry, sorry, sorry! Stop muna!’ ‘Bro, ituloy mo na. Ituloy mo na! Let’s go! Let’s go!’
“Mataas na yung energy, e. ‘Ituloy mo na! OK lang yun!’ Pero hindi, totoo. Andami kong natutunan kay Kiks.
“Kasi, medyo mahina ako sa choreo ng fights. Parang sayaw yun, e. If you forget some of the steps, kunwari dapat ilagan mo ang suntok na ito, tatama talaga.
“So, normal yon. Normal talaga. Totoo, intense.”
Yung bakbakan nila sa arena na may apoy, tatlo o apat na araw syinuting.
“Puro usok yung ano namin. It was not easy. It was never easy. But it was fun. It was so fun,” bulalas ni Diego.
Sambot ni Kiko, “Pag pinunasan mo yung ilong namin, itim na dahil sa usok nung apoy. Pero yun yung commitment na ibinibigay ni Diego, so kailangan mong sabayan.
“Yun yung commitment na ibinibigay ng bawat tao dito, so wala kang karapatan para magreklamo. Yun yung kagandahan nung show.
“Hindi siya Totoy Bato na isang karakter lang. It’s Totoy Bato pero ensemble, na may sari-sariling istorya…
“I’m so grateful to be a part of a project na napakadaming magaling na artista. Mahuhusay.
“So ako, pag nasa set ako, lagi kong iniisip sa sarili ko, I have to be the best. Kailangan kong maging magaling.
“Kagaya ng sinabi sa akin ni Boss Vic [del Rosario], ‘Kakayanin mo!’”
Read: Kiko Estrada, happy sa GF; wish na makatrabaho ang amang si Gary
GORGY RULA
Maliban sa pag-aartista ay kumakanta pareho ang parents ni Diego Loyzaga na sina Cesar Montano at Teresa Loyzaga.
Naikukumpara siyempre si Diego sa kanyang ama’t ina.
“Every time, it doesn’t matter kung acting or singing man o ano man, it’s always like, ‘Oh, your mom’s a singer, your dad’s a folk singer, dapat marunong ka ring kumanta.
“Yeah, I wish. I wish ganun kadali lang yon. Pero… as much as possible, I try to make him proud all the time, silang dalawa,” sambit ni Diego.
Pine-pressure ba siya ni Cesar na dapat mapantayan niya ito?
Napangiti si Diego: “It’s unspoken. It’s unspoken. I would always try, either to be as good as him, or beat him pa.
“I would always. Siyempre iba kasi ang generation ngayon. Iba yung mga action stars noon. Iba si Cesar Montano.
“Maabot ko man lang yung level niya, siyempre I’m very happy.
"Pero ang goal ko — I’m 30 na, e — for the next ten years, that’s the one and only thing that I want to achieve.
“Kailangan malagpasan ko siya.”
DIEGO LOYZAGA ON SAME INTERESTS WITH DAD CESAR MONTANO
Nakita raw ni Cesar na interesado na talaga siya sa pag-arte, sa buhay-pelikula.
“Film, how it’s produced even. Hindi na sa harapan ng camera kundi sa likod din. Sa pagdidirek,” lahad ni Diego. “
Scoring. Natuwa siya sa akin na sobrang interesado ako sa how much music affects a scene or a movie.
“Yung mga favorites niya, si De Niro, Al Pacino, parehas lang kami ng mga ano. I guess it’s one way of bonding.
“Sa sports din, basketball, all those things. Music. Music din, marami na. Marami na. We’re both grown men na, e.
“Lumipas na ang mga araw na yung tingin siguro niya sa akin ay isang bata.”
Kumusta si Cesar bilang lolo sa three-year old daughter niyang si Hailey?
“Ay, naku! He loves her so much. So, so much. Actually ano iyan, e, magtatampo yan,” pagtatapat ni Diego.
“‘Ano, ilang buwan ka nang hindi nagpapakita? Asan si Hailey? Bakit hindi mo dinadala sa akin si Hailey?’
“‘Sorry, Dad, may taping!’ Pero eto, tapos na tayo, puwede ko nang dalhin agad-agad.”
Read: Vice Ganda questions government plan for drivers amid fuel hike