GORGY RULA
Balik-teleserye si Alden Richards, at bago raw sa kanya itong gagawin niyang medical action-drama na pinamagatang Code Gray.
Ginanap ang story conference ng upcoming Kapuso primetime series noong Martes, April 21, 2026, sa GMA Network Center.
Makakasama ni Alden sa Code Gray sina Christopher de Leon, Andrea Torres. Romnick Sarmenta, Joross Gamboa, Faith da Silva, Christian Bautista, Kristoffer Martin, Jon Lucas, Shuvee Etrata, at Allen Ansay.
Sina LA Madrilejos at Mark dela Cruz ang magiging direktor nito.
ALDEN RICHARDS EXCITED TO WORK WITH CHRISTOPHER DE LEON
Excited ang Asia’s Multimedia Star dahil sa mga makakasama niya rito, lalo na si Christopher de Leon na first time niyang makakatrabaho.
“He’s one of the actors that I look up to,” bulalas ni Alden nang nakatsikahan ng PEP Troika sa storycon.
“Finally, parang ito yung dream come true ko for this year, kasi very vocal ako whenever I get into it, sinasabi ko kung sino talaga yung iniidolo and gusto kong makatrabahong actors.
“Of course, the one only Mr. Christopher de Leon.
"And finally, makakatrabaho ko siya dito sa Code Gray.”
Read: Sue Prado's cause of death revealed by family
ALDEN RICHARDS ON TRIATHLON COMPETITION WITH NICO AND WIL
Isa rin sa napag-usapan namin ni Alden sa storycon ay ang pagsali niya sa BYD Ironman Triathlon sa Davao City noong nakaraang buwan.
Ka-teammates niya sina Nico Bolzico at Will Dasovich.
Puring-puri siya ni Nicpo dahil ang buong akala raw nito ay pa-cute lang ang Kapuso actor.
Napangiti si Alden nang hiningan namin siya ng reaksiyon sa ipinost ni Nico Bolzico.
Saad niya: “Iba rin yung napa-realize sa akin ng pagsali ko sa triathlon. Especially being able to be teammates with Will and Nico during that time.
"Because, kumbaga, pinush din talaga nila ako to really do my best during the race.
"And at the same time, isa sa mga major race kasi siya, e. You know, Ironman is a big franchise globally.
"So, talagang sinikap ko to deliver, and so far, good results naman tayo.”
Read: Nico Bolzico, Wil Dasovich admit underestimating Alden Richards
JERRY OLEA
Ang laki nga raw ng nabago kay Alden nang nakahiligan niya ang cycling at running.
“Physically, mentally, emotionally. Parang… for me, endurance sports kasi is a way of life already, e.
“So, parang it’s a part of my life right now wherein I consider it as my outlet.
“You know, it’s far away from the field of work that I’m doing right now. Para kahit papano makahinga and maka-relax.
“So, isa yun sa mga bagay na pinagtutuunan ko talaga ng pansin because it helps me a lot,” saad ni Alden.
ALDEN ENCOURAGES THE YOUTH TO TRY RUNNING AND CYCLING
Kaya hinihimok niya ang mga kabataang ma-involve sa ganitong activity kesa raw mahumaling sa ibang bisyo.
Sabi pa ni Alden: “Actually, marami sa mga kabataan natin ngayon siyempre na naghahanap ng pagkakabalahan or minsan gustong sumubok ng mga bagong bagay.
“Before I entered the discipline of running and cycling, masyado akong overwhelmed with the idea na kung kaya ko ba siyang gawin. But you’ll never know unless you try.
"And I am telling you the benefits of it and the fulfillment that you can achieve while doing those kind of things, especially sports-related. And pampaganda din ng kalusugan, iba din sa pakiramdam.
“So, try it guys. I mean, it’s one of the best vices there is more than anything else, sa halip na iba yung gawin.”
CHRISTOPHER RETURNS TO GMA-7
Umarangkada ang Kapuso primetime series ni Ruru Madrid na Lolong, kung saan tampok si Christopher de Leon. Turning point iyon sa career ni Ruru.
Kinuha kapagkuwan si Christopher sa Kapamilya primetime series ni Coco Martin na FPJ’s Batang Quiapo.
This time, balik-Kapuso si Christopher at susuportahan niya si Alden.
Si Christopher ang Drama King of Philippine Movies.
Exciting ang collab nila ni Alden, di ba?
Siyanga pala, itong Code Gray ba ang hudyat ng tuluyang pagkalas ni Allen Ansay sa loveteam nila ni Sofia Pablo?
Read: Loveteam nina Sofia Pablo at Allen Ansay, paghihiwalayin muna?
NOEL FERRER
Bago magsimula si Alden sa Code Gray, gagawin daw muna niya ang pelikulang Love Siargao na pagsasamahan nila ni Nadine Lustre.
Meron din daw offer sa kanyang magdirek muli ng pelikula, hindi lang daw niya maisingit sa schedule niya ngayon.
“Baka hindi po muna this year. Focus po muna tayo sa, of course, yung Love Siargao, Stars on the Floor, ongoing pa rin po kami, and then of course itong Code Gray po.
“May mga projects po na nakapila... na one of them is for a directorial job. Pero tinitingnan ko pa po kung kaya ng schedule kung kaya ko siya magawa,” saad ni Alden.
ALDEN-JOROSS REUNION PROJECT
Maganda rin dahil ito ang reunion project nina Alden at Joross bilang dating Ethan at Jim sa Hello, Love box-office hit movies nila.
Masaya rin si Joross kasi makakasama niya ang kanyang idol na kapitbahay sa Parañaque na si Papa Boyet de Leon.
Mukhang magiging maganda at magaan at masayang teleserye itong Code Gray.
Read: PRC explains “Name Withheld” in 2026 Physician Licensure Exam
