GORGY RULA
May mga na-realize daw si Sid Lucero nang mag-taping siya para sa inspirational at faith-based series ng TV5 na My Bespren Emman.
Tinamaan siya?
“Ahhmm, personally, always. All my projects naman, e,” sabi ni Sid matapos ang advance screening ng teleserye noong Abril 17, 2026 sa Gateway Mall 2, Cubao, Quezon City.
“But if you’re talking about the focal point of the show ahhmm… in my personal life, I deal with the religious stuff in a very different way from the rest of the country.
“So your question applies to me every day, just not through the show.”
May nagawa na ba siyang series before na inspirational at faith-based? Yung ganitong genre?
“Never anything like this pero hopefully lahat ng ginawa naming project is somewhat inspirational. Sana,” sambit fortysomething actor.
TIMELY THEME OF MY BESPREN EMMAN
Sabi ng co-star na si Shaina Magdayao, napaka-timely ng My Bespren Emman sa mga kaganapan ngayon hindi lang sa bansa kundi sa mundo.
Mabilis na pag-ayon ni Sid: “Yes, I agree. And for the past couple of years, actually since pandemic. Yeah, it’s a nice reminder that… we’re all related technically, you know what I mean.
“The way we treat each other as such.”
Sabi ni Sid, hindi mahirap gawin ang My Bespren Emman. Kagaya lang daw ito ng ibang projects niya.
Pero first time daw niyang ma-experience sa isang TV series na umpisa pa lang ay malaki na ang gastos.
“Kasi, first time akong nakakita ng kotseng nilubog sa tubig. Pinalipad, sinira — na TV show!” natatawang lahad ni Sid.
“Nakakagulat. That’s the part that makes me parang medyo culture shocking siya para sa akin.”
Bida sa My Bespren Emman si JM de Guzman bilang Mateo de Jesus.
Nasa cast din sina Ai Ai de las Alas, Kit Thompson, Michael de Mesa, Mitch Valdes, Elyson de Dios, Yasmyne Jill, Zion Cruz, at Ely Buendia bilang Emman.
Ang direktor ay sina Jerome Pobocan at Derick Cabrido.
Magpe-premiere ito bukas, Abril 27, 2026, Lunes ng 8:45 P.M., sa TV5.
Read: Jayden Fernandez, umaming may video scandal; nag-sorry sa partner
NOEL FERRER
May konti bang pagkapareho siya at ang karakter niyang si Joshua sa My Bespren Emman?
Hinay-hinay na tugon ni Sid Lucero: “I would like to think so. Maybe not the way he thinks, maybe not some moral standards.
“But I try kasi to keep my characters as real as possible. And the only way I can do it is to base it on what I know or what I’ve experienced.
“If I try to invent anything, parang I feel like I’m not being… parang dinadaya ko yung audience. Ganun ang feeling ko.”
SID LUCERO ON RELIGION
Pinalaki si Sid bilang isang born-again Christian.
“I grew up in a Catholic school. I represent all religions in my work. I’m not into the church stuff,” pagsisiwalat ni Sid.
“I’m in a personal relationship stuff. I don’t like the politics involved, which is no matter what, it’s not my faith.”
Gumanap nang Muslim si Sid.
“Yeah, plus if you look how religion was created… you kinda know why it doesn’t make sense, and it makes you wonder why it’s still that way now.”
Nagkaroon ba siya ng apprehension na tanggapin ang Joshua role sa My Bespren Emman?
Umiling si Sid: “No, never. Kasi, someone has to represent one side to get the whole message out.
“And kung doon sa isang side ako nababagay, gagawin ko talaga ang trabaho.”
Agree ba siya sa mensahe ng My Bespren Emman?
“One hundred percent, one hundred percent. They always ask me nga kung sino si Emman,” sagot ni Sid.
“But for me, it’s the energy within all of us that helps change anybody as long as you spend time with them.
“Just one look, you know. Even a few seconds you just listen can change a person’s day, week, maybe a life.
“To me that light, that’s God.”
Naging bespren din ba niya si Emman?
“Always. One hundred percent.”
Read: Bea Alonzo at Vincent Co, ikinasal na sa Maynila?
JERRY OLEA
Nagkatrabaho sina Sid Lucero, Shaina Magdayao, JM de Guzman sa panghapong teledrama ng ABS-CBN na Alyna, na umere noong Setyembre 2010 hanggang Pebrero 2011.
Tawang-tawa sina Sid at JM nang sabihin ni Shaina na “ibang nilalang” pa noon ang dalawang aktor.
Sa ngayon ay mas mature at mas responsible na raw sina Sid at JM.
Napahalakhak si Sid: “Ha! Ha! Ha! Ha! Ha! Ha! Ha! Totoo naman kasi! Tapos naaaliw ako sa kanya kasi napaka-politically correct ng mga salita.
“And I really appreciated what she said. And it’s funny… Imposibleng hindi niya maa-absorb kasi siya ang nahirapan, e. Ha! Ha! Ha! Ha! Ha! Ha! Ha!”
Open book naman ang pinagdaanan pareho nina Sid at JM. At happy si Sid na nalampasan niya iyon.
Nagbago siya. Bumangon.
“Proud, more than anything! I’m proud that my mom is proud and happy!” bulalas ni Sid.
“And to hear Shaina talk about me that way!”
Amused na amused sila ni JM.
“Nagsalita na si ate, first time in ten years,” sey ni Sid.
Read: Shaina Magdayao, balik-family drama sa My Bespren Emman