GORGY RULA
Hindi sinasagot ni Alex Gonzaga ang pangungulit namin kung totoong nagdadalantao siya.
Marami kasi ang nagdududa magmula nang mag-post siya sa Instagram noong Easter Sunday na tila nagpapahiwatig sa kanyang kalagayan.
Pero wala siyang kinumpirma.
Mensahe niya noon sa Instagram: "Thank you Jesus for this life that we have together. Thank you for your grace, trials, favor and blessings. You have risen!!!!"
Lalong kaduda-duda nang in-edit niya ang caption sa kanyang IG post at tinanggal ang katagang “little” life.
View this post on Instagram
Sumagot lang si Alex nang ifinorward ko sa kanya ang isang post sa X ng litrato nila ng mister niyang si Lipa City Vice-Mayor Mikee Morada.
Kapansin-pansin kasing malaki ang kanyang baby bump sa naturang larawam.
Obvious namang AI yun, pero tinanong ko pa rin siya kung totoo ba ito.
Doon lang siya nag-react at sinagot niyang, “AI po yan hehehe!”
Pero nang sinundan ko ng tanong tungkol sa kalagayan niya ngayon, at kung totoo bang buntis, hindi na siya sumagot.
Kahit ang ilang taong malapit sa kanya ay hindi rin malinaw ang sagot. Ang iba ay sinasabi nilang wala silang alam.
Read: Bea Alonzo at Vincent Co, ikinasal na sa Maynila?
FANS ARE HAPPY FOR ALEX GONZAGA
Pero excited at masaya ang fans ni Alex na nagko-comment sa kanyang IG post.
Umabot na ng mahigit 300,000 ang nag-like at mahigit 2,000 ang nag-comment na masaya sila kung totoong buntis na nga siya.
Kahit hindi pa ito kino-confirm ni Alex, ramdam daw nilang lahat at masaya sila para sa actress-vlogger.
Ilan sa mga kaibigang taga-showbiz na nag-comment ng love at prayer hands emoji ay sina Isabel Oli, Jessy Mendiola, Bayani Agbayani, at Charee Pineda.
JERRY OLEA
Dalawang aktres ang pinagdudahang dyontilds, pero tahasang itinanggi iyon ng kani-kanyang kampo.
Nasa interesting stage ang isang pretty young star, at nabalitaan nating pakakasal sila ng kasintahan niyang tall & handsome personality sa lalong madaling panahon.
Read: Pretty Young Star at Tall & Handsome Personality, magpapakasal na
Ini-announce ni Kiray na magkaka-baby na sila ng husband niyang si Stephan Estopia.
Read: Kiray Celis, pregnant sa first baby nila ni Stephan Estopia
Masaya tayo para kay Alex Gonzaga kung totoong preggy siya ngayon.
NOEL FERRER
Mahal ko si Alex Gonzaga at alam niya yan.
Matagal na nating ipinagdarasal na mabiyayaan sila ni Mikee Morada ng supling.
Kung totoong buntis man siya, masaya tayo sa kanya at ipagdarasal pa ring maging safe siya lagi.