JERRY OLEA
Nag-finale sa TV5 noong Abril 24, 2026, Biyernes, ang World of the Married (4:00 P.M.), at Totoy Bato (8:00 PM) nina Kiko Estrada at Diego Loyzaga.
Nag-pilot sa TV5 noong Abril 25, Sabado ng 4:15 P.M., ang weekly program na Ogie Diaz Inspires.
Naka-one-on-one ni Ogie si Barbie Imperial.
Ngayong Abril 27, Lunes, tatlong bagong programa ang handog ng Kapatid Network.
Nasa 4:00 P.M. slot ang Tagalog-dubbed K-drama na The Story of Park’s Marriage Contract, starring Lee Se-young, Bae In-hyuk, Joo Hyun-young, Yoo Seon-ho, and Jo Bok-rae.
Noong Nobyembre 2023-Enero 2024 pa ito ipinalabas sa South Korea.
BACK-TO-BACK: A SECRET IN PRAGUE AND MY BESPREN EMMAN
Nasa 8:00 P.M. slot ang 110-episode A Secret in Prague, na love story nina Chiara Valtrovi (Andrea Brillantes) at Mikoy D. Pinagpala (Enrique Gil).
Sa Facebook posts ng TV5 ay tinagurian si Enrique na "Teleserye King," "Ultimate Leading Man," at "The King of Dance Trends."
Nasa 8:45 P.M. ang inspirational at faith-based na My Bespren Emman kung saan bida si JM de Guzman bilang Mateo de Jesus, at kasama si Ely Buendia bilang Emman.
Sa istorya, si Mateo ay isang ulila na masasadlak sa buhay ng krimen, ngunit sisikaping magbago para sa asawang si Ruth (Shaina Magdayao) at anak na si Miriam (Ryrie Sophia Turingan).
Yung Nag-aapoy Na Damdamin, mula sa 8:45 P.M. timeslot ay umurong sa 9:30 P.M.
Yung Pira-Pirasong Paraiso, mula sa 9:30 pm ay umurong sa 10:00 P.M.
At yung Frontline Tonight, mula sa 10:15 timeslot ay umurong sa 10:30 P.M.
Opo! Tig-30 minuto na lamang ang Nag-aapoy na Damdamin at Pira-Pirasong Paraiso na dating tig-45 minuto.
Read: Mayor Vico Sotto to teach at a university after his term ends in 2028
NOEL FERRER
Kuwela sina Edu Manzano at Arlene Muhlach na gumanap bilang mag-asawang Mario at Tess Pinagpala, parents ni Mikoy, sa A Secret in Prague.
Maging sa advance screening ng first three episodes ng A Secret in Prague noong Abril 22, Miyerkules sa Gateway Mall 2, Cubao, Quezon City ay agaw-eksena ang dalawang beteranong artista.
Pahayag ni Arlene: “Hello, magandang gabi sa inyong lahat. Palakpakan naman diyan!
“Ako po ay si Arlene Muhlach. Hindi ho ako si Almira [Muhlach]. Hindi rin po ako si Nadia [Montenegro]. At hindi po ako si Kristine Garcia.
“Tatlong pangalan ang narinig ko ngayong gabi!”
Pagbibiro ni Edu, minsan lang niyang hinalikan si Arlene ay ayaw na siyang bitawan.
Dagdag ni Edu: “Marami kayong makikita na mga saksakan, mga tagaan, mga explosions. Pero gusto ko sanang panoorin niyo with an open mind.
“Kasi meron kayong makukuhang magandang aral pagkatapos ng aming preview.
“Pero please, kung anumang violence ang inyong makikita dito sa ating preview, please do not take it home, OK. Itapon niyo kaagad.
“Pero isipin niyo muna, ang ganda nung araw na inyong makikita between Enrique and Andrea.
“And for my first song…”
Nasa cast din ng A Secret in Prague sina Kim Domingo, Cedrick Juan, K Brosas, Ruben Maria Soriquez, Joel Torre, Benjie Paras, Queenay Mercado, Ace John Espinosa, Eian Rances, Monique Vazquez, at Mark Ian Garcia.
Siyangapala, noong Abril 24, Biyernes, nag-umpisang mag-streaming sa Netflix ang A Secret in Prague.
Sa talaan ng Top 10 TV Shows ng Netflix Philippines, No. 2 ito kahapon at ngayon.
Read: Bea Alonzo at Vincent Co, ikinasal na sa Maynila?
TOP 10 TV SHOWS ON NETFLIX
Ang Top 10 TV Shows today sa Netflix PH:
- If Wishes Could Kill
- A Secret in Prague
- Sold Out On You
- Phantom Lawyer
- Wistoria Wand & Sword
- Daemons of the Shadow Realm
- One Piece (animated)
- Blood vs Duty
- Kill Blue
- That Time I Got Reincarnated As Slime
GORGY RULA
Nag-finale ang Totoy Bato noong Biyernes, April 24.
Kaya lang, tila wala namang nabago at ganoon pa rin ang viewers nila. Naka-1.3% ang rating nito.
Sana, tumaas ang viewership pagpasok ng dalawang teleserye na ipapalit ng TV5, ang A Secret in Prague at My Bespren Emman.
Pinanood ko uli ang first three episodes ng A Secret in Prague sa Netflix, at mas na-enjoy ko siya ngayon.
Iba pala talaga kapag nasa bahay ka lang, relaxed na relaxed na pinapanood ito, kesa nung pinanood namin sa advance screening sa Gateway Cinema 12.
May mga programang nakakaaliw panoorin sa bahay.
Kagaya nitong Sang’gre na mas mataas pa ang rating nung Biyernes sa 24 Oras.
Ang 24 Oras ay 9.8%; ang TV Patrol ay 2.7%; ang Frontline Pilipinas ay 1.4%; at ang PBA 50 sa RPTV ay 2.6%.
Ang Sang’gre naman ay 9.9%, at ang Blood vs. Duty ay 3.4%.
Sumunod ang Never Say Die na 7.3%, at ang The Alibi ay 3%.
Ang The Secrets of Hotel 88 ay 3.4%, at ang Love Scout ay 1.7%.
Ang Saksi ay 1.6%.
Read: ICC confirms all crimes against humanity raps vs Rodrigo Duterte