GORGY RULA
Nagpapasalamat ang producer ng Regal Entertainment, Inc. na si Roselle Monteverde sa fans nina JM Ibarra at Fyang Smith dahil aligaga raw ang mga ito kung ano pang suportang ibibigay nila sa pelikulang pinagbibidahan ng kanilang mga idolo, ang Almost Us.
Sa simula pa lang ng promo ay nag-sponsor na ang fans ng lunch sa media conference.
Tuluy-tuloy sila sa pag-iisip kung ano pang suporta ang maibibigay nila sa pelikula.
Bukod sa premiere night ng Regal sa Martes, Mayo 5, 2026, may inihahanda rin daw ang fans na sarili nilang premiere night at may mga block screening na rin silang naka-schedule.
ROSELLE ON JMFYANG FANS
Sabi ni Roselle nang nakapanayam namin sa DZRH nung Miyerkules, Abril 29: “Nagpapasalamat talaga ako sa mga fans, kasi they’re so supportive of the JMFyang. Dati pa yun, e, nung Shake, Rattle & Roll [Evil Origins], ganun na sila.
“And then, at the same time, excited sila. This is the first full movie nila na romantic pa.
“I hope I don’t disappoint them. Because I’m happy with the outcome of the movie, and plano pa nila… they’ll gonna have a lot of block screening.
“And at the same time, parang magho-host pa sila ng another premiere night. Aside from the premiere night that we’re giving.
“Marami silang mga giveaways, and I know that… ang dami pa nilang binabalak na fan party and, you know, they really love the couple.”
Ito raw ang napansin ni Roselle sa fans ngayon.
Sobra silang involved sa projects ng iniidolo nilang artista. Talagang gumagastos sila para lang makatulong maging successful ang isang proyekto.
Nakita raw niya ito sa fans nina JM at Fyang.
“Alam mo, iba! Di ba napansin niyo rin na ang mga fans ngayon, they’re very organized.
“Organized sila, at pinaplano nila, ipinapakita nila talaga na they fully support the artist,” sabi pa ni Roselle.
Read: Vice Ganda reveals reason for recent break from It's Showtime
NOEL FERRER
Sa Mayo 6, Miyerkules, na ang showing sa mga sinehan ng Almost Us.
Kinumpirma ni Roselle Monteverde na bababaan nila ang presyo ng ticket. Hindi lang niya masabi kung magkano dahil depende raw ito kung saang sinehan.
Ani Roselle: “Parang yun na ang nagiging normal ngayon na binababa na talaga yung presyo sa cinema. Kasi, they make it more affordable. Para naman madami na yung manonood.
“Alam naman natin na dahil sa crisis, we’re trying to fit yung ating needs sa iniipon natin, di ba?
“So, it’s nice for the cinema to be doing this.”
Puwede raw i-check sa social media ng Regal Entertaiment kung magkano ang presyo ng ticket depende kung saang sinehan.
“Actually, we’ve been announcing it sa Facebook page namin pati dun sa spots namin na lumalabas sa telebisyon, we’re flashing it.
"We’ve been announcing it. They can refer na lang sa Facebook page namin,” sabi pa ng film producer.
Congratulations pala kay Roselle sa pagkilalang natanggap niya bilang Topnotch Film Producer and Empowered Woman in Asia Pacific ng 2nd Asia Pacific Topnotch Men and Women Achievers Awards.
Patuloy pa rin daw siya sa paggawa ng pelikula, kahit nasa gitna tayo ng krisis na hinaharap natin ngayon.
“You don’t work just because you want to be rewarded,” pakli ng Regal producer.
“We just continue doing what we’re supposed to do and the best that we can.
“Yung award is just, you know… it’s nice to be recognized because it’s an extra na parang bonus na lang yan sa atin.
“Of course, we have to work hard.”
Read: WHAT PEP KNOWS: Bea Alonzo and Vincent Co's wedding date
JERRY OLEA
Topgrosser sa 21st Cinemalaya filmfest noong Oktubre 3-12, 2025 ang pelikula ni JM Ibarra na Child No. 82 (Anak ni Boy Kana).
Revelation doon si JM, na nominadong best actor.
Ramdam namin ang mainit na suporta roon ng ardent fans nila ni Fyang Smith.
Sa fashion extravaganza ng Bench noong Abril 19 sa Space @ One Ayala, Makati City, todo-suporta ang fans nina JM at Fyang sa live streaming na nag-peak sa 31.8K concurrent viewers.
Panay-panay ang comment nila habang inaabangan ang pagrampa ng kanilang idols.
JM AND FYANG IN LOVE IS NEVER GONE
Kasama sina JM at Fyang sa 14-episode series na Love Is Never Gone kung saan bida sina Joshua Garcia at Ivana Alawi.
Nag-blue-carpet premiere ang first episode ng Love Is Never Gone noong Abril 28, Martes, sa Gateway Mall 2, Cubao, Quezon City.
Wala pang eksena sina JM at Fyang sa first episode.
Pero sa mediacon afterwards, pinuri si Fyang ng mga beteranong artista na sina Michael de Mesa at Dina Bonnevie na gumanap bilang parents niya.
Pahayag ni Michael: “I told her this, e. Na for a newcomer, she really has something to offer. And I believe that she would be one of our future best actresses — si Fyang.
“Magaling siya, magaling siya. She knows her job. She knows her character. Basta, yon, magaling siya, in general, magaling siya.
“And like I said, she has the potential to be a really, really great actor.”
Sabi naman ni Dina: “Naku, Fyang is like my baby girl. Lahat naman ng nagagawa kong series, pag anak ko, nagiging anak-anakan ko talaga.
“And I would say, just like Michael said, Fyang has a lot to offer. She has a lot of promise for her audience.
“She is a multi-faceted performer. Talagang… kahit na magulo yan, ha, before the scene… kahit na magulo yan, pero pag alam niyang iiyak siya, tinitingnan ko, ‘Makaka-deliver ba ito?’
“Yung eksena namin na talagang confrontation. Sasampalin ko yan. Takot na takot siya kung sasampalin ko siya.
“Sabi ko, ‘Hindi kita sasampalin. Hindi ako nananampal.’ ‘Hindi, puwede lang, kahit slight.’ ‘Hindi nga kita sasampalin,’ sabi ko.
“But I was amazed that she was able to deliver. So, sa mind ko, ‘Ang galing naman nito. Magaling itong bulilit na ito!’”
Sa mga papuring iyan nina Michael at Dina, aba, dapat nating panoorin ang pelikulang Almost Us sa Mayo 6, Miyerkules, lalo pa’t obra ito ng premyadong si Dan Villegas.
Kita-kita tayo sa mga sinehan!!!
Read: DonBelle confirms break from loveteam after Tayo Sa Wakas