GORGY RULA:
Pagkatapos ng Sanggang Dikit, ini-enjoy na muna ni Jennylyn Mercado ang magpaka-nanay sa mga anak na sina Jazz at Dylan.
Pero hindi lang sa dalawa niyang anak, kundi pati na rin sa anak ni Dennis Trillo kay Carlene Aguilar na si Calix Ho.
Ito ang ipinagpapasalamat ni Carlene kay Jennylyn, dahil alam niyang mahal nito ang kanyang anak.
OK ang pakikitungo nina Carlene at Jennylyn sa isa’t isa. Meron silang communication.
Mas nakabubuti ito sa mga bata, sabi pa ni Jennylyn.
“Feeling ko mas maganda dahil dalawa yung mommy ni Calix, di ba?” pakli ni Jennylyn a nakapanayam namin sa renewal niya ng kontrata recently sa Beautederm, kunsaan ini-endorse nito ang Reverie air & fabric freshener.
"Si Jazz naman, dalawa yung daddy niya. So, nakakatuwa na pareho silang naalagaan at tini-treat din ni Dennis si Jazz na talagang sa kanya galing."
Tinanong din si Jennylyn tungkol sa tunay na daddy ni Jazz na si Patrick Garcia, pero hindi ito sumagot. Iniiwasan niya itong pag-usapan.
JENNYLYN MERCADO ON SON ALEX JAZZ
Masaya lang daw siya kay Jazz dahil nakikita raw niya ang special talent nito, at ang pagkahilig sa musika.
“Sa music po. Nahihirapan siyang magsalita. Pero pag may music, mas alert siya… ang focus niya, andun.
“Pag ano siya, mahilig siyang makinig. Tapos, magha-hum siya ganun. Ang galing ng tono pag hinum niya,” saad ni Jennylyn.
Ipinagmamalaki pa niyang mabait si Jazz at tumutulong sa bahay.
“Napakabait po ni Jazz. Kasi simula po naman nung bata yan. Kahit ganun, dinidisiplina ko din po sila.
“Si Jazz, marunog sa gawaing bahay. Marunong magligpit. Marunong po,” sabi pa ng Kapuso actress.
Kahit ang anak nila ni Dennis na si Dylan ay music din daw ang hilig.
“Ngayon music din e, parang si Jazz. Mahilig sa music, mahilig sumayaw, mahilig umarte, ganyan,” sabi pa ni Jennylyn.
Read: Bea-Vincent wedding faces delays amid prenup, family issues
NOEL FERRER:
Sa StarStruck, itong batch pa rin ni Jennylyn Mercado ang maraming nakilala at talagang nagtagal ang showbiz career.
May ilan din sa kasamahan nito sa batch 1 ang hindi naging okay ang buhay, pero dahil sa closeness nila, nandiyan sila at nagtutulungan.
“Siyempre, parang mga kapatid ko na rin sila, di ba? Lalo na yung first batch.
“Yung relationship na nabuo namin sa StarStruck, hindi basta bata. Para ko na silang pamilya. Kaya, kung ano man ang kailangan o may maitutulong man kami, dito lang kami.
"Isang tawagan o text lang,” saad ni Jennylyn.
Ayaw lang sagutin ni Jennylyn, kung meron ba siyang mga natulungang kasamahan na nangangailangan. Hindi naman daw nila pinababayaan ang mga kasamahan nila sa batch 1.
“Huwag na po. E, siyempre, tulad ng sabi ko, hindi sila ibang tao. Kaya dito kami para tumulong, anytime,” sey ni Jennylyn.
Ayaw rin niyang magsalita tungkol sa kontrobersyang kinasangkutan ni Alvin Aragon.
JENNYLYN MERCADO ON GAS PRICE
Samantala, ramdam na rin ni Jennylyn ang hirap sa pagtaas ng presyo ng gasolina at mga bilihin. Binenta na raw nila ang isa nilang sasakyan na magastos daw sa gas.
“Nagbenta na kami ng sasakyan, kasi ayaw na namin gamitin dahil sa sobrang mahal ng gasolina,” bulalas ni Jennylyn.
“Kasi imagine, yung sasakyan na yun, 10 thousand ang full tank.
“E, yung asawa ko, nagsu-shooting, 3 and half hours papunta, 3 and half hours pabalik. So araw-araw ganun. Ang mahal talaga!” sabi pa ng Kapuso Ultimate Star.
Read: WHAT PEP KNOWS Bea Alonzo-Vincent Co Wedding: Is it on or is it off?
JERRY OLEA:
Pinagkakaabalahan ni Jennylyn Mercado ang album na ginagawa niya sa Star Records.
Pinasok na rin niya ang negosyo, at sinimulan na niya ang pagbuo ng sarili niyang beauty products.
Nagpapasalamat siya kay Rei Anicoche-Tan ng Beautederm dahil ginagabayan siya sa papasukin niyang negosyo.
“Si Ate Rei, basta gusto niya suportahan lang niya ako sa kahit anong business venture na pasukin ko, at masaya ako dun.
"Marami pa akong puwedeng matutunan kay Ate siyempre. Actually, skin care make-up na siya. Make up na may skin care.
"Kasi sobrang sensitive ng skin ko, Ang hirap humanap ng foundation. Bakit hindi na lang ako humanap ng foundation? Bakit hindi na lang ako humanap ng sarili kong foundation with benefits? So, naisip kong gawin siyang business,” pahayag ni Jennylyn.
Sabi naman ni Ma’am Rei Tan, “Ganun naman po, e. Kapatid ang turing ko sa kanila, mga anak-anakan yung iba.
"Kasi pag tinatanong sa akin, ‘Ate, anong magandang business?’ Sabi ko, dun ka kung saan ka masaya. Kung saan mahilig ka, especially siya, sensitive.
"Kahit flowers, nahirapan kami. Kaya wala kaming flowers… kasi kung flowers mismo, hindi siya puwede, kasi yung pollen."