GORGY RULA
Kabilang si Mark Ian Garcia ng Star Worx sa TV5 sa ipinakilala sa media conference ng ALV Talents Circuit at Viva Artists Agency na ginanap sa Viva Café, Cubao, Quezon City, noong Huwebes, Mayo 7, 2026.
Si Mark Ian ang gumaganap na Angelito Pinagpala, ang kapatid ni Mikoy (Enrique Gil) sa TV5 primetime series na A Secret in Prague.
Masaya si Mark Ian nang nakatsikahan namin dahil nung araw na yun ay bumalik sa No. 1 ng Top 10 TV shows ng Netflix.
Nagpapasalamat siya sa TV5 na isinama siya sa A Secret in Prague. Wala naman daw siyang ini-expect na mapansin siya rito.
Saad niya: “At first, of course sa expectation, hindi masyado. Because it’s my first time doing a series.
“But the expectation is on the series itself, because it’s with parang big stars in our country. That’s Enrique and Andrea Brillantes.
“That’s why being in the series itself, masaya po ako at sobrang malaking opportunity po ito para sa akin. Bonus po if mapapansin yung role ko.
“And I’m happy na I would say it’s my contraction with… it has a good reception sa audience po ano.
"And yun nga, natatawag na akong Angelito even pag lumalabas ako. I’m really happy na maganda yung dating nun sa tao.”
MARK IAN GARCIA RELATES TO HIS CHARACTER
Medyo naka-relate pa raw siya sa role niya sa A Secret in Prague.
Nag-graduate si Mark Ian na magna cum laude sa kursong Interior Designing sa La Salle College of St. Benilde.
Kasalukuyan siyang SK Chairman ng Brgy. Cupang, Muntinlupa.
“Kaya masaya ako sa role ko na ginampanan ko yung sarili kong pagkatao.
“Ako po kasi school boy, and bunso ng pamilya, bonus din na Mario yung pangalan ng tatay ko.
“Kaya masaya po ako dun sa character na nabigay sa akin, na parang, ‘Uy! Medyo kamukha ng personality ko,’” saad ng baguhang aktor.
Si Mark Ian Garcia ay exclusive artist ng Star Worx, at co-managed ito ng ALV Talent Circuit ni Arnold Vegafria.
Read: Mark Ian Garcia recalls he almost gave up on A Secret in Prague
Sinagot din ni Mark Ian Garcia ang tanong ng ibang press kung gaano ba sila ka-close ni Brent Manalo. Nakikita raw kasi silang magkasama.
Pero ayon sa Star Worx artist, hindi sila ganun ka-close.
Paliwanag ni Mark Ian: “Brent Manalo and I… meron kaming parehas na social media manager. So, kaya connected po kami. We’re acquaintance right now.
“Actually, isa siya sa mga tinitingala ko ngayon na parang… yung projection ng career niya, parang… he’s also from La Salle, parang ganun.
“So, medyo parang I would like to see myself na parang siya in the future.”
READY FOR INTRIGUES
Ngayong nasa showbiz na siya, handa raw siya sakaling maiintriga siya.
Aniya: “I mean, as a public figure of course, parang nasa public consumption, no?
“The moment you step in in the industry, I think isa yan sa mga bagay na handa kang harapin po. Ako naman, I’m always ready for that.
“I think that’s one thing na natutulungan din tayo as an actor or as a public figure na mag-grow pa. Because those are opportunities for us.”
Read: How celebrity lawmakers voted in Sara Duterte impeachment case
JERRY OLEA
Nag-trending sa X (dating Twitter) si Mark Ian Garcia noong Disyembre 2024.
Na-curious si John “Sweet” Lapus at nagtanong noon sa X, “Mga anak, sino si Mark Ian Garcia?”
Usap-usapan na kumalat noon ang video ni Mark Ian na pinapaligaya ang sarili, at may tinawag daw na “Daddy J.”
Hindi malinaw kung si Daddy J ay si Daddy Blake rin na marami pang ibang nabiktima nang lumaganap ang pandemya noong Marso 2020.
Gumawa si Direk Jay Altarejos ng pelikulang Finding Daddy Blake noong 2022 kaugnay sa eskandalong iyon.
Nang makausap namin ang producer na si Marc Cubales noong nakaraang Marso, ayaw pa niyang ipalabas ang movie kahit saang platform dahil matindi raw ang patama niyon sa gobyerno.
May fans ni Mark Ian ang nanindigan noon pa na deepfake o AI-generated ang video na ayon sa mga nakapanood, more or less ay three minutes ang running time.
RESURRECTED ISSUE
Ngayong napapansin si Mark Ian sa A Secret in Prague, na-resurrect ang pagkasangkot niya sa video scandal.
Halatang hindi kumportable si Mark Ian nang usisain ng PEP Troika kaugnay sa isyu. Hindi niya inamin o itinanggi.
Ang safe ng sagot niya: “Again, we have to know kung ano ang magre-resonate sa atin, kung ano ang maghe-help sa atin.
“If we know ourselves. If we know the people who support us, I think that’s enough already for us to give an attention to those kind of things, no?
“There are things that’s really out of our control, no?”
Sa kanya ba talaga yung video?
Ang sabi lang ni Mark Ian: “Ahh, what I just wanna say is, libre ang maging mabuti, libre rin ang maging masama.
“So, sa atin, anong libre ang gugustuhin natin?
“Me, I always wanted to choose kindness about everything else.”
Read: Ron Angeles says he has moved on from controversial video scandal