GORGY RULA
Ngayong araw, Mayo 16, 2026, Sabado, ang alis patungong Thailand ni Keylyn Pan Trajano, ang isa sa dalawang Filipina transwomen na kasali sa Miss Grand International (MGI) All Stars.
Lima ang taga-Pilipinas na lalaban sa first edition ng patimpalak.
Bukod kay Keylyn, kasali rin sina Gazini Ganados, Imelda Schweighart, Alexia Nunez, at ang isa pang transwoman na si Fuschia Ravena.
Nakapanayam ng PEP Troika si Keylyn nang napasama siya sa sampung beauty queens na ipinakilalang artists ng ALV Talents Circuit, na nakipag-partner sa Viva Artists Agency.
Keylyn Pan Trajano's edge over MGI All Stars candidates
Kampante si Keylyn na lalaban siya nang husto sa Miss Grand International All Stars na gaganapin sa Bangkok sa Mayo 30.
“Yung edge is, I think, it’s my age and my wisdom,” bulalas ni Keylyn.
“Kumbaga kasi, I’m not young in the industry. I’m 31. But it doesn’t mean that being 31, you are already at the borderline of a pageant person.
“It’s all about ano talaga, e, it’s all about breaking that boundary.
“And I think the more you’re older, the more you’re mature, the more you have experience.
“Sa akin kasi, I was raised in the racial household. I’m Emirati, Spanish, and Filipino.
“I travel around the world. I had residency in other countries. So I was able to adapt dun sa lahat ng changes.
“It’s all about adaptability. And hindi ako naba-box sa certain na culture, religion or belief. And I’m open to see everything to be able to understand them.”
Marami nang nasalihan si Keylyn, pero marami pa raw siyang gustong maipapakita sa pagsali niya sa MGI All Stars.
“Wala naman sa ganda kasi iyan, e,” pakli niya.
“I mean all of the candidates are beautiful, lalo na All Stars. Lahat po ay may napatunayan na."
Pero up to what yung kaya mong patunayan?
“Kaya kami bumabalik dito is because meron pa kaming patutunayan, io-offer sa tao. Meron pa kaming ipinaglalaban pa, at meron pa kaming puwedeng ibigay sa mga audience, para matuwa sila sa aming comeback.
“So this is a redemption and a comeback story,” sabi pa ni Keylyn.
Read: How to get tuition-free college degree via UP Open University
NOEL FERRER
Kung papipiliin si Keylyn sa mga bansang may residency siya, ang Pilipinas pa rin daw ang gusto niya.
“Dito kasi… a lot of people talk about the toxicity of the Philippines. Actually, yung totoo, tingnan niyo naman ngayon, nagse-celebrate tayo sa Viva.
“Ako nga po, tinanggap nung Viva para maging artist nila.
"Sa Pilipinas, nagse-celebrate din naman tayo.”
Ang mahlaga raw ay kuntento siya.
“I think it’s a matter of contentment. And naging kuntento na po ako na maging maganda yung buhay ko sa Pilipinas.
“And of course, I love my life in the U.S. I love my life in Middle East, I love my life in Europe.
“My mom loves Europe. Pero iba yung pagmamahal ng Pilipinas kasi dito, you can actually grow, you can explore...try to be curious about yourself.
“And then try to expand through that identity and then learn where you belong.
“Yun yung masarap sa Pilipinas, at saka siyempre, ang daming nagsasabing ang daming problema ng Pilipinas, pero dapat nating unahin yung problema natin sa satili natin, no, bago natin intindihin yung problema ng iba.
“Kasi pag naayos natin yung sarili natin, it will actually be a chain reaction and a ripple effect sa lahat ng tao.
“Philippines is the place to be. It’s more fun in the Philippines. Philippine is love,” pam-beauty queen na pahayag ni Keylyn.
Read: Andrea Brillantes, Enrique Gil on love, secrets, settling down
Keylyn Pan Trajano's on transwomen in beauty pageants
Meron pa ring hindi umaayon sa pagsali ng mga transwomen sa ganitong competition.
Pero sabi ni Keylyn, kung hindi raw siya nagkamali, mga 16 transwomen daw silang lalaban dito sa MGI All Stars.
Hindi raw siya nao-offend sa mga hindi pabor sa pagsali nila.
“Okay lang iyan. Kasi hindi naman pilitin ang mga taong maniwala at gawin ang gusto natin, di ba?
“Kasi may kanya-kanyang kinalakihan, may kanya-kanya tayong values, may kanya-kanya tayong paniniwala.
“And sino ba naman ako para baguhin yun dahil lang sa representasyon ko? Respeto lang din iyan, di ba?
“Kung sila’y hindi ako matanggap at hindi pa nila maiintindihan, kaya kong respetuhin yun.
“Kasi kung gusto kong respetuhin ako ng tao, kailangan ko rin silang respetuhin.
“Kanya-kanya tayo ng paniniwala, and of course, kung may ganyan, you need to find the safe space na lang for you.
“Kung hindi nila maiintindihan, it’s okay let them be, and I find another place for you na dun ka mas matatanggap, dun ka mas maintindihan.
“And you build your community through that,” saad ni Keylyn.
JERRY OLEA
Keylyn Pan Trajano on Marina Summers' Miss Universe Philippines 2026 hosting stint
Kaibigan pala ni Keylyn Pan Trajano si Marina Summers.
Isa siya sa nagtanggol sa ilang nam-bash sa istilo ng hosting ni Marina sa nakaraang Miss Universe-Philippines 2026.
“Marina Summers is actually a friend. Alam niyo, bago siya mag-host dun, magkasama pa kami sa salon.
“Nagpa-salon kami together,” bulalas ni Keylyn.
Ano ang reaction niya sa bashing na inabot ni Marina?
“It’s pride. Yun lang po. Yung bashing na iyan kasi, it’s up to the person who’s looking at it.
“Siguro mataas lang yung expectation. I understand also, kasi kahit naman ako, my sentiments to that is, siyempre bago pa lang din siya. First time ito.
“Kahit din naman siguro ako, kung ako mag-Miss Universe host or kahit anong big pageant, first time ko, may crumbling talaga. May nerbiyos."
Pero, kung ano raw ang nararapat na gawin, sinunod lang din ni Marina.
“Sinunod niya. Yun naman ang nakasulat, e.
“Nakasulat dun, lively voice, di ba? Tone, exciting, di ba? Papalakpak ang mga tao. May script, e.
“So, she delivered what is needed of her, and she gave a very respectful performance.
“Kasi as a transwoman, laging sinasabing ‘baklain mo.’ Bakla na nga, babaklain pa.
“Bakit mo gagawin yun, e, kailangan nga respeto, and that’s so respectful...[it's a ] celebration of women."
Ang verdict niya?
“So, she did it well.
"Of course, there’s a lot of naysayers, but there’s also a lot of believers.
“I think Marina should take it as a good criticism, so, she can improve as well.”