GORGY RULA
Nilinaw nina Faith da Silva at Sam Verzosa na magkaibigan lang sila.
Huwag daw lagyan ng malisya na nakita silang magkasamang nanood ng concert ni Jessica Sanchez sa SM MOA Arena noong Sabado, Mayo 16, 2026.
Hindi lang daw silang dalawa kundi marami silang magkakaibigan na nanood.
@batangsampalocsv Spotted: #SamVerzosa with #FaithDaSilva at #JessicaSanchez’s concert #fyp ? Raining In Manila - Lola Amour
FAITH AND SAM, ONLY FRIENDS?
Magkasama rin silang dumalo sa birthday party ni Jun Lalin noong Miyerkules, Mayo 20.
Doon ay hiningan ng PEP Troika ng reaksiyon sina Faith at Sam sa pagkalat ng video na magkasama sila sa Jessica Sanchez concert.
“Kaibigan lang kami. We’re friends. Me and Sam are friends,” paulit-ulit na pahayag ni Faith.
Nagulat daw siya nang kumalat yung kuha na magkasama sila ni Sam.
“Marami nga, kasi nanood ng concert,” tugon ni Faith.
Tinanong namin kung nanliligaw ba sa kanya ang negosyante at dating congressman.
“Pero wala naman. Friendship para sa akin,” sabi ng Kapuso actress.
“Na-meet ko na siya before pa. 2019 or 2020, if I’m not mistaken.
“Tapos, ngayon lang din nakapag-resurface yung friendship. Kasi nga ako, hindi ako masyadong busy.
"Kasi katatapos lang ng Encantadia Chronicles: Sang’gre, tapos siyempre nag-birthday ako, nagganito, nagganyan.
“So, kahit sino naman siguro, kapag may time ka na, you can hang out with your friends.”
Read: Derrick Monasterio admits losing hope in Philippines amid political controversies
JERRY OLEA
Matipid naman ang sagot ni Sam nang kinulit tungkol sa kanila ni Faith.
Magkaibigan lang daw sila, ayon kay Faith da Silva?
“Opo. More than five years na,” sabi ni Sam.
Napangiti siya nang tinanong kung nanliligaw ba siya sa Kapuso actress.
“Hindi ko alam,” makahulugang tugon nito.
Basta magkakaibigan daw silang nanood ng concert ni Jessica Sanchez.
“Ang dami kong kasama. Ang dami namin. Masaya ang concert, si Martin, si Gary, everyone was there… Regine. Solid!” sabi pa ni Sam.
Si Sam ay ex-boyfriend ni Rhian Ramos, na co-star ni Faith sa Sang'gre.
NOEL FERRER
Single naman daw si Faith ngayon. Mas gusto raw niyang mag-focus muna sa trabaho.
Pagkatapos ng Sang’gre, malapit na niyang simulan ang bagong medical drama na series na Code Grey.
FIRST DRAMA SERIES WITH ALDEN RICHARDS
Excited siya dahil makakasama na raw niya finally si Alden Richards.
“First time naming magka-work sa series together. I’ve only worked with him sa Stars on the Floor. Host siya dun.
“Pero ngayon, first time namin magkakasama,” sabi pa ni Faith.
Na-enjoy raw niya ang immersion nila sa isang hospital para maging kapani-paniwala ang pagganap nila bilang doktor.
“Yes! Sa isang series, at saka medical series ito. Siyempre, medical field.
"Everything has to be factual. Hindi puwedeng magkamali.
“Kaya I think it’s also a great experience for me and for everybody to be in the vicinity of a hospital. Kasi, nakapanood kami ng operation talaga.
“We were able to learn kung ano yung mga rules sa hospital, ang pagsuot ng lab gown, to wash hands properly.
“Marami pa kaming dapat na matutunan,” saad ni Faith.
Read: James Reid name-drops Kathryn Bernardo; Daniel Padilla reacts