GORGY RULA
Nagulat si Ogie Alcasid sa mga intrigang tinanong sa kanya nang humarap siya sa entertainment media para sa promo ng DaddyOkie: A Father’s Day Concert na gaganapin sa Proscenium Theater sa June 19 at 20, 2026.
Tinanong siya ni Jun Nardo kung totoong magtatanggal na raw ng ilang hosts sa kinabibilangan niyang noontime show, ang It’s Showtime.
“Hindi ko alam. Wala naman akong naririnig na ganun. Hindi ko naririnig yan,” sagot ni Ogie.
Tinanong pa ni Ogie kung saan narinig ang ganung balita.
OGIE ALCASID ON VICE GANDA'S RUMORED MEETING WITH GMA EXECS
Sinundan pa siya ng tanong tungkol sa kumakalat na kuwentong nakipag-meeting daw si Vice Ganda sa top executives ng GMA-7.
“DI ba, meron siya, yung Everybody Sing? Hindi ko alam, kasi wala akong balita,” tugon ni Ogie, na buong akala niya napapanood sa GTV ang Kapamilya musical game show na Everybody Sing.
Dagdag pa ng singer-songwriter, “Good for her. She deserves all the… di ba? Vice Ganda yun, e. She deserves it.”
Tila hindi sila apektado sa mga ganung tsismis, at nakikita ang masaya nilang samahan sa It's Showtime.
Saad ni Ogie: “Kami kasi ni Tyang Amy ang senior dun. So, siya yung point of view ng nanay, and then ako naman yung point of view ng tatay.
“Kasi may mga roles kami sa Showtime, e.”
Pero hindi maitatangging bumibigat na ang pinagdadaanan ng ABS-CBN.
Ang sabi naman ni Ogie, hindi sila bibitaw.
“It’s hard for all the artists and… especially for our bosses.
"So, kapit lang. Sama sama naman kami e,” ani Ogie.
Read: ABS-CBN denounces "PR attacks" vs network amid family dispute
JERRY OLEA
Pati si Ogie Alcasid ay natanong tungkol sa mainit na isyung kasalan nina Bea Alonzo at Vincent Co.
May sitsit kasing nahilingan daw si Regine Velasquez na kumanta sa wedding na gaganapin sa Spain.
Katatapos lang kasi ni Ogie sa Canada, kaya hindi siya talaga makakasama kung natuloy sa Spain si Regine.
Tinanong ng PEP Troika si Ogie kung naka-schedule ba dapat si Regine na lumipad pa-Spain para kumanta sa nakatakdang wedding nina Bea at Vincent.
“Ah, hindi ako….” tila naaalangang sagot ni Ogie.
Pero naimbitahan ba talaga si Regine na kumanta sa naturang wedding?
“Ang alam ko, yes. Pero hindi ko alam kung natuloy,” maingat na sabi ni Ogie.
Tinanong pa niya kami kung kailan ba dapat ang wedding.
Merong date na Mayo 14 o 16.
“I think hindi nag-workout yung skeds,” pakli ni Ogie.
Read: Bea Alonzo-Vincent Co Wedding: Is it on or is it off?
NOEL FERRER
Bagong konsepto itong DaddyOkie na Father’s Day concert ni Ogie.
Nag-hit ang nakaraang concert ni Ogie na OgieOkie, at ibang konsepto raw itong DaddyOkie.
“DaddyOkie is a concert for all the daddies. Siyempre, mga daddy ng mga ka-batch ko, and the younger dads.
“So, kakantahin ko diyan yung mga time nung high school pa kami.
“Yung mga Earth, Wind and Fire, yung mga Holy Notes, yung mga sikat nung panahon na yun.
“And of course, may OPM din tayo, di ba? Yung mga APO songs.
“It’s very different from all the concerts na ginagawa ko. Kasi yung concerts ko, laging kanta ko lang yung kinakanta ko.
“So, this time around, it’s a throwback sa lahat ng songs na kinalakihan namin,” saad ni Ogie.
IS REGINE VELASQUEZ RETIRING?
Nae-enjoy raw ni Ogie ang pagkanta, kaya sa ngayon ay wala pa sa isip niya ang mag-retire sa pagkanta.
Napag-usapan din kasi ang retirement, dahil ang buong akala ng karamihan ay magre-retire na si Regine sa pagkanta dahil sa concert na Finale concert nito sa October 2026.
“Hindi naman siya magre-retire, e,” paglilinaw ni Ogie.
“Nag-usap kasi kami nang masinsinan. Sabi ko sa kanya, ‘Hon, kung pagod ka na, and you feel like you wanna spend more time with Nate and the family, don’t worry. Don’t worry. We’ll all be okay.’
“I think, at the back of her mind, nagwo-worry siya dun. But ako, feeling ko, she’ll be singing forever.
“As a husband, I think yung priority ko, okay siya, e.
"Ang daming nagmamahal kay Regine, e. Mga fans niya, mga solid Reginians… who really enjoy her singing. Nababasa ko, e.
“Pero a lot of them accepting… ‘Sige, Ate, kung talagang ano ka, natanggap namin yan. Pero huhuhu,’ di ba?"
Pagpapatuloy ni Ogie: “However, hindi natin malalaman, e, di ba? I think ang ayaw lang natin, otsenta ka na, kumakanta ka pa — as long as you can do, you are still physically able to do it, why not?
“But when you are singing… ‘Uy, hirap na hirap na siya,’ that’s hard to see.
“If you can still do it, why not? But if physically you’re not capable of delivering a performance na worth the time...
“Like ako. I’m a huge fan of Paul McCartney, he’s 76 years old. I went all the way to Las Vegas just to watch him. Balikan.
”Sabi ko kay Nate, “Nate, mag-impake ka, manood tayo kay Paul.’ Sabi, niya, ’Ha? Ano? Balikan? Ano yan?’
“Biglang naano siya, 'Why?' 'Because I wanna watch him. I never see my idol,' and I watched him.
“Wow! Seventy-six years old, kasi kaya pa niya. So, kung ganun pa kami, e, di why not?”
Read: Regine Velasquez announces last big concert before retirement