GORGY RULA
Nakilala at naging child superstar si Aiza Seguerra dahil sa Eat Bulaga!., kung saan naging finalist siya ng Little Miss Philippines noong 1987.
Ngayon ay direktor na si Ice Seguerra sa longest-running noontime show.
Nagsimula si Ice bilang direktor ng Eat Bulaga! noong Miyerkules, Mayo 27, 2026.
Bahagi ng post niya sa social media: “It’s my first day on the job!!
“I had trouble sleeping the past few days dahil sa kakaisip.
"While I’m used to directing concerts, live TV is totally different animal. I have more to learn but I think today was a good day.”
Nagpasalamat si Ice sa mga boss ng Eat Bulaga! na sina Jenny Ferre at Direk Poochie Rivera.
Natupad na rin daw ang pangarap ng Mommy Caring niya.
ICE SEGUERRA offered to direct eat bulaga! episodes
Naka-text ko si Ice kinagabihan at ibinahagi niya kung paano siya kinuhang direktor ng Eat Bulaga!.
Aniya: “While we were doing the preps for The Clones concert, Ate Jenny asked me if I would be interested in directing episodes of Eat Bulaga!.
"Since matagal ko na rin pangarap ito at ng mama ko, I readily said yes. Pinatapos lang nila mga concert ko.”
Panibagong challenge sa kanya ang magdirek ng isang daily show, na natutunan daw niya sa programang kinalakihan niya.
“My experience with Eat Bulaga! and my many years of being in this industry prepared me,” dagdag na text ni Ice.
Read: Apple David hits back at critics of relationship with Chad Gammad
NOEL FERRER
Nilinaw ni Ice Seguerra na si Poochie Rivera pa rin ang main director ng Eat Bulaga!.
“Right now, our main director is still Direk Poochie, but may commitment ako sa kanila every month.”
Kumusta ang first day nita bilang director?
Sabi ni Ice: “My first day was nerve-racking, it’s my first live TV directorial job.
“Sanay ako sa concert and taped shows. But since this is live, ibang klaseng concentration and presence of mind ang kailangan.
“But we have amazing people working sa Eat Bulaga! kaya ang dami ko natutunan sa kanila,” text niya uli sa PEP Troika.
JERRY OLEA
Mas mataas pa rin ang TV ratings ng It’s Showtime kesa sa Eat Bulaga!.
Pero “you can never can tell” ngayong nagdidirek na rin si Ice ng noontime show ng TV5.
Siyangapala, sina Direk Ice at Vice Ganda (ng It’s Showtime) ay parehong ambassador ng White Party Manila: Reignite na gaganapin sa Hunyo 27 sa World Trade Center Manila, Buendia Avenue, Pasay City.
Read: "Walang bahid" na aktor, miyembro ng LGBTQIA+ community?