JERRY OLEA
Tumulak pa-Quebec, Canada ang mag-asawang Dingdong Dantes at Marian Rivera para sa shooting ng pelikulang Remember sa direksiyon ni Mae Cruz Alviar.
Si Direk Mae ang nagdirek ng DongYan movie na Rewind (2023), ang pinakamalakas na pelikula sa kasaysayan ng Metro Manila Film Festival (MMFF).
Bago umalis ng bansa, ibinahagi ni Dingdong ang kanyang kasabikan na muling makatrabaho ang parehas na team sa likod ng Rewind.
DONGYAN REUNION MOVIE
Sabi ni Dingdong sa Facebook reel na inilabas ng ABS-CBN Film Productions, Inc. (Star Cinema) noong Hunyo 7, Linggo: “Ready na kami umalis papuntang Quebec. Sisimulan na namin ang isang espesyal na pelikula.
“After three years nung huli kaming nagsama at nandun na si Direk Mae, inaantay na kami at uumpisahan na namin ang pelikulang Remember.
“It feels good to work with the same team behind Rewind, plus more. Nakakatuwa na nare-reminisce namin lahat ng magagandang nangyari. We're just so excited to work on this project.”
Susog ni Marian: “Actually kanina nag-uusap kami on the way here, parang sabi nga namin, 'Ilang years na ba?' Three years na pala.
“Siguro ito na yung tamang panahon ulit gawin ito. At the same time, yung kuwento siguradong mai-in love sila sa Remember.”
Read: Tessa Prieto opens up about ex-husband's "infidelity"
NOEL FERRER
Ang Remember ay collaboration ng Star Cinema, APT Entertainment, Regal Entertainment, at AgostoDos Pictures ni Dingdong (na Agosto 2 ang birthday).
Nakatakda itong ipalabas sa mga sinehan sa buong mundo ngayong 2026.
DONGYAN MOVIE NOT FOR MMFF 2026?
Ayon sa source ng PEP Troika ay Nobyembre ang target playdate ng DongYan movie na ito.
Siyempre, hindi tatapatan ng Star Cinema ang entry ni Vice Ganda sa MMFF 2026 kung saan co-producer nila.
Matatandaang Nobyembre 12, 2025 ipinalabas ng Star Cinema ang family drama na Meet, Greet & Bye kung saan bida sina Piolo Pascual, Joshua Garcia, Maricel Soriano, Juan Karlos, at Belle Mariano.
Read: DongYan, Vic-Vice movies inihahanda para sa MMFF 2026?
GORGY RULA
After three years, ngayon lang sinundan ang Rewind nina Dingdong at Marian.
Magaling mag-timing ang Star Cinema. Kaya ngayon nila naisip na gawan uli ng pelikula ang patok na tambalan ng mag-asawa.
Naalala ko tuloy ang nag-hit din na tambalan nina Judy Ann Santos at Ryan Agoncillo.
Super blockbuster din ang Kasal, Kasali, Kasalo noong 2006, sinundan agad nila ng Sakal, Sakali, Saklolo nung 2007. Meron pa silang House Husband noong 2011.
Mas okay sana kung i-MMFF na nina Dindong at Marian ang Remember, dahil sa tingin ko, nandiyan pa rin ang magic na puwedeng masundan ang box-office success ng Rewind.
Pagkatapos kasi ng Rewind, hindi na gaanong nag-hit ang mga sumunod na MMFF. Hindi na nasundan ang record ng naitala ng pelikulang ito ng power couple.
True bang ilan sa supporting cast ng Rewind ay kasali rin sa Rewind?
Posibleng pasok pa rin si Joross Gamboa na tila nagdadala ng suwerte sa mga nag-hit na loveteams.
Read: Jennica Garcia recalls emotional struggles after separation from Alwyn Uytingco