GORGY RULA
Sa mga taga-Star Worx namin nalaman na tapos na ang shooting ng pelikulang Little Hope ng Lonewolf Films.
Bida sa pelikulang ito sina Yassi Pressman at Pepe Herrera; writer-director si Benedict Mique. Ilan sa mga kasama sa cast ay sina Empress Schuck, Analain Salvador at ang miyembro ng block 1 ng Star Worx na si Adam Buck.
Nakapanayam ng PEP Troika si Adam ilang linggo na ang nakaraan at nabanggit niyang meron na siyang gagawing project, pero hindi pa raw niya puwedeng sabihin.
Thankful siya na natuloy ito, at natapos na niya ang shooting na kinunan pa sa Camarines Sur.
Ito ang first film niya bilang aktor sa ilalim ng talent management ng Star Worx ni Mr. Johnny Manahan.
Gusto raw talaga ni Adam na makilala bilang isang magaling na aktor na mala-Dingdong Dantes at Piolo Pascual.
“Yung biggest interest ko po is acting talaga,” pakli ni Adam nang nakapanayam namin sa studio ng Vibe.
“It’s a dream of mine to be an actor. And other than that, I love songwriting sa bahay, things like that.
“So, I was thinking na, if I become successful one day or respected as an actor, I can transition into music. Because it’s a way I can express myself din, e.”
Marami na pala siyang nagawang mga kanta, at nakatago lang daw ang mga ito. Wala pa siyang nai-record sa mga nagawa niyang kanta.
Hindi pa kami nasagot ni Adam nang hiningan ko ng pahayag kaugnay sa shooting niya sa first movie niyang Little Hope.
Pagkatapos kasi ng shooting ay nag-focus na siya sa school, dahil exam week na raw niya ngayon.
Read: Chavit Singson arrested over cyber libel case
NOEL FERRER
Nag-aaral ang 18-year-old half-Filipino, half-British na si Adam Buck sa German school na European International School.
Gusto raw talaga niyang matapos ang pag-aaral kahit kailangan niyang ibalanse ang schedule ng pag-aartista.
“100 percent, I want to be able to graduate high school, in general talaga.
“To get a good education. But at the same time, my goal talaga is to be respected and successful sa industry sa showbiz po,” pakli ni Adam.
Bukod sa English ay fluent si Adam sa salitang German, French, at Azeri, ang salita sa Republic of Azerbaijan.
ADAM BUCK PROUD PINOY
Dito sa Pilipinas siya ipinanganak, pero tumira pala siya Azerbaijan nang halos apat na taon. Pero nag-aaral pa rin daw siya ng Filipino.
Halfie man siya, Pinoy na Pinoy raw ang puso niya.
“More Pinoy po ako. Kasi sa bahay po, lagi kami nagta-Tagalog. Yung pagkain po, Filipino — mechado, afritada, sinigang.
“Wala po yung galing sa UK, yung burrito, wala po kaming ganyan,” napangiti niyang pahayag.
Lumaki rin daw siya sa lola.
“I would say na yung area na hindi ganun ka-privileged. Na-experience ko po mag-pisonet, bumaba sa kalye na bumibili ng ice candy,” dagdag ni Adam.
Read: Tessa Prieto opens up about ex-husband's "infidelity"
JERRY OLEA
Nagpapasalamat si Adam Buck na dumaan siya sa matinding training bago sila inilunsad sa Star Worx.
Kaya ang sarap daw ng feeling pagkatapos ng launch dahil maganda raw ang feedback na natatanggap nila.
“First of all, starting up personally, very relieved po ako. Because, we have been preparing so hard for the launch talaga,” sambit ni Adam.
“A lot of hard work, a lot of trainings, and eventually it came to the point that we’re on that stage in front of all, the media, and the press, and we’re going to put ourselves out there.
“Sobrang relieved na po ako na we were able to put on our best performance talaga.
“And afterwards? I was really happy. Kasi this is an opportunity that I prayed po ever since 2024, 2023. It was a great opportunity that I was able to do that.”
ON BASHERS
Pero hindi rin maiwasang meron pa ring bashing, na hindi naman daw sila naapektuhan.
Ani Adam, “Regarding the bashers po? There’s always gonna be bashers talaga in this industry po, e.
“I’ve seen a few obviously na it’s going to my attention. But as [an] artist talaga, I can do nothing but learn from it, and grow from it especially.
“As [an] artist, definitely when you come to attention of bashing, the best thing to do is don’t take it sobrang personally too hard.
“Obviously, you have heart in the industry, definitely. But at the same time, it’s a learning opportunity na, 'Is this a place where I can grow? Is this the place na, talaga ba that’s my flaw?'
"But I don’t let it get to me na it will stop me from doing what I love to do. But more on pursuing on what I love to do even better. To learn from it.”
Bahagi si Adam sa Vibe bilang Gen V host, kasama ang taga-Star Worx ding sina Carmela Lozano at Celyn David.
“Super masaya po. Super talaga. Kasi ito po yung first opportunity ko as an artista to sing, to showcase may singing, my hosting,” sabi ni Adam nang kinumusta ang experience niya sa Vibe.
Ang dinig namin, si Adam ang ipapa-loveteam kay Marthena Jickain.