JERRY OLEA
Walang kissing scene sina Benedix Ramos at Chester Chua sa Pinoy BL series na Better Days (2020) directed by Carlo Obispo.
Sa pangalawang BL series ni Benedix na All The Things I Leave You (Patawid) directed by Jade Castro, naghalikan sila ng ka-partner na si Justin Paul Basobas.
Ilocano BL series ang six-episode All The Things I Leave You (Patawid), na kinunan sa San Nicolas, Ilocos Norte, at katabing Laoag City.
Ipalalabas ito sa SM Cinemas nationwide umpisa Hunyo 17, 2026, Miyerkules.
Kuwento ni Benedix sa mediacon noong Hunyo 15, Lunes ng hapon, sa Event Screen ng SM Aura, Taguig City: “Siguro I would say ito na yung pinaka-daring na ginawa ko, itong All The Things I Leave You.
“This is my first kissing scene on screen. On screen. Sa stage naman, meron na. With Sheena [Belarmino], yung ginagawa ko ngayon, Yemaya.
“And definitely sa The Notebook, magkakaroon.”
NOT THE FIRST KISS WITH ANOTHER MAN
Hindi raw ito ang first time ni Benedix na makipaghalikan sa kapwa lalaki.
Pagtatapat ni Benedix, yung best friend niya ang unang lalaking nakahalikan niya.
Natatawang sabi ni Benedix: “Yung sa card! Sa card game lang! Nakalimutan ko na kung anong party pero may card game, tapos pag nag-slip, maki-kiss mo."
Kumusta ang kissing scene nila ni Justin Paul?
Napangiti si Benedix, “Well, ano lang naman din po yun. Parang kumbaga, with the intimacy coordinator, meron kaming intimacy coordinator nung time na yun.
“And acting coach as well, si Kuya Paolo O’Hara. So he made it easier for us to delve into the scene kahit na alam kong nakakakaba siya.
“Kasi first time ko po talaga, lalo on screen. Pero when you’re doing it, wala din naman, e.
“Parang mas iisipin mo yung ikagaganda ng scene rather than yung limitations mo, or reservations mo as an actor.
“Kasi prior to that naman, they made sure that you’re willing to do it. So I accepted the project given that it’s part of it.”
Read: Daniel Padilla spotted at John Estrada's birthday party
GORGY RULA
Kaya ba ni Benedix Ramos na gumawa ng mas mapangahas pa sa pakikipaghalikan kay Justin Paul Basobas sa All The Things I Leave You (Patawid)?
Halimbawa, frontal nudity sa teatro gaya ng pasiklab nina Ross Pesigan at Martin del Rosario sa dulang Anino sa Likod ng Buwan (2025).
“Mad respect to those actors but for me, personally, hindi talaga ako ready,” malumanay na sambit ni Benedix.
Hindi ba siya naseseksihan sa sarili? Hindi siya confident?
Natawa muna si Benedix bago nagwika: “Confident ako. I find myself, you know… I should be confident about how I look and how I should present myself.
“Pero it’s not the kind of maybe storytelling that I would like to be part of,” sey ni Benedix.
“Pero in the future, I’m not closing my doors naman to those kinds of materials.
“Pero for now, I’m OK with doing what I can do as of the moment.”
Sunud-sunod naman ang projects niya sa entablado. So, closed na ang doors niya para sa VMX (dating Vivamax)?
“Hindi ko rin po kino-close yun!” bulalas ni Benedix.
“Yung mga ganyang opportunities. An opportunity is an opportunity. You’ll never know kung saan ka makikilala.
“And that’s why mad respect to everyone who’s doing the job.”
Read: Michael Pacquiao prioritizes GenSan quake victims over Jimuel's wedding
NOEL FERRER
Sabi ni Benedix Ramos, pareho silang straight ng love interest niya sa Ilocano BL series na si Justin Paul Basobas.
Pareho silang taga-Pangasinan. Taga-Dagupan si Benedix, samantalang taga-Alaminos si Justin Paul na isang teacher.
First BL series ni Justin Paul itong All The Things I Leave You (Patawid).
First time din niyang magbida sa isang palabas na matutunghayan sa big screen.
Pagtatapat ni Justin Paul: “Actually, nung first na nalaman kong may kissing scene, talagang hindi ako komportable. Kasi first time ko po talaga yun.
“And sa same gender pa. Hindi ako familiar. Kaya hindi ako comfortable.
“But then, habang nagkakaroon ng mga workshops and sa direction din ni Direk Jade [Castro], unti-unti kong na-embrace naman yung scene.
“At siguro hindi naman nagmukhang ewan. Ha! Ha! Ha! Ha!”
Read: Myrtle Sarrosa claims holder of her stolen phone wants bigger reward