JERRY OLEA
Fiestang-fiesta ang ambience sa lobby ng SM Megamall Cinemas noong Hunyo 15, 2026, Lunes ng gabi, dahil sa premiere screening ng pelikulang Home Along Da Riles: Da Reunion.
Hindi magkamayaw ang fans! Hiyawan at kawayan!
Nakipagkamay ang iba sa mga artista, nakipag-apir ng palad, at si Claudine Barretto ay nagpahalik pa.
Of course, may pasayaw-sayaw pa.
BOY2 QUIZON
Sabi ng direktor na si Boy2 Quizon: “Kumusta kayo, mga ka-Riles?! Maraming-maraming salamat. After two and a half years, nabuo po namin ito.
“Proud na proud po kami dahil sobrang na-miss namin kayong lahat! Na-miss kayo ni Tita Nanay [Nova Villa], ni Tita Azon. Na-miss din kayo ni…
“Palakpakan natin si… ang napakagandang Miss Hillary, si Tita Cita [Astals]. Palakpakan natin si Tita Cita!
“Hindi niyo alam kung ano po yung nararamdaman namin ngayon pero maraming-maraming salamat. Sana, magustuhan ninyo itong ihinanda namin.
“Itong reunion movie na ito, hindi ito reunion ng Riles, ng Pamilya Cosme — reunion po nating lahat ito! Reunion po natin ito lahat!”
"DON" SMOKEY MANALOTO
Komento ng host na si MJ Felipe, parang ang yaman-yaman ni Don Smokey Manaloto.
Hiyaw ni Smokey: “Mga kaibigan, ang pambansang pamilya ng Pilipinas ay nandito na!!! Home Along Da Riles: Da Reunion!
“Maraming-maraming salamat po sa lahat sa mainit niyo pong pagpapakita ng suporta sa amin.
“At huwag ho kayong mag-alala, hindi ho sayang ang paghihintay dahil siguradung-sigurado, sulit na sulit ang paghihintay ninyo.”
Read: Alma Moreno moved to tears by Home Along Da Riles: Da Reunion
DANG CRUZ
May hanash din si Dang Cruz: “Eto po, nagbabalik uli sa Home Along Da Riles the movie si Roxanne! Maraming salamat po sa inyong pagdalo.
“Magkita-kita po tayo ngayong gabi ulit at sa mga susunod na araw.”
Tanong ni MJ, tumaas ba ang suweldo ni Roxanne?
Sagot ni Dang: “Alam mo, si Roxanne, kahit walang suweldo, sa pagmamahal niya kay Ma’am Azon, OK lang. Libre sabunot!”
GORGY RULA
Nagpasalamat din si Gio Alvarez sa mainit na suporta ng fans sa premiere night ng Home Along Da Riles: Da Reunion.
Sabi ni Gio, “Ito po’y napakagandang gift para po sa mga fathers ninyo itong Father’s Day. Itong istoryang ito, tungkol talaga sa pamilya.”
Sa Hunyo 21, Linggo, ang pagdiriwang ng Father’s Day.
CLAUDINE BARRETTO
Andaming nagsigawan nang tawagin ng host na si MJ Felipe ang Optimum Star na si Claudine Barretto.
Pahayag ni Claudine: “Magandang-magandang gabi po sa inyong lahat! My Claudinians! Ready na po ba kayo?!
“Reding-ready na po ang pambansang pamilya na ipalabas itong pelikulang ito para sa inyo.
“At alam namin, nandito ang tatay namin at proud na proud at nagpapasalamat sa inyong lahat dahil nandito kayong lahat.
“Pinapangako ho namin, talagang itong pelikulang ito, ibinigay ho namin lahat para mapasaya kayo.
“At maturuan ulit ng values ang ating mga anak. So sana ho, mag-enjoy kayo ngayong gabi. Mahal namin kayo.”
Read: Vico Sotto names Jesse Robredo, Win Gatchalian as his leadership influences
NOVA VILLA
Of course, hiningan din ni MJ ng message si Nanay Azon o Nova Villa.
Sey ni Tita Nova: “Magandang gabi sa inyong lahat. Alam po ninyo, dalawang taon ang binuno namin para po matapos ang pelikulang ito.
“Sapagkat miss na miss na miss na namin kayo, mga dear televiewers namin at mga tagahanga namin ng Home Along.
“Nandito ba ang mga barkada ko? Sina lola, lolo, nanay, tatay, ito yung ating mga barkada noong araw na kinagigiliwan nila at inaabangan lagi ang Home Along every week.
“Sapagkat ito naman talaga, ang ating show, ay nakakapagbigay ng aral at saya sa bawa’t pamilya.
“Kaya ito na yung pagkakataon. Talagang hindi namin kayo matiis na hindi gawin ang pelikulang ito.
“Sapagkat kayo po ang lagi naming kasama every week noong nagso-show pa tayo ng Home Along Da Riles.
“Kaya enjoy the show, at lagi ninyong iisipin, mahal na mahal namin kayo because we are family! We are family! Home Along family!”
Pagkatapos ng mensahe ni Tita Nova ay nag-photo op na ang cast ng pelikula sa entablado.
NOEL FERRER
Sa loob ng sinehan ay may maikling programa bago mismo ang screening, na ang host naman ay si Inah Evans.
Nagpasalamat muli ang direktor na si Boy2 Quizon sa mga sumuporta upang mabuo ang pelikula.
Maliban sa pagiging direktor at artista, executive producer din si Boy2 kasama sina Teddy Javines at Vandolph (na umakting siyempre).
Pagbati ni Nova Villa: “Magandang gabi, mga kaibigan. Naku, this is it. Talagang dumating na yung oras na tayo’y magkikitang muli.
“At maraming-maraming salamat unang-una siyempre sa Panginoon. Lagi kaming nagdadasal, alam niyo, bago kami magsyuting.
“Para nang sa ganoon, lahat kami ay ligtas sa anumang sakit at mga dinaramdam, mga kalungkutan. Hindi dapat magkaroon.
“Dahil nais naming matuloy ang pelikulang ito para sa inyong lahat. Matagal tayong hindi nagkita.
“At ngayon binubuksan naming muli ang pinilakang-tabing ng Home Along Da Riles para sa inyo.
“Mga nanay, mga tatay, mga suki natin na nagmamahal sa Home Along, lagi nilang sinasabi, ‘Nova, miss na miss ko na ang Home Along! Nami-miss ko na si Dolphy. Nami-miss ko na sina Vandolph.’
“Eto na po, eto na po! The whole cast is present para sa inyong lahat.”
Maliban kina Nova, Boy 2 at Vandolph, nasa cast ng Home Along Da Riles: Da Reunion sina Claudine Barretto, Gio Alvarez, Smokey Manaloto, Maybelyn de la Cruz, Dang Cruz, Jenny Quizon, at Pepe Herrera, with the special participation of Epy Quizon.
Nandiyan din sina Cita Astals, Ces Quesada, Sherilyn Reyes-Tan, Gardo Versoza, Vito Quizon, Celyn David, Ahmad Aboukowik, Joymee Lim, Aurora Halili, Angeli Gonzales, TJ Valderrama, Shira May Tweg, Bernie Batin, at ang OG Sunog Baga.
Kabilang sa mga nag-cameo sina Mark Anthony Fernandez, Zanjoe Marudo, at Small Laude plus Alyssa Valdez, Jema Galanza, Bernadeth Pons, Michelle Gumabao, Kyle Negrito, and Kyla Atienza.
Mapapanood ito sa 180+ sinehan nationwide umpisa Hunyo 17, Miyerkules. Rated PG (Parental Guidance) ito ng MTRCB.
Read: Michael Pacquiao prioritizes GenSan quake victims over Jimuel's wedding