JERRY OLEA
Inilunsad online ang full trailer ng Coco Martin’s Sigabo noong Hunyo 15, 2026, Lunes ng 8:00 P.M.
Ito ang kauna-unahang orihinal na konsepto ni Coco kung saan tampok ang kanyang tatak-Coco Martin na aksyon na may halong kilig at katatawanan.
“Sobra akong proud na proud sa project na ito, kasi from Probinsyano to Batang Quiapo, talagang in-upgrade namin,” pahayag ni Coco sa TV Patrol tungkol sa serye kung saan siya ang pangunahing bida, direktor, at producer kasama si Julia Montes.
Sa istorya, si Gabo (karakter ni Coco) ay isang mapagmahal na anak at dating preso na sasabak sa isang malupit na misyon kapalit ng kanyang kalayaan.
Makikilala ni Gabo ang abogada at investigative agent na si Sam (karakter ni Julia), at magiging magkatuwang sila sa iba’t ibang adventures.
COCO MARTIN'S SIGABO NOT AIRING ON TV5?
Mapapanood ang Coco Martin’s Sigabo simula Hunyo 22, Lunes ng 8:00 P.M.
Base sa press release na ipinadala ng ABS-CBN ngayong Hunyo 16, Martes ng hapon, ang mga pagpapalabasan ng Coco Martin’s Sigabo ay ALLTV2, A2Z, Kapamilya Channel, Kapamilya Online Live sa ABS-CBN Entertainment YouTube at Facebook, at iWant.
Hindi kasama ang TV5 sa mga pagpapalabasan ng Coco Martin’s Sigabo.
Read: TV5, ABS-CBN revive partnership after top executives’ meeting
GORGY RULA
May bagong taguri kay Coco Martin — "Hari ng Aksyon sa Ating Henerasyon."
Si Julia Montes naman, "Prime Actress."
Ang tandem nila, CocoJul (or is it CocoJuls?).
Kabilang sa co-stars sa Coco Martin’s Sigabo sina JM de Guzman, Carmi Martin, Edu Manzano, Sue Ramirez, Art Acuña, at Joey Marquez.
Sina JM at Carmi ay nasa My Bespren Emman ng TV5, samantalang si Edu ay nasa A Secret in Prague ng TV5 din.
Sina Sue at Art ay kabilang sa naiulat na cast members ng seryeng The Kingdom: Magkabilang Mundo na gagawin din sana ng Kapatid Network.
Si Joey, napanood natin sa The Master Cutter ng GMA-7.
Makakatapat ng Coco Martin’s Sigabo sa 8:00 P.M. timeslot ang The Master Cutter at A Secret in Prague.
Read: Sigabo expected to challenge Master Cutter's ratings dominance
NOEL FERRER
Nasa cast din ng Coco Martin’s Sigabo sina JC de Vera, Arci Muñoz, Jhong Hilario, Chanda Romero, Irma Adlawan, Jerald Napoles, Nikko Natividad, Richard Quan, Ron Martin, Ryan Martin, Joko Diaz, Efren Reyes, Ian Ignacio, Marc Solis, Ihman Esturco, Noel Coleta, Chet Patrana, Katherine Luna, at Janice Hung.
Andiyan din sina Ces Quesada, Julio Diaz, Rez Cortez, Via Antonio, Tess Antonio, Robby Dizon, Lauren Nuevo, Lito Camo, Bassilyo, Smugglaz, Mammoth, John Medina, Eric Tai, Pinky Tobiano, Nonong Ballinan, Aleck Bovick, at iba pa.
SIGABO MOTORCADE
Patuloy ang nationwide motorcade ng Coco Martin’s Sigabo, na nag-umpisa noong Hunyo 6, Sabado ng hapon sa Metro Manila, partikular sa Baclaran, Quiapo, Divisoria, Tondo, at Blumentritt.
Nag-motorcade din ang cast ng Coco Martin’s Sigabo noong Hunyo 13, Sabado ng hapon, sa downtown Cebu.
Dadalhin din ng CocoJul ang saya at selebrasyon kasama ang fans sa Cavite (Hunyo 18, Huwebes), Palawan (Hunyo 20, Sabado), at Pampanga (Hunyo 28, Linggo).
Read: Coco Martin on Julia Montes: “Siya ang reyna ng aming tahanan!”