JERRY OLEA
Kinumusta ng PEP Troika kay GMA Pictures producer Nessa Valdellon ang documentary na Lost Sabungeros.
Any update?
“Ang ganda na ng recut niya!” bulalas ni Miss Nessa sa ng Biyaheng Oscars: The Pinoy Oscars Pursuit noong Hunyo 18, 2026, Huwebes, sa Seda Vertis North, Quezon City.
“Because we did a complete... nung lumabasiyung whistleblower, tapos nung hinahabol na si Atong Ang.
“We did a re-edit, a rewrite. It’s a much better film now.”
LOST SABUNGEROS's new title
May bagong title na ang documentary na idinirek ni Bryan Brazil — No One Came Back.
Pagpapatuloy ni Miss Nessa: “We’re hoping na ma-festival pa rin namin. Pinalitan namin ang title na Lost Sabungeros dahil hindi siya maa-appreciate sa ibang bansa, e.
“Because no one wants to screen it here dahil wala pa rin kaming MTRCB… huwag na nating palakihin, kasi mainit ang ulo nila sa akin. Ha! Ha! Ha! Ha!”
Sanay na siyang ipinapatawag ng MTRCB, di ba?
“OK lang yung ipinapatawag pero ito, ni hindi nila ni-review.”
Kasi, may kaso.
“Oo. Kasi there’s an actual life case because si Atong Ang na.”
Kumusta ang relationship niya with MTRCB ngayon?
“OK naman sila. They’re giving good ratings to our films and our series,” napangiting tugon ni Miss Nessa.
“May upcoming kami, Caprice, coming on Monday.”
Ang tinutukoy ni Miss Nessa ay ang Kapuso afternoon drama series na You’re My Favorite Song kung saan bida si Caprice Cayetano, kasama sina Heath Jornales, Marco Masa, at Clifford.
Read: GMA Public Affairs refutes MTRCB claim about Lost Sabungeros
NOEL FERRER
May plano na bang mag-streaming ang No One Came Back (formerly known as Lost Sabungeros)?
“We will try again sa streaming. They’re being very careful about political features. Ayaw nila ng political,” sabi ni Miss Nessa Valdellon.
“Parang may trauma sila sa political. Kasi baka may magreklamo from the home country.
“Pero maganda siya. And it’s a better form now than it was when we screened in QCinema.”
Naudlot ang premiere ng Lost Sabungeros sa Cinemalaya 2024 sa Ayala Malls Manila Bay, Parañaque City, dahil umano sa security concerns.
Natuloy ang premiere nito ay sa QCinema filmfest noong Nobyembre 2024 sa Gateway Cineplex 18 sa Cubao, Quezon City.
Naipalabas ito sa iba’t ibang paaralan, pero hindi puwede sa commercial theaters dahil walang MTRCB rating.
“We’ve done a school tour pero may mga schools kasing natatakot pa rin,” pagsisiwalat ni Miss Nessa.
“Kasi alam nila na hindi siya allowed ng MTRCB ipalabas publicly.
“Marami pang schools na naka-line up. So, yun pa lang.”
Kumusta ang talkback session pagkatapos maipalabas sa school ang controversial documentary tungkol sa mga naglahong sabungero?
Anu-ano ang feedback ng mga nakapanood?
“They’re so touched. Tapos yung mga iniwang family nung lost sabungeros, they attend as often as they can,” lahad ni Miss Nessa.
“Tapos nag-iiyakan silang lahat kasama nung mga estudyante. Sobrang touching.”
Read: Lotlot de Leon breaks down on feud with Ian: "He can have it all!"
GORGY RULA
Naka-focus ngayon ang GMA News and Public Affairs sa digital.
“So many of our parang iyong operations namin, parang we’re really pushing for digital exclusives na mga investigative reports na nasa digital,” lahad ni Nessa Valdellon.
“Kasi TV is no longer in its heyday.”
ELLA ARCANGEL
Sa GMA Pictures, kumusta naman?
“Meron kaming sobrang gandang animation! We have an animated feature, full animation ito, Ella Arcangel,” sagot ni Miss Nessa.
“It’s based on a comic book. Ang nakuha na naming voice is Bianca Umali and then meron kaming very, very special voice na hindi pa puwedeng i-announce.
“Ang nagdirek ng Ella Arcangel ay si Mervin Malonzo. He’s a director for animation for commercials.
“Wala pa siyang movie-movie pero ang ganda ng animation niya. And it’s really something we’re going to do festival round for next year.”
Plano nilang i-submit for the Oscars?
“Baka next year na lang for Ella. But for this year, we’re considering whether we’re going to enter in animation or in documentary,” hinay-hinay na saad ni Miss Nessa.
“Because it’s both. E, sobrang mahal ng animation fee. Around ten thousand dollars, so lalabas siya parang PHP600,000.
“So, parang siguro isang category lang i-enter namin. Likely documentary, yung 58th nga.
“Andami niyang archival footage from programs of 2009. Mga Reporter’s Notebook, I-Witness.”
Ang 58th ay tungkol sa Maguindanao Massacre aka Ampatuan Massacre na naganap noong Nobyembre 23, 2009.
Recipient ang 58th ng Pinoy Oscars Pursuit (POP) grant ng Film Academy of the Philippines (FAP) matapos itong makapasok sa Annecy International Animation Film Festival and Doc Edge, an Academy Award-qualifying festival for documentaries.
Read: Nico Waje files counter-affidavit in response to Athena Imperial's complaint