GORGY RULA
Kagaya ng mga naghahangad magkaayos ang magkakapatid na Lotlot, Matet, at Ian de Leon, ito rin daw ang dalangin ni Janine Gutierrez nang tinanong siya ng PEP Troika tungkol dito.
Si Janine ang panganay na anak ni Lotlot sa dati nitong asawa na si Monching Gutierrez.
Nakapanayam ng PEP Troika si Janine sa press conference ng Cinemalaya 2026 noong Miyerkules, July 8, 2026, sa Grand Atrium ng Shangri-La Plaza, Mandaluyong City.
Kabilang siya sa cast ng pelikulang Mag-iina nina Giancarlo Abrahan at Guelan Luarca.
Co-stars niya rito sina Cherry Pie Picache, Lucas Andalio, Agot Isidro, Ness Roque, Bart Guingona, Alejandra Cortez, at ang tiyahin niyang si Jackie Lou Blanco.
JANINE GUTIERREZ ON DE LEON SIBLINGS FEUD
Hiningan namin ng pahayag si Janine tungkol sa isyu ng mga anak ng yumaong National Artist at Superstar na si Nora Aunor, lalo na’t inilabas na rin ni Lotlot ang nararamdaman nito kay Ian.
Ang concern daw ni Janine ay ang kanyang ina na nakikita niyang apektado sa isyung ito.
Basta ang suporta raw niya ay sa kanyang ina.
Saad ni Janine: “Siyempre, gusto ko lang po ibigay yung suporta ko sa mommy ko. Kasi, siya talaga yung inspirasyon ko bilang isang ate, isang panganay.
“So, palagi ko lang po pinaalala na nandito lang po ako sa likod niya.”
Ang gusto lang daw ni Janine ay ang kaligayahan ng kanyang ina, at ayaw na raw niyang ma-stress pa ito.
“Whatever po is best for my mom, yun po lang talaga yung ipagpi-pray ko. Gusto ko lang naman na maging happy siya.
“Ayoko na magkasakit siya dahil sa stress or anything.
“So, si Mama po talaga yung number one ano ko po, ipinagdadasal na maging okay sa lahat. So, hopefully,” pahayag ni Janine.
Read: Nora Aunor's children dispute: A timeline
JERRY OLEA
Masaya si Janine Gutierrez sa kanyang lovelife.
Nagpapasalamat si Janine dahil hindi raw nakalimutan ng boyfriend niyang si Jericho Rosales na ibahagi sa kanya ang best actor award nito sa 9th EDDYs na iginawad noong nakaraang Linggo, July 5, 2026.
Nanalo si Jericho para sa kanyang pagganap sa Quezon.
Natawa si Janine nang hiningan ng reaksiyon sa sinabi ni Jericho sa kanyang acceptance speech na, “Thank you for holding my hand.”
Ayon kay Janine: “Hindi, kasi merong ano, e. Medyo literal yung kuwento na yun.
“Kasi, may time na may prosthetics siya sa mukha, tapos binuhusan ng prosthetics yung mukha niya.
“Natatakot siya. So, literal na nakahawak ako. But I’m grateful kasi very ahhh… hindi niya ako nakakalimutan sa pagpapasalamat niya.”
Sinabi rin ni Jericho na may pinagdadaanan siya at ang kanyang pamilya, at nasa tabi lang daw niya si Janine.
Reaksiyon dito ng ng aktres: “Siyempre, of course. Kahit naman na anong pagdaanan namin na isa’t isa, I think one of things na talagang ipinagpapasalamat ko is nandiyan siya palagi.
“Of course, nandun din ako para sa kanya. Siyempre walang bibitaw.”
Read: Jericho Rosales dedicates EDDYs win to mother with Alzheimer's
NOEL FERRER
Bahagi ng statement ng mga direktor ng Mag-iina na sina Giancarlo Abrahan at Guelan Luarca: “Mag-iina is an eerie family drama – undomesticated by a horror that announces itself openly: in nightmares that bleed into waking, in the dead who have not crossed toward eternal light, in secrets that linger longer than the ghosts themselves.
“The horror is not hidden in shadows. It is in the light, in the way the light refuses to reassure.
“The family home here is a living architecture of obligation and memory, and it does not release its occupants easily.
“Escape is not dramatic. It is structurally impossible. The labyrinth does not trap you with locks. It traps you with love.
“This is the specific texture of Filipino evil we wish to explore — not malice in its pure form, but love that has curdled inside the container of family.
“At the center of this film are women in the full, unruly weight of their humanity — their tenderness and their fury, their capacity to endure and their equal capacity to destroy.
“The people who wound us most deeply are also the people who make us laugh at the dinner table, who brush our hair when we are frightened.
“The horror of Mag-iina is inseparable from that insidious tenderness. They are the same thing, ultimately…”
Read: Cinemalaya 2026: 9 feature films, 10 short films, 3 books