JERRY OLEA
Dalawang pelikulang Pinoy ang nag-open sa local cinemas noong Mayo 27, 2026, Miyerkules—ang Tayo Sa Wakas at Desperada.
Tayo Sa Wakas was touted as the last movie of DonBelle, Donny Pangilinan and Belle Mariano.
Iilan ang mga sinehan ng Desperada nina Robb Guinto at Yasser Marta.
Naipalabas na ito sa Sinag Maynila 2026 filmfest noong Marso 23 hanggang Abril 1, Miyerkules Santo.
Pitong banyagang pelikula ang kasabay ng Tayo Sa Wakas at Desperada na nag-showing, kabilang ang South Korean film na Colony na prequel ng Train to Busan.
Noong sumunod na Miyerkules, Hunyo 3, ay ipinalabas naman sa mga sinehan ang Love Ngo, Habang Nilalamon ng Hydra ang Kasaysayan, at ang remastered version ng Muro-Ami.
Naihimutok ng GMA Pictures na pabawas nang pabawas ang mga sinehan ng Muro-Ami.
Limang foreign films ang nag-showing din that week, kabilang ang Masters of the Universe at horror movie na Backrooms.
Dalawang pelikula na naman ang nag-open sa local cinemas noong Hunyo 10, ang Open Endings at Project Baby.
Isiniwalat ni Jasmine Curtis-Smith na agad ding nabawasan ng sinehan yung Open Endings.
Limang foreign films ang kasabay ng mga ito na nag-showing, sa pangunguna ng Disclosure Day directed by Steven Spielberg.
Hunyo 17 nag-open ang Home Along Da Riles: Da Reunion, at ang Ilocano BL movie na All The Things I Leave You.
Anim na foreign films ang kabakbakan ng mga ito, sa pangunguna ng mega-blockbuster na Toy Story 5.
Noong Hunyo 24 ay nag-open sa local cinemas ang Supergirl.
Tatlong Pinoy movies ang kasabay nito — Drags to Riches ni Christian Bables, First Light nina Ruby Ruiz at Maricel Soriano, at ang GL movie na A Quiet Bloom.
Maliban sa Supergirl, tatlo pang foreign films ang nag-open noon.
After that ay wala pang bagong Pinoy movie na nagbukas sa ating mga sinehan.
Read: Bea Alonzo, Vincent Co quietly wed in civil rites
Three Straight Weeks Without a Filipino Movie Release
Opo! Three weeks na puro foreign films lamang ang isino-showing sa local cinemas.
Hunyo 30, Martes, nag-open ang animated film na Minions & Monsters.
The next day, July 1, four more foreign films ang nag-open — The Furious, Black Box, Leviticus, at Tenement.
Napabalitang July 1 ang wide release ng Cinemalaya 2025 topgrosser na Child No. 82 (Anak ni Boy Kana), pero naurong iyon.
Ayon sa website ng Click the City ay Hulyo 22 ang bagong playdate nito.
Noong Hulyo 8 nag-open ang Moana, kasabay ang Evil Dead Burn, The Death of Robin Hood, at June.
THE ODYSSEY
Ngayong Hulyo 15, Miyerkules, ay apat na foreign films ang nag-open sa ating mga sinehan, sa pangunguna ng The Odyssey directed by Christopher Nolan.
Sabi ng kaibigang Allan Diones, “Blockbuster agad ang first screening ng The Odyssey dito sa IMAX ng SM North EDSA, huh! Talbogue!
“Cinema event of the year ito. WHEW!”
Pinag-usapan sa epic movie na ito ang pagka-cast kay Lupita Nyong’o bilang Helen, ang pinakamagandang babae sa daigdig.
Tampok sa The Odyssey sina Matt Damon bilang Odysseus, Tom Holland bilang Telemachus, Anne Hathaway bilang Penelope, Robert Pattinson bilang Antinous, Samantha Morton bilang Circe, Zendaya bilang Athena, at Charlize Theron bilang Calypso.
Andiyan din sina Elliot Page bilang Sinon, Benny Safdie bilang Agamemnon, Jon Bernthal bilang Menelaus, John Leguizamo bilang Eumaeus, Bill Irwin bilang Polyphemus, Himesh Patel bilang Eurylochus, Corey Hawkins bilang Polybus, Mia Goth bilang Melantho, Logan Marshall-Green bilang Melanthius, Jimmy Gonzales bilang Cepheus, Andrew Howard bilang Polites, at James Remar bilang Tiresias.
Ayon sa Facebook page ng Cinema Exhibitors Association of the Philippines (CEAP), ang tatlo pang foreign films na nag-open today sa local cinemas ay The Second Child, Superhuman, at Doraemon the Movie: Nobita & the Castle of the Undersea Devil.
Read: Los Hubaderos 2026 2Q: So Many Men, So Little Time
NOEL FERRER
Nasa July 22, 2026 playdate na ang Child No. 82 (Anak ni Boy Kana) kung saan title role si JM Ibarra, at gumanap bilang parents niya sina Vhong Navarro at Rochelle Pangilinan.
Ayon pa sa website ng Click The City ay nasa July 22 playdate rin ang foreign movies na I, Object, Lockbox, Tuner, at Pinocchio: Unstrung.
Matagal nang nakapuwesto sa July 29 playdate ang Spider-Man: Brand New Day.
As we write this ay iyon din ang playdate ng horror movies na Evil Dress, at The Convenience Store.
Mula sa April 22 playdate ay inilipat sa Agosto 5 ang showing ng supernatural horror movie na Rosario, starring Aubrey Caraan, Jairus Aquino, Lance Carr, and Meg Imperial.
CINEMALAYA 2026
Ang opening film ng 22nd Cinemalaya filmfest ay ang Enjoy Your Stay na ipapalabas sa Agosto 6.
Nasa cast nito sina Mercedes Cabral, Anna Luna, Hasmine Killip, Irma Adlawan, Donna Cariaga, at Madeleine Nicolas.
Agosto 7-18 ang showing ng 10 short films, at 9 feature length films ng Cinemalaya na kinabibilangan ng A.ni.mal, Hand of God, Mag-iina, 2 Valid IDs, Tayo Lang Ang Nakakaalam, Tirik, Status: Rejected, Kaka Sa Yawan, at Ganggang.
Ang closing film ay ang Filipiñana, na nakatakda sa Agosto 26 ang regular showing.
Ang venues ng Cinemalaya 2026 ay Shangri-Plaza sa Mandaluyong City, Gateway Cineplex sa Cubao, Quezon City, at select Ayala Malls.
UPCOMING MOVIES
Nasa August 12 playdate ang The End of Oak Street, at KATSEYE: Wild Hearts.
Agosto 19 naman ang playdate ng Insidious: Out of the Further.
Maliban sa Filipiñana, nakapuwesto sa August 26 playdate ang PAW Patrol: The Dino Movie, at The Dog Stars.
Nasa September 2 playdate ang Saving Cherry ni Barbie Forteza.
Setyembre 9 ang target playdate ng Practical Magic 2.
Setyembre 16 ang target playdate ng EDJOP, Silenced Nights, at Resident Evil.
Setyembre 23 ang playdate ng Forgotten Island, Heart of the Beast, at Plump Blossom.
Setyembre 30 ang target playdate ng Digger, at Verity.
Malamang na magbago pa ang mga playdate na ito.
Para sa update, bisitahin sa tuwi-tuwina ang Facebook pages ng CEAP, Robinsons Movieworld, SM Cinema, at Ayala Malls Cinemas, ganoon din ang website ng Click The City.
Speaking of The Odyssey, as of now ay sold out ang screenings nito sa IMAX cinemas.
Sana, ganito sa lahat ng pelikula.
Although magaganda rin ang mga pelikula na ipalalabas sa streaming platforms, ha?!
Sana, magtuluy-tuloy ang ganitong suporta sa pelikula hanggang MMFF 2026.
Read: FDCP Chair Joey Reyes reveals Philippine Film Industry Month 2026 lineup
GORGY RULA
Marami pa ring baguhang movie producer ang interesadong mag-produce ng pelikulang Pilipino.
“Huwag naman sanang first time, last time!” natawang bulalas ni Direk Jose Javier Reyes sa Cinemalaya 2026 mediacon noong Hulyo 8 sa Grand Atrium ng Shangri-La Plaza.
“Ang importante kasi, tumingin tayo beyond our market. Kailangan mas lakihan, mas lawakan mo na ang market.”
REMEMBER
Looking forward ang moviegoers sa bagong DongYan movie na Remember.
Nag-shooting pa sa Quebec, Canada sina Dingdong Dantes at Marian Rivera.
Sabi-sabi, sa Nobyembre ito iso-showing.
Take note na November 13, 2024 ang playdate ng KathDen movie na Hello, Love, Again, ang pinakamalakas na pelikulang Pinoy sa kasaysayan.
Nobyembre 12, 2025 naman ang playdate ng Meet, Greet & Bye, at dinumog din ito ng moviegoers.
Producer ang ABS-CBN Productions o Star Cinema ng Hello, Love, Again, Meet, Greet & Bye, at Remember.
Siyempre, hindi nila ibabangga ang Remember sa MMFF 2026 entry nina Vic Sotto at Vice Ganda na The Greatest Showdown, kung saan co-producer sila.
Pananalig ni Direk Joey sa playdate ng Remember, “November iyan. Pakiwari ko, surefire hit yan. Kasi Quebec et cetera chuva-chuva.
“Right before the filmfest [MMFF]. Apektado niyan ang filmfest. Tarantado rin talaga ang Star Cinema.
“Magandang playdate ang November, kasi, November ang bonus! November ang bonus.”
Bago ang MMFF 2026, nakapuwesto sa December 16, 2026 playdate ang Avengers: Doomsday, at Dune: Part Three.
MMFF 2026
Aside from The Greatest Showdown, pasok na rin sa 52nd MMFF ang Amir, Haunted Carnival, at 2nd Miracle on Cell No. 7.
Sa Setyembre 30 ang deadline ng submission ng finished films na nagnanais mapasama sa MMFF 2026.
Sabi ni Direk Joey, “Well, excited ako doon sa next four. E, kung ang unang apat na ibinigay sa iyo, haligi… labanan ninyo yung apat na yan! Hindi ba?!”
Read: Will Ashley's star continues to rise with MMFF film, new series, EDDYs win