NOEL FERRER
Pinost ni Marian Rivera sa Facebook page niya ang tatlong litrato nina Dingdong Dantes at Coco Martin ngayong Hulyo 19, 2026, Linggo.
Caption ni Marian, “Si Atoy at Si Gabo para sa AKTOR - League of Filipino Actors.”
Atoy ang pangalan ng karakter ni Dingdong sa The Master Cutter, samantalang Gabo naman ang pangalan ng karakter ni Coco sa Coco Martin’s Sigabo.
DINGDONG AND COCO'S POSTS
Kapagkuwan ay nag-post si Dingdong ng dalawang pictures nila ni Coco sa Instagram.
May isa pang litrato roon na kasama nina Coco at Dingdong sina Ricci Chan, Marian Rivera, Iza Calzado, at Joel Saracho.
IG post ni Dingdong: “Magkaiba man ang programa, iisa lang ang layunin: pagmamahal at pagpapalakas ng ating industriya.
“Isang magandang Sunday meeting, may kasamang masayang kwentuhan at makabuluhang palitan ng mga ideya, para pag-usapan ang isa na namang proyektong ilulunsad ng AKTOR sa ilalim ng pamumuno ng ating kapwa AKTOR member na si Coco Martin. Soon.
“Para sa AKTOR. Para sa mga aktor. Para sa industriya.”
View this post on Instagram
Nag-post din ang official Facebook page na Real Coco Martin ng pictures nila ni Dingdong, kalakip ang mensaheng: “Sobra ang respeto ko sa taong ito. Maraming salamat, Kuya Dingdong Dantes, sa walang sawang pagmamahal at dedikasyon mo sa ating industriya.
“Isa kang inspirasyon sa maraming tao dahil sa sipag, at malasakit. Hindi lang talento ang ipinapakita mo, kundi tunay na puso para sa industriyang mahal nating lahat.
“Nandito lang ako sa likod mo at buong puso ang suporta ko sa lahat ng iyong ginagawa lalo na para sa AKTOR - League of Filipino Actors.”
View this post on Instagram
Magkatapat sa primetime (8:00 P.M. timeslot) ang Coco Martin’s Sigabo, at The Master Cutter.
Read: James Graham on unexpected coming out: "I'm still in shock."
JERRY OLEA
Si Iza Calzado ang current president ng AKTOR - League of Filipino actors, samantalang si Dingdong Dantes ang founding chairman.
Dumalo sina Dingdong at Iza sa pirmahan ng MOA (memorandum of agreement) ng AKTOR, Unilab, at SPEEd (Society of Philippine Entertainment Editors) para sa Health and Wellness Program noong Hulyo 1 sa Bayanihan Center, Pioneer St., Mandaluyong City.
DINGDONG ON COCO JOINING AKTOR
Matapos ang programa, nainterbyu sandali ng PEP Troika si Dingdong.
Masaya siyempre si Dingdong sa pagsanib ni Coco Martin sa AKTOR - League of Filipino Actors.
“Yung kanyang pagsali ay months in the making at naging posible iyon dahil kay Ma’am Charo [Santos] noong nag-meet kami sa bahay niya,” pagsisiwalat ni Dingdong.
“At diniscuss namin kung ano ba yung goal, ano ba yung vision ng AKTOR.
“At pasok na pasok din yun sa mga gusto niyang gawin para sa mga gusto rin niyang tulungan.
“Very, very active si Coco lalo na pagdating sa pagtulong sa mga nakakatrabaho niya, alam naman natin yan.
“So we thought of a program na siya rin iyung nakaisip. Inisip namin na suportahan iyong program na iyon. “Ilo-launch namin iyan very soon.”
DINDGONG AND COCO MEET AT CHARO'S HOUSE
Noong Setyembre 2025 nagtagpo sina Coco at Dingdong sa tahanan ni Ma’am Charo.
Bahagi ng Facebook post ni Ma’am Charo noong Mayo 18, 2026: “Some conversations happen quietly at home, yet carry a bigger purpose for the industry.
“This photo was taken last September when Coco Martin and Dingdong Dantes visited me at home.
“We invited Coco to become part of AKTOR - League of Filipino Actors, and true to his heart for the craft, he said yes — not only as a member, but with a sincere desire to contribute more meaningfully to the acting community.
“With his influence, discipline, generosity, and work ethic, Coco is such a valuable addition to the organization, and I am truly proud to welcome him into AKTOR.
“Congratulations to Chairman Dingdong Dantes and the entire executive team for the many milestones you continue to achieve for Filipino actors and our industry.
“Exciting times ahead.”
Read: Yassi Pressman now engaged to Luigi Villafuerte
GORGY RULA
Ang AKTOR - League of Filipino Actors ay isang SEC-registered organization na meron nang 400+ members.
Hindi sila unyon. Karamihan sa kanilang members ay independent contractors.
Nakalagay sa kanilang website: “We exist to support actors — not to manage or represent them in projects.
“We're also not a political group. Our focus is on community, advocacy, and helping actors grow in character, craft, and connection.”
Ang kanilang misyon: “We're here to bring Filipino actors together — helping each other grow in character, sharpen our skil and build a solid support system.”
Ang kanilang vision: “By 2030, we're aiming to build a strong, inspiring community of Proud AKTORs-driven by great leadership, respect for each other, a love for our craft, and a deep sense of humanity.
“Through ou stories, we want to create real, positive change in ourselves, our community, and our country.”
IZA CALZADO ON COCO MARTIN
Masaya siyempre ang AKTOR President na si Iza Calzado na after six years ay umanib na sa kanilang organization si Coco Martin.
Pahayag ni Iza: “Coco, thank you! Sumasagot, tinatawag talaga akong ‘Ate Iza’! I love you, Coco!
“Ate, sige, sige. Kasama ko kasi siya dati sa Batanes [2007], doon kami unang nagkatrabaho.”
Bida sina Iza at Ken Chu ng F4 sa pelikulang Batanes, na idinirek nina Adolf Alix Jr. at Dave Hukom.
Nasa cast din niyon sina Coco, Joem Bascon, Bembol Roco, Daria Ramirez, at Sid Lucero.
Pagpapatuloy ni Iza: “Nakilala ko siya talaga noon, and grabe… parang… buti na lang, mabait talaga ako sa lahat, no?!
“Buti na lang, buti na lang. Kasi imagine-in mo kung maldita ka tapos minalditahan mo siya.
“E, ako naman, tandang-tanda ko siya. Naalala ko, sabi ko kay Adolf noon, parang… ‘Sino siya? Bakit ang galing niya?!’
“Kasi ang simple nung eksena namin, nagbitaw siya ng hindi naman dramatic line, pero para kang sinuntok nung energy niya!
“Sabi ko, ‘Ahh!’ Tapos tinandaan ko siya, and that time, Daisy Siete days pa yata. Then lumipat siya sa [Channel] 2, then sinubaybayan ko naman.
“Ayan, nagkasama kami sa Probinsyano. Sa pilot week nun, kasama ko siya. Ako yung nag-train kay Cardo Dalisay supposedly.
"So, parang nakita ko naman yung trajectory ng career niya and what he has done, and what he is doing for the industry.
“Providing jobs. That’s really, yan talaga… what he is doing with his power and platform is really admirable.
“So, talagang finally, sumama siya! Parang thank you! “Kasi siyempre, the more united we are, the more power we have.
“And sino ba naman ang magtutulungan in this industry that is already struggling? The landscape has changed so much.
“And I think we just have to be so united in ensuring that actors have jobs. Actors have protection. Actors have support. Actors have great health.
“So I think it’s such a big win that we have him already as part of our community.
“At sana po, marami pa ang sumali [sa AKTOR]. Open-minded ba kayo?”