JERRY OLEA
Huling linggo ng mga Kapamilya primetime seryeng Blood vs. Duty at The Alibi: Ang Buong Katotohanan ngayong Hulyo 20-24, 2026.
Simula Hulyo 27, Lunes, kapalit ng Blood vs. Duty sa 8:45 P.M. timeslot ang modern, feel-good, at progressive series with a heart na Someone, Someday.
Bida rito ang "Asia’s Superstar" na si Kathryn Bernardo.
Suportado siya nina "Multimedia Powerhouse" James Reid at "Her Majesty" Maja Salvador.
Nasa cast din sina Dimples Romana, Rowell Santiago, Rita Avila, Mccoy de Leon, Daniela Stranner, at ang introducing na si Migz Casimiro.
Magiging back-to-back ang Coco Martin’s Sigabo at Someone, Someday sa ALLTV2, TV5, A2Z, Kapamilya Channel, at Kapamilya Online Live sa YouTube at Facebook.
Magiging available rin ang Someone, Someday nang 72 hours in advance sa Netflix (Hulyo 24) at 48 hours in advance sa iWant (Hulyo 25).
Makakatapat ng Someone, Someday ang Taskforce Firewall ng GMA-7.
Teka! Totoo kaya na after Someone, Someday ay magpapahinga na muna si Kathryn sa paggawa ng teleserye?
Read: Toni Rose Gayda asked if she was romantically linked to Vic Sotto, Joey de Leon
A SECRET ON PRAGUE TO AIR ON ABS-CBN PLATFORMS
Samantala, ang ookupa sa timeslot ng KimPau series na The Alibi: Ang Buong Katotohanan ay ang A Secret in Prague nina Enrique Gil at Andrea Brillantes.
Opo! Simula Enero 27, Lunes, ay eere na sa ABS-CBN platforms ang romance-mystery drama ng QuenDrea.
At yung My Bespren Emman: Ang Totoong Laban ng TV5 ay magiging panghapon na.
Ang inspirational drama series nina JM de Guzman, Shaina Magdayao, Sid Lucero, at Ai-Ai de las Alas ay lilipat sa post-noontime slot pagkatapos ng Eat Bulaga! and/or It’s Showtime across partner outlets.
Paano na kaya yung Frontline Express na nasa 2:30 P.M. timeslot ng TV5?
NOEL FERRER
Abril 17, 2026 dapat ang umpisa ng Netflix streaming ng The Master Cutter (100 episodes) ni Dingdong Dantes.
Pero dahil na-extend ang Encantadia Chronicles: Sang’gre, naurong ang pilot episode ng The Master Cutter sa Kapuso primetime.
Ipinagpaliban din siyempre ang streaming date ng The Master Cutter sa Netflix.
Yung Blood vs. Duty (80 episodes) nina Richard Gutierrez at Gerald Anderson ay nag-umpisa ang Netflix streaming noong Abril 3, Biyernes Santo.
Ang finale episode nito ay mag-i-streaming sa Netflix bukas, Hulyo 21, Martes.
Abril 24 nag-umpisa ang Netflix streaming ng A Secret in Prague (115 episodes), samantalang Mayo 8 nag-umpisa ang Netflix streaming ng The Master Cutter.
Parehong sa Setyembre ang streaming ng finale ng The Master Cutter at A Secret in Prague.
PRIMETIME RIGODON
Nagkatapat-tapat sa 8:00 P.M. timeslot ang Blood vs. Duty, A Secret in Prague, at The Master Cutter noong Mayo 11.
Pero nang umentra ang Coco Martin’s Sigabo noong Hunyo 22, ito na lamang ang katapat ng The Master Cutter.
Umurong ng timeslot ang Blood vs. Duty at A Secret in Prague, at magkatapat pa rin sila.
Sa pagsisimula ng Someone, Someday, uurong muli ang timeslot ng A Secret in Prague nina Enrique at Andrea.
Read: Kathryn Bernardo and Daniel Padilla eyed for a reunion movie?
DINGDONG AND COCO JOIN FORCES
Magkatunggali man ang Coco Martin’s Sigabo at The Master Cutter sa 8:00 P.M.. timeslot, magkasanib-puwersa sina Coco at Dingdong sa misyon at vision ng AKTOR - League of Filipino Actors.
Pagmamatwid ng AKTOR President na si Iza Calzado noong Hulyo 1 sa Bayanihan Center, Pioneer St., Mandaluyong City: “I was telling Dong nga like… it has to be one.
“Wala nang ganyan ngayon. We are already one segment of what we call entertainment now, ha?
“You have vloggers, you have content creators — na hindi din natin kalaban.
“We are all providing entertainment to the Filipino people. And we have to be united because ultimately we just want to keep working.
“So we want to be giving better content to the Filipino people. So I think actually, at some point, I would love to see them together, doing something together.”
Suntok sa buwan na lumabas si Gabo sa The Master Cutter, o makita si Atoy sa Coco Martin’s Sigabo… pero malay natin?!
Abangan daw natin ngayong Hulyo sa The Master Cutter, “Isang huling paalam, isang bagong simula.”
TV5 AND ABS-CBN COLLAB
Mas pinagtibay pa ang collab ng TV5 at ABS-CBN dahil umpisa Hunyo 22 ay natunghayan na ng mga Kapamilya ang Face to Face with Ate Koring.
Mapapanood din sa TV5 kung weekend ang Everybody Sing! ni Vice Ganda, at Kapamilya, Deal or No Deal ni Luis Manzano.
Ayon sa press release ng TV5: “Through this expanded collaboration, viewers can enjoy more shows in one session, fewer jumps between channels and apps, easier discovery of new favorites, and a more consistent programming experience across mornings, afternoons, primetime, and weekends.
“ABS-CBN and TV5 are making entertainment more accessible, more connected, and more responsive to the viewing habits of Filipino audiences.
“More than a network collaboration, this marks a stronger commitment to the Filipino viewer: more stories, more stars, more ways to watch, and a better daily entertainment experience for all.”
Read: James Graham on unexpected coming out: "I'm still in shock."
GORGY RULA
Pagdating sa kalagitnaan ng Blood vs. Duty, na-hook ako dahil napapabilis na ang takbo ng kuwento.
Kaya tinutukan na namin ito sa Netflix hanggang bukas, Hulyo 21, Martes ng gabi.
Nang nakatsikahan namin nung nakaraang linggo sina Richard Gutierrez at Barbie Imperial, sinabi sa amin ng aktres na abangan daw ang moment ng karakter na ginagampanan niya.
Siya pala ang nag-reveal na magkapatid sina Marcus Reyes (Richard Gutierrez) at Jamil Abubabakar (Gerald Anderson).
Magaling si Susan Africa bilang Dra. Theresa Reyes na ina nilang dalawa, at hindi mo mapigilang maluha sa revelation ng totoong pagkatao ng karakter na ginagampanan nila.
Sabi ni Richard, mahirap ang mga eksenang kinunan nung patapos ito.
Hindi raw niya makakalimutan ang seryeng ito. Ngayon pa lang daw nila naramdaman ang sepanx.
Pero masaya si Richard dahil nakatrabaho niya ang girlfriend na si Barbie, na isa raw sa nagpapagaan sa kanyang sa taping.
Memorable daw sa kanya na nakakatrabaho ang nobya. Nagpapasalamat din siya sa maayos na pag-handle ng kanilang direktor.
“May mga eksena rito sa finale week na siya ang magpapaalam sa akin ng mga revelations and character ni Jamilah.
“Very vital din sa finale week namin. I think ito yung isa sa mga shows ko talaga na na-appreciate ko rin.
“Yung buong process sa paggawa ng show with direk FMR [FM Reyes] being the head director. He really brings out kinda the best thing you as an actor.
“He really challenges you as an actor. Ahhh yung storytelling style din niya, iba.
“Pero at the same time, ang maganda kay Direk FMR, meron siyang gustong makita sa character mo in particular scenes.
“Pero pag ikaw meron kang suggestion o meron kang sarili mong take dun sa character mo, he allows you. “
He’s very collaborative in that sense,” saad ni Richard.
Read: Dingdong Dantes, Coco Martin unite for AKTOR despite competing TV shows