JERRY OLEA
Pumadyak si Papa Jack (John Gemperle) ng 106.7 Energy FM bilang Best FM Radio DJ sa 1st FAMAS Broadcast Arts Awards noong Hulyo 20, 2026, Lunes, sa The Manila Hotel.
Kinabog ni Papa Jack sina DJ Chacha, Nicole Hyala, Raqi Terra, Laila Chicadora, Rico Panyero, DJ Samantha, at DJ JhaiHo.
Hindi raw inaasahan ni Papa Jack (kilala rin bilang Papa Jackson) na mananalo siya sa FAMAS dahil umalis na siya sa radio industry noong Enero 2026 makalipas ang 25 taon.
Bahagi ng Facebook post ni Papa Jack kaugnay rito: “What a way to close a chapter in my Radio Career, ang pagtanggap ng ganitong award na bata pa ako kilala ko na. FAMAS.
“Maraming Salamat sa lahat ng nagmahal sa aking kayang ialay sa sining ng Pakikipagkwentuhan at Pakikinig ng kwento ng buhay ng maraming tao.
“You’ve heard many stories through me, and together we learned. Learning is the best take away but to be recognised doing it takes it to the next level.
“Ma, Mary Grace Gemperle para sayo to. Thank you for the quiet lessons of perseverance.
“In your unique ways, you taught me how not to be afraid of what life has to challenge me with.
“Nak, Khloie Gemperle you will always be the north star of my decisions. You give me the clarity I need to reconsider many things in life. “
To my Family, thank you for the gift of respect you always allow me to enjoy.
“Klariz Laurelle Magboo, the discovery of the other side of my image and exploring what I can offer will always be because you graced my career with your presence.
“I will always be grateful. Your spirit is all over this award. Atin to. Thank you!
“On to the next chapter… Sana samahan nyo ako palagi!”
Read: 1st FAMAS Broadcast Arts Awards: Highlights and sidelights
NOEL FERRER
Pinaka-love ng FAMAS sa lipon ng FM Radio programs ang Dr. Love ng 92.3 Radyo Singko True FM.
“Basted” ang Stick to Juan, Talk to Papa, BananaKrew, Top 10 Countdown ng Love Radio, Wishclusives/Wish 107.5 Bus, Dear iFM, at Barangay Love Stories.
Pahayag ng 75-anyos na si Bro. Jun Banaag o Dr. Love, akala niya ay tapos na ang kanyang career.
Nag-retire na siya noong Hunyo 30, 2026 matapos ang 59 taon ng paglilingkod sa radio industry.
Hindi raw niya inaasahang makakatanggap siya ng tropeyo mula sa FAMAS.
Facebook post ni Bro. Jun Banaag: “What else can I say but Thank you Lord. Nagpahabol Ka pa ng isang papuri, at hindi basta basta. The 1st Famas Broadcast awards.
“Salamat sa aking maybahay, Sis. Ludy sa paniniwala sa aking kakayahan at sa aking mga anak at apo. Salamat din po sa mga tagapakinig ng programa na nagtiwala.
“Sa Tres MARIAS NG dr. Love, Myra. Marivie at Beth, kay Yek at Riza, kay Chato, sa mga Dr. Love Pilgrims at marami pa. Sa inyo ang karangalang ito. Grabe ang bigat ng trophy.”
Pakiwari ni Dr. Love ay dalawang kilo yung tropeo.
FB post pa ni Dr. Love: “Sa lahat po ng tumangkilik at nagtiwala sa programang Dr. Love Radio Show sa loob ng 29 na taon at lahat ng mga kaanib ng Dr. Love Pilgrims, alay ko sa inyo ang napakalaking karangalang ito kaloob ng Filipino Academy of Movie Arts and Sciences (FAMAS) 1st Broadcast Arts Awards na ginanap sa Fiesta Pavillon ng The Manila Hotel, July 20, 2026. Salamat po sa lahat.”
Kasama ni Bro. Jun na dumalo sa nasabing pagtitipon ang dalawa niyang apo na sina Diego Morantte at Michael Vaughnn Banaag.
Read: Robin Padilla questions "one-sided" prosecution in VP Sara Duterte impeachment trial
GORGY RULA
Dalawampu’t walo (28) ang competitive categories sa inaugural FAMAS Broadcast Arts.
Walo (8) sa mga ito ay sa larangan ng Radio, at ang dalawampu’t walo (28) ay sa Television + New Media.
FAMAS BROADCAST ARTS AWARDS RADIO CATEGORIES
Ang walong categories at winners sa radio ay ang mga sumusunod:
Best AM Radio Program: Healing Mass sa Veritas, DZRV 846 AM
Best AM Anchor: Papa Ahwel Paz, Alam Na Dis!, DZMM
Best FM Radio Program: Dr. Love, 92.3 Radyo Singko True FM
Best FM Radio DJ: Papa Jack (John S. Gemperle), 106.7 Energy FM
Best Radio Drama Show: Gabi ng Lagim, DZRH
Best Radio Drama Performer: Nong Lading, 96.7 FMR Iligan
Best Podcast: Facts First
Best Podcast Host: Christian Esguerra, Facts First
AHWEL PAZ
Thankful si Ahwel Paz na may mga naniniwala pa rin sa kapangyarihan ng radyo.
Bahagi ng Facebook post ni Ahwel matapos siyang parangalan ng FAMAS: “To God be the glory. Thank you, Mama Mary.
“After 18 years in the radio broadcasting industry, I am truly honored to be recognized as the Best AM Radio Anchor at the First FAMAS Broadcast Arts Awards.
“The words shared by the Chair of the Board of Judges, Dr. Anton Juan, truly melted my heart:
“‘He stands out as a distinguished radio broadcaster. He excelled not only in showbiz journalism but also in lifestyle reporting, bringing audiences entertaining, meaningful, and informative stories from different parts of the world.’
“Maraming salamat FAMAS sa inyong pagkilala na buhay pa rin ang radyo sa kabila ng laganap na social media.”
HEALING MASS SA VERITAS
Ni-repost ng Facebook page na Veritas PH ang pagbati ng DZRV 846: “Congratulations! Healing Mass sa Veritas.
“Isang karangalang maitanghal ang Healing Mass sa Veritas bilang Best AM Radio Program sa 1st FAMAS Broadcast Arts Awards 2026.
“Ang parangal na ito ay hindi lamang pagkilala sa isang programa, kundi patunay na ang Salita ng Diyos, panalangin, at paglilingkod ay patuloy na umaabot sa puso ng bawat Pilipino.
“Maraming salamat sa aming mga tagapakinig, tagasuporta, mga pari, volunteers, sponsors, at sa buong kapanalig community.
“Higit sa lahat, ang lahat ng papuri at pasasalamat ay iniaalay namin sa Diyos, na siyang pinagmumulan ng bawat biyaya at tagumpay.
“Soli Deo Gloria. To God be all the glory!”
Read: Vice Ganda, Kim Chiu put feud rumors to rest on It's Showtime