JERRY OLEA
Ninety (90) years old ang character ni Jackie Lou Blanco (JLB) sa horror movie na Mag-iina, isa sa siyam na feature-length films ng Cinemalaya 22: Reel Reflections.
“Ha! Ha! Ha! Ha! Ha! Yes, 90, grabe, 'no?” sabi ni JLB sa 2026 Cinemalaya mediacon noong Hulyo 8 sa Shangri-La Plaza, EDSA cor. Shaw Boulevard, Mandaluyong City.
“Mahirap. I’d like to think this is my most difficult film. Film na natakot ako, hindi ko alam kung kaya ko.
“Kasi nga, number one, 90 years old. Kahit nilalagyan ka ng prosthetics, iba yung galaw, iba yung boses.
“And yun na nga because it’s an eerie film, di ba? It’s an eerie drama.
"So, parang I don’t know, parang yung uungkatin, it’s just different.
“So, parang mahirap talaga siya.”
Co-stars ni JLB sa Mag-iina sina Janine Gutierrez, Lucas Andalio, Cherry Pie Picache, Agot Isidro, Ness Roque, Bart Guingona, at Alejandra Cortez.
“Hindi siya talaga madali pero I’m very happy na ako yung napili to play the part kasi very seldom ka naman mabigyan ng ganun,” pahayag ng 62-anyos na si JLB, na isa sa stars na rumampa sa Maddox Iconic Runway: Diamond Jewelry Fashion Show noong Hulyo 30, sa Shangri-La EDSA, Ortigas Center, Mandaluyong City.
“They could get an older actress na siguro, or maybe a more named actress. I mean, puwede namang hindi napunta sa akin.
“Kasi a lot of people, I’m sure, pag in-offer ito, gagawin mo kasi nga it’s challenging.”
jackie lou blanco's SECOND CINEMALAYA MOVIE
Itong Mag-iina ang ikalawang pelikula ni JLB sa Cinemalaya.
Last year ay gumanap siya bilang relihiyosang si Mrs. Mildred Guzman, asawa ni Eduardo Guzman (Leo Martinez) sa Cinemalaya 2025 feature-length film na Paglilitis.
Kumustang katrabaho si Lucas Andalio, na MMFF 2025 best child performer para sa Call Me Mother?
“Ay! Mahusay! Mahusay na bata. I mean, kahit na mainit kung saan kami nagsu-shoot, very game siya,” tugon ni Jackie Lou.
“Alam niya yung linya niya. He knows what he’s supposed to do.”
Read: Ynez Veneracion reacts to her ex-manager Lito de Guzman's NBI arrest
NOEL FERRER
Umaasam ba siyang maging best supporting actress sa pagganap niya sa Mag-iina?
“I think, you know, whenever you do naman a film na merong award-giving body, kumbaga icing on the cake na lang kung manalo ka,” sagot ni Jackie Lou Blanco.
“But yes, I mean it would be nice if any one lead [ng Mag-iina] or kahit na ako siyempre, kasi it means parang napansin ka nang konti among the rest, di ba?
“But, yeah, it would be nice. Bakit naman hindi?”
JACKIE LOU BLANCO AS STAGE ACTRESS
Iyong Virgin Lab Fest (VLF) debut niya na Lualhati ay kabilang sa tatlong revisited plays for next year.
Kakayanin ba niyang lumabas muli sa dulang Lualhati sa Hunyo 2027?
“I mean, I’d like to. Sana. I will make myself available for that. Kasi next year pa naman, puwede mo namang sabihin na itong ano ito, i-schedule,” saad ni JLB.
“It would be nice if it would be still the same cast sana. Kasi minsan pag revisited, minsan naiiba.
“Kasi certain people cannot do it anymore, di ba? So sana, sana pa rin.”
Sa Setyembre ay sing-and-dance naman si JLB sa Bongga ka Day! The Annie Batungbakal Musical (Based on the Songs of Hotdog).
“Sobrang iba-iba. From anthropology to Lualhati to Cinemalaya, saka at least musical ulit after so, so many years,” sambit ni JLB.
Sabi ko nga, Jackie Lou is in her artist era now more than ever.
Edgy and daring and diverse roles, Mamita Pilita and Ricky Davao must be sooooo proud of her. We are!
I hope a really markadong teleserye and another movie will come up soon.
At mina-manifest namin, a really good song to record again, and a concert naman next year might be something good to look forward to!
Read: Anjo Yllana jokes about PHP3.5M fine: "Ang taas pala ng value ko."
GORGY RULA
Sabi ni Jackie Lou Blanco, tumayo ang balahibo niya nang mapanood niya ang teasers ng mga kalahok sa Cinemalaya 22: Reel Reflections.
“Kasi wow! I mean, this selection is variety talaga!” bulalas ni JLB.
“Parang iba-iba. At each one, ang lakas ng dating.”
CINEMALAYA 2026 SCHEDULE
Ang gala ng siyam na full-length features at dalawang set ng short films ng indie filmfest ay pawang gaganapin sa Cinema 1 ng Shangri-La Plaza.
Nasa Shorts A ang Para-paraan, Runo!, Silkscreen, Hoy! Hoy! Ingat, at Honey, My Love, So Sweet.
Nasa Shorts B ang The Keeper, Sorbetes, kung paano kakalas, Elenita Elena Elaine, at The River Flows in Different Places.
Agosto 7, Biyernes, ang gala ng Shorts A (2:30 pm), A.Ni.Mal (5:30 pm), at Kaka Sa Yawan (8:30 pm).
Agosto 8, Sabado, ang gala ng Shorts B (2:30 pm), Tirik (5:30 pm), at Mag-iina (8:30 pm).
Agosto 9, Linggo, ang gala ng Tayo Lang Ang Nakakaalam (5:30 pm), at Status: Rejected (8:30 pm).
Agosto 10, Lunes, ang gala ng Ganggang (5:30 pm) at 2 Valid IDs (8:30 pm).
At Agosto 11, Martes, ang gala ng Hand of God (5:30 pm).
Ngayong 2026 ang ikalawang taon na primary venue ng Cinemalaya ang Shangri-La Plaza.
Tigdadalawa ng talkback session ang siyam na feature-length films at dalawang set ng short films.
Maliban sa Shangri-La Plaza ay may talkback sessions sa partner venues na Gateway Mall 2 sa Cubao, Quezon City, at sa select Ayala Malls cinemas.
Ang ticket prices para sa Cinemalaya 22 ay P350 (regular) at P250 (student). May 20% discount para sa senior citizens, PWDs, national coaches, at national athletes.
Read: Cinemalaya 2026: 9 feature films, 10 short films, 3 books