JERRY OLEA
Bida si Barbie Forteza sa comedy film na Saving Cherry bilang bagong kasal na si Cherry na na-caught in the act ang asawang (Khalil Ramos) taksil.
Gumanap bilang katropa ni Cherry sina Sassa Gurl, Mika Salamanca, Mikee Quintos, at AC Bonifacio.
Sa mediacon noong Agosto 3, 2026, Lunes, sa Gateway Cineplex, Cubao, Quezon City, inusisa ni katotong Nathalie Tomada ang limang gumanap bilang barkada kung ano ang kani-kanyang dream wedding.
DREAM WEDDING
Naghimutok ang acclang si Sassa Gurl: “Hindi nga ako puwedeng ikasal, 'no?! Pero pangarap ko rin naman talagang ikasal.
“First, since nga sa Philippines, hindi pa ako puwedeng ikasal, so pangarap na lang talaga ito lahat.
“Feel ko, dream wedding ko, since hindi naman talaga normal, or hindi common sa amin na mag-dream talaga ng wedding — I think a simple wedding will do.
“Basta mahal ko lang talaga yung papakasalan ko. Di ba, JC?” sabay tingin kay JC Alcantara na nasa likod niya.
Kasunod na sumagot si Mika: “Ako po, sa ngayon, yung gusto ko na wedding is private po talaga. Ayoko ng may ibang tao.
“Yung mga super-close ko lang po talaga yun, dun sa wedding na yun. Kung kailangan na walang makakaalam, ganun yung gusto kong wedding.”
Take note, Will Ashley!
Sabi naman ni Mikee: “Ako, same, e. Parang I think, my dream would be a destination also. But my real reason, I think, would be… to keep it intimate din.
“I’ve always wanted something simple… kasi pinagdadasal ko naman, asawa muna bago ikasal, di ba?!
“So, pag dumating yun! Sana, gusto niya yung simple lang. Coz I believe na if you keep things private, mas mapapahalagahan. Yes, yon.”
Say ni AC: “Wala pa ngang dyowa, ano na tayo?! Ha! Ha! Ha! Ahhmm siguro ano lang po, I come from a very big family, and being around the people I love talaga…
“I just want all my loved ones to be there from Canada, from here, all the families that I’ve grown into, but siguro, as long as it’s a good husband, a good guy... and my family is there, I’m good.
“Basta puwede akong sumayaw, good music, good food. Masaya na po ako dun. I’m not that far into my life yet.”
Panghuling sumagot ang Kapuso Primetime Princess. Sa kanya rin ang pinakamaikling sagot.
Masidhing pagmamatwid ni Barbie Forteza: “Dream wedding ko? I wanna get married in Vegas. In Vera Wang. Para may divorce.”
Nasa cast din ng Saving Cherry sina Joey Marquez, Kokoy de Santos, Almira Muhlach, Monina Lawrence, at Than Perez, sa direksiyon ni Ivan Andrew Payawal.
Nakatakdang ipalabas ito sa local cinemas umpisa Setyembre 2.
Read: Barbie Forteza: "I wanna get married in Vegas... para may divorce."
NOEL FERRER
Mas pinik-ap siyempre ang nakakaintrigang sagot ni Barbie Forteza.
Sa totoo lang, maraming ganun ang iniisip ng iba na kaya sa ibang bansa sila magpapakasal para anytime, madaling mag-file ng divorce.
DIVORCE NOT ALLOWED IN THE PHILIPPINES
Kaya nag-react ang producer ng Quantum Films na si Atty. Joji Alonso sa sagot ni Barbie.
Pahayag ni Atty. Joji sa kanyang Facebook post: “Sadly Barbie Forteza, If you marry (even in Vegas) a fellow Filipino citizen who remains Filipino all throughout your marriage, any divorce you obtain is not going to be recognized under Philippine law.
“Your marriage continues to subsist due to what is known as the ‘nationality’ principle.
“Your nationality follows you wherever you are. And since divorce is not recognized under Philippine law, you remain married to him.
“It would be different IF you married a foreign national and your husband divorced you.
“That divorce may be recognized under Philippine law since it would be sheer absurdity for you to continue being married to a foreigner who is no longer married to you.”
Read: Regine Velasquez talks about “retirement”; recalls hardships fulfilling her dreams
GORGY RULA
Nag-message ako kay Atty. Joji Alonso para magtanong tungkol sa batas na ito, at para linawin kung ganito ang nangyari sa kaso ng paghihiwalay nina Carla Abellana at Tom Rodriguez, na isang American citizen.
Nakapag-file si Tom ng divorce sa Amerika at hinintay na lang nilang i-recognize dito sa Pilipinas ang naturang divorce.
Paliwanag ni Atty. Joji: “Once the foreigner is granted the divorce, the Filipino spouse may now proceed to have it recognized by the courts here.
“Yan ang change sa batas with the family code.
“Dati nga walang recognition na ganyan. Kaya ang lala ng situation that the spouse is married to a husband who is no longer married to her.”
Read: Court validates Carla Abellana's divorce from Tom Rodriguez