NOEL FERRER
Ramdam na ramdam ang excitement sa Tolve, Basilicata, Italy, para sa European premiere ng I'mPerfect nitong Agosto 4, Martes ng 7:30 P.M., sa Vignali Della Corte.
Kasama ang I'mPerfect sa 27th Lucania Film Festival bilang bahagi ng San Rocco Cinema Network.
Simula Agosto 3, Lunes, umikot ang team sa buong bayan, bitbit yung blue I'MPERFECT banner, naka-Italia caps, picture-taking sa piazza, sa may stone fountain, at sa gravel grounds kasama ang local community.
Hindi lang siya simpleng promo, kita mo talaga yung saya at closeness ng buong delegation.
Nandiyan si Direk Sigrid Andrea Bernardo, ang producer na si Ms. Sylvia Sanchez ng Nathan Studios, at siyempre mga bidang sina Krystel Go at Earl Amaba kasama ang Nathan Artists.
I'MPERFECT GROUP ATTENDS HOLY MASS AT THE VATICAN
Pero bago ang lahat ng paghahandang ito, nagkaroon ng isang very special pause
Ang sabi nila sa post: “A moment of faith, gratitude, and togetherness. Na-bless ang ating Nathan Artists at ang buong I’mPerfect team na makapagdiwang ng Holy Mass sa Vatican during our journey here in Italy.
“Ginanap ang Misa sa Cappella della Madonna Grande Regina degli Ungheresi at pinangunahan ito ni Fr. Alvin Artemio M. Paras, OFM.
“Baon nila yung blessing na yun papuntang Lucania Film Festival hindi lang yung pangarap kundi pati yung dasal at suporta ng lahat ng naniniwala sa inclusion.”
Read: Cinemalaya 2026 Ultimate Guide: Schedule, tickets, venues, FAQs
JERRY OLEA
Ang I'mPerfect ang kauna-unahang Filipino film starring persons with Down syndrome na naimbitahan para i-represent ang Pilipinas sa international festival na ito.
From MMFF 2025 hanggang sa Lucania, dala natin ang mensahe na ang pagiging totoo at ang puso ang tunay na bida.
Nasa Italia rin ang MMFF executive director na si Atty Rochelle Ona na isa sa mga jury ng Lucania Festival kaya aligaga siya sa panonood ng mga sineng lahok sa kumpetisyon.
Hindi kasama ang I'mPerfect sa competing films. Ito’y nasa exhibition section ng festival.
At ang ka-Troika nating si Noel Ferrer, na siyang MMFF spokesperson, ay magbibigay ng mensahe sa International Summit on Cinema as a Global Medium of Communication and Intercultural Dialogue sa Agosto 8 sa 27th Lucania Film Festival sa Italia.
Congratulations and all the best sa Tolve para sa European premiere ng ImPerfect!
Read: Dani Barretto hosts Legaspi family in her home; where is her dad Kier Legaspi?
GORGY RULA
Naka-post sa website ng Lucania filmfest: “The city of Tolve welcomes the institutional and cinematographic delegation of the Philippines together with authorities, directors and producers of the Metro Manila Film Festival for the special screening of I'm Perfect, an award-winning film by director Sigrid Andrea Bernardo, dedicated to the themes of inclusion and representation, with the presence of the author and the young actors who are the protagonists of the work.
“An international meeting between cinema, communities and cultures in the name of the San Rocco – Protector of Cinema network, dedicated to the dialogue between territories and cinematographies of the world.
“In collaboration with the ‘Francesco Mentissi’ Association Banda di Tolve / Basilica Santuario di San Rocco – Tolve and with the Patronage of the City of Tolve.”
TEAM EFFORT
Ayon kay Ria Atayde-Marudo, CEO ng Nathan Studios, ang pagkakapili ng I'mPerfect ay bunga ng dedikasyon at pagsisikap ng buong production team at isang pagkakataon upang maipakita ang galing ng mga Pilipino sa mas malaking pandaigdigang entablado.
Habang nasa Italy, nakikibahagi ang Philippine delegation sa iba’t ibang festival activities kasama ang filmmakers at industry professionals mula sa Europa, Asya, at iba pang mga bansa.
Nagbibigay ito ng pagkakataon para sa cultural exchange, networking, at posibleng international collaborations.
Higit pa sa festival screening, ang paglahok ng I’mPerfect sa 27th Lucania filmfest ay patunay na lalo pang kinikilala ang Philippine cinema sa international film community, kung saan patuloy na nakakakuha ng invitations, awards, at magandang reviews ang mga pelikulang Pilipino.
KRYSTEL GO'S NEW MOVIE
Ibinalita rin ng Nathan Studios na ang MMFF 2025 best actress na si Krystel Go (ng I'mPerfect) ay kasama sa cast ng bagong pelikula nina Rufa Mae Quinto at Empoy Marquez na produced ng Wide International.
Ang writer-director niyon ay si Sigrid Andrea Bernardo na gamay na si Krystel.
Read: Barbie Forteza's Vegas divorce remark gets legal response