JERRY OLEA
Lumampas na sa $1B ang worldwide gross ng Spider-Man: Brand New Day.
Ayon sa Box Office Mojo, as of Monday, August 4, 2026 — $407.1M na ang hinamig nito sa North America, samantalang $645.8M na sa international market mula nang mag-open noong Hulyo 29, Miyerkules.
Sa loob ng anim na araw ay $1.053B ang worldwide gross ng latest MCU Spider-Man movie kung saan bida ang bagong kasal na sina Tom Holland at Zendaya.
Ito ang ikalawang pinakamabilis na pelikula na umabot sa naturang milestone.
Pangalawa ito sa Avengers: Endgame na lumampas sa $1B-mark sa loob ng limang araw noong Abril 2019.
Noong Agosto 4, Lunes, ay $47M ang domestic gross ng Spider-Man BND — pinakamalakas sa kasaysayan, ayon sa Sony Pictures.
Kinabog nito ang record ng Black Panther na naka-$40M sa araw ng Lunes noong 2018.
SPIDER-MAN: BREAND NEW DAY BREAKS RECORDS
Kabilang pa sa records na itinala ng Spider-Man BND ang Highest North American opening weekend ($360M), Biggest Thursday preview gross ($72M), at Biggest opening day, Friday ($169.8M).
Ito ang Second-biggest Saturday ($101.5M), pangalawa sa Avengers: Endgame na naka-$109.2M.
Ngayong 2026 ay apat na pelikula pa lamang ang lumampas sa $1B ang worldwide gross.
Ang mga ito ay Toy Story 5 ($1.068B), Spider-Man: BND ($1.053B), Michael ($1.016B), at The Super Mario Galaxy Movie ($1.011B).
Inaasahan nating lalampas din sa $1B ang epic fantasy na The Odyssey, na so far ay $922M ang global gross.
Read: Spider-Man: Brand New Day posts massive PHP587M in just five days
GORGY RULA
Ang Spider-Man: Brand New Day ang ika-38 pelikula sa Marvel Cinematic Universe (MCU).
Ikaapat ito sa MCU Spider-Man film series, kung saan bida si Tom Holland bilang Peter Parker o Spider-Man.
Nauna rito ang Spider-Man: Homecoming (Hulyo 2017), Spider-Man: Far From Home (Hulyo 2019), at Spider-Man: No Way Home (Disyembre 2021).
Hindi agad ipinalabas sa local cinemas ang Spider-Man: NWH.
Enero 8, 2022 ito nag-showing sa Pilipinas, pagkatapos ng Metro Manila Film Festival 2021.
Sa MMFF 2021 Gabi ng Parangal noong Disyembre 27, 2021, si Atty. Joji Alonso ang tumanggap ng tropeyo ng Kun Maupay Man It Panahon bilang second best picture.
Panawagan noon ni Atty. Joji: “Para po sa nagsasabi na sana, hindi natuloy na ang MMFF at mauna na po si Spider-Man, pakiantay na lang po sa January 8, please…
"In the meantime, tangkilikin naman po natin ang pelikulang Pilipino! Sobra-sobra po naming pinaghirapan lahat ang paggawa ng mga pelikulang ito.
"Sana naman po, huwag niyo naman po kaming pabayaan. Kasi, this is for everybody. Paano na lang po tayo pag wala na pong gagawa ng pelikula?
"So, please support Filipino films! Salamat po!”
SPIDER-MAN MOVIES ON NETFLIX
Tatlong araw nang bumalik sa Top 10 Movies ng Netflix Philippines ang Spider-Man: Homecoming at Spider-Man: Far From Home.
Noong Agosto 3, Lunes, ay pansiyam ang Homecoming, at pansampu ang Far From Home.
Kahapon, Agosto 4, Martes, ay pangwalo ang Homecoming, at pansiyam ang Far From Home.
Ngayong Agosto 5, Miyerkules, ay panlima na ang Far From Home, at pang-anim ang Homecoming.
Wala sa Netflix PH ang Spider-Man: No Way Home.
Ang anim pang Spidey movies na nasa Netflix PH ay Spider-Man (2002), Spider-Man 2 (2004), Spider-Man 3 (2007), The Amazing Spider-Man (2012), The Amazing Spider-Man 2 (2014), at ang animated na Spider-Man: Into The Spider-verse.
Sa Amazon Prime Video naman streaming ang first season ng 8-episode series na Spider-Noir (2026), kung saan bida si Nicolas Cage bilang Ben Reilly/The Spider.
Read: Barbie Forteza's Vegas divorce remark gets legal response
NOEL FERRER
Five weeks na walang bagong pelikulang Pinoy sa local cinemas — mula Hulyo 1, Miyerkules hanggang Agosto 4, Martes.
Buong buwan ng Hulyo 2026, walang bagong Filipino film na nag-showing sa ating mga sinehan.
Umiwas ang Filipino movies sa Minions & Monsters, Moana, The Odyssey, at Spider-Man: Brand New Day.
Noong 2021 pa nag-streaming sa Amazon PrimeVideo ang pelikulang Ang Babaeng Walang Pakiramdam, na nag-showing sa local cinemas noong Hulyo 22.
FIRST PINOY MOVIE IN LOCAL CINEMAS AFTER FIVE WEEKS
Ngayong Agosto 5, Miyerkules… rumaratsada pa rin ang Spider-Man: Brand New Day… pero may bagong Pinoy movie na sa local cinemas.
Ito ay ang horror movie na Rosario (R-13), na Abril 22 ang original playdate.
Tampok dito sina Aubrey Caraan, Jairus Aquino, Lance Carr, Meg Imperial, Yumi Garcia, Suzette Ranillo, Rose Van Ginkel, at Bernadette Allyson.
Ayon sa Viva Films ay mahigit 150 ang mga sinehan ng Rosario.
Ibinando rin iyan ng Cinema Exhibitors Association of the Philippines (CEAP) sa kanilang Facebook page.
Sa SM cinemas, PHP275 ang ticket price ng Rosario sa Metro Manila samantalang PHP230 sa mga probinsya.
Sa piling sangay ng Robinsons Movieworld ay 45% ang special ticket offer.
Sa Eastwood, Uptown Mall, at Venice Cineplex ay PHP200 ang special ticket price ng Rosario; samantalang sa Lucky Chinatown, Clark Cityfront, Southwoods at Festive Walk ay PHP180 lamang.
NOW SHOWING
Showing din today ang horror movies na Ice Cream Man (R-18), at ang Sorry, Charlie (R-13) na exclusive sa Megaworld Cinemas.
Tatlong foreign films ang ni-reissue starting today.
Ang mga ito ay The Notebook (R-13) na exclusive sa Ayala Malls Cinemas, The Mummy Returns 25th Anniversary (PG) na exclusive sa SM Cinemas, at ang Train to Busan 10th Anniversary (R-13) na exclusive din sa SM Cinemas.
CINEMALAYA 2026
Opening ceremony ng Cinemalaya 22: Reel Reflections bukas, Agosto 6, Huwebes, sa Shangri-La Plaza, EDSA cor. Shaw Blvd., Mandaluyong City.
5:30 P.M. ang Red Carpet, samantalang 7:30 P.M. ang screening ng opening film na Enjoy Your Stay kung saan tampok sina Mercedes Cabral, Anna Luna, Hasmine Killip, Irma Adlawan, Donna Cariaga, at Madeleine Nicolas.
LIBRE ang tickets sa Enjoy Your Stay, na ipamimigay on a first-come, first-served basis two hours before the screening schedule.
Mula Agosto 7, Biyernes, hanggang Agosto 18, Martes, ay palabas ang mga pelikula ng Cinemalaya sa apat na sinehan ng Shangri-La Plaza, apat na sinehan ng Gateway Mall 2 sa Cubao, Quezon City, at sa mga sinehan ng Ayala Malls sa Ayala Malls Manila Bay, Glorietta, Ayala Malls Circuit, Market! Market!, at Trinoma.
Nasa Facebook page ng Cinemalaya ang schedule ng mga pelikulang kalahok, ganoon din ang iba pang mga ganap.
Ang ticket prices para sa Cinemalaya 22 ay PHP350 (regular) at PHP250 (student). May 20% discount para sa senior citizens, PWDs, national coaches, at national athletes.
Read: Cinemalaya 2026 Ultimate Guide: Schedule, tickets, venues, FAQs