GORGY RULA
Hindi magkandaugaga si Dimples Romana sa pagsagot sa mga tanong ng entertainment press na kumuyog sa kanya sa media conference ng TV5 na ginanap sa MVP Studios nung Huwebes, August 6, 2026.
Ang ikinawindang pa niya, hindi naman tungkol sa kanya ang mga pinagtatanong kundi sa mga matatalik niyang kaibigan na nasa gitna ng mga maiinit na isyu.
DIMPLES ON BEA ALONZO-VINCENT CO WEDDING
Ang unang inusisa ng PEP Troika kay Dimples ay ang tungkol sa pagpapakasal ng BFF niyang si Bea Alonzo sa negosyanteng si Vincent Co.
Napangiti lang siya sa ilang katanungang tila may alam siya, pero ayaw niyang ibunyag.
Nang tanungin tungkol sa naudlot na kasal sa Spain, napangiti siya ulit at sinagot kami ng tanong na, “Naudlot ba?”
Ang sabi lang ni Dimples, nasa Spain sila nung mga araw na yun dahil ipinagdiwang nila ng asawa niyang si Boyet Ahmee Jr. ang kanilang wedding anniversary.
“Anniversary kasi namin ng asawa ko. 23rd anniversary. It is true. Yes!” bulalas ni Dimples.
“Guys, parang nahihimatay na po ako!” natatawa na niyang sabi na hindi na alam kung paano sasagutin ang sunud-sunod na tanong.
“Naku! Parang nahihimatay na po ako. Oh my God!
"Guys, eto na nga po ako. Palabas na si Daniela Mondragon,” sabi pa ng aktres.
Si Daniela Mondragon-Bartolome ay ang sumikat na character ni Dimples sa teleseryeng Kadenang Ginto.
Read: Is Dimples Romana headed to Bea-Vincent wedding in Spain?
NO ADVICE NEEDED
Maingat pa rin si Dimples sa pagsagot sa mga katanungan tungkol sa kasalan nina Vincent at Bea.
Matagal lang siyang nag-isip at hindi niya nasagot ang tanong ng PEP Troika kung may ideya ba siyang magpapakasal na ang dalawa sa tanggapan ni Makati City Mayor Nancy Binay.
May sumingit pa kasi na tanong kung ano ang ibinigay niyang payo, o may bilin ba siya sa bagong kasal.
“Hindi ko naman kailangan magbilin kasi pareho naman silang nasa edad. Ako po, nagdasal na lang sa akin, e,” safe niyang sagot.
“No payo whatsoever. I don’t think she needs any of my advice. She only needs my presence and my love as a friend.
“Bea does not need anything from me. Not from anyone but love.”
Read: Bea Alonzo, Vincent Co quietly wed in civil rites
NOEL FERRER
Nakiusap si Dimples Romana na huwag na siyang tanungin tungkol sa mga isyu ng kaibigan niya, lalo na itong tungkol kay Bea Alonzo, kung saan naging saksi siya sa lahat ng pinagdaanan nito.
Ang sabi na lang ni Dimples: “In all that kasi, I’m just very fortunate to be the friend who’s always around. Being able to witness all the milestones in her life.
“So, I wouldn’t be a good friend if I answer any of those questions. So, patawad, pasensiya na.
“But if there’s anything I wanted you to know is that my whole family are really rejoicing in the joys of my friends.
“And that goes not only for Bea, but for Angel [Locsin], but for many of my friends na hanggang ngayon ay kaibigan ko pa.
“Imagine, ang tagal na natin sa industriyang ito, but to be able to say we are still friends....
"From when we were 16, 20s, until now that we are 40s, that’s the best blessing for us.”
Hanggang ngayon ay patuloy pa rin daw ang komunikasyon nila ni Bea.
“Definitely, we always talk. Hindi naman kami naputol mag-usap.
“Parang may ano lang, may thinking na hindi kami nakapag-usap o hindi namin nasabi sa isa’t isa.
“But I will assure that from my end, hindi naman naputol yung communication namin.
“And I think that is the most special part about our friendship,” sabi pa ni Dimples.
Read: Bea Alonzo, Vincent Co's secret wedding shocks friends, insiders
JERRY OLEA
Pati ang isyu nina Angel Locsin at Senator Robin Padilla ay natanong din si Dimples Romana, pero hindi siya nagbigay ng komento.
Ang sabi lang ng aktres: “Ako po ay bising-bisy magtrabaho at mag-alaga ng mga bata.
“Even if I have any comment, I don’t think I’ll be able to do so.
“In my career naman po, parang hindi rin ako kilalang magbigay ng opinyon sa kahit na anong pinagdadaanan ng aking mga kaibigan.
“I don’t think I wanna change that,” pakli ni Dimples.
Read: Angel questions Robin after his "Komunista po ako" declaration
DIMPLES ON KATHRYN'S RELATIONSHIP
Sa tanong tungkol kay Kathryn Bernardo, na kasama niya sa Someone, Someday, ang safe pa rin ng sagot ni Dimples.
Nagkakilala na ba sila ng boyfriend ni Kathryn na si Lucena City Mayor Mark Alcala?
Saad ni Dimples: “Alam niyo po, gusto ko talaga kayong sagutin, but if you have any questions for me, I will very well answer.
"But if it’s about my friends, baka it’s best that you hear it from them.”
Ano ang mensahe niya para kina kina Kathryn at Mayor Mark?
“I’m so excited for Someone, Someday it is showing on TV5. Si James [Reid] nandun,” paiwas niyang sagot.
“I really wish I could answer. I wanna answer, but I won’t do that to any of my friends,” tila nagsusumamog sabi ni Dimples.
Bukod sa teleseryeng Someone, Someday na napapanood na rin sa TV5, bahagi rin si Dimples ng morning show na Gud Morning Kapatid.
Simula sa Lunes, August 10, ay magiging Frontline Umaga na ito.
Kasama ni Dimples sa morning program sina Ed Lingao, Angela Lagunzad-Castro, Maoui David, Chiqui Roa-Puno, Alvin Pura, at Dr. Richard Gadiaza.
Read: Kathryn Bernardo at Mark Alcala, nag-"soft launch" sa Thailand?