JERRY OLEA
Dalawang taon ang kontratang pinirmahan ni Vice Ganda sa MediaQuest Holdings, Inc. noong Agosto 12, 2026, Miyerkules, sa The Lighthouse ng 14F Lopez Bldg., Meralco Center, Ortigas Avenue, Pasig City.
Sa event na ito ay tinagurian ni Mr. Manny V. Pangilinan (MVP), chairman ng MediaQuest Holdings, Inc., si Vice Ganda bilang "Queen of All Networks."
Layunin ng phenomenal partnership na ito na gumawa ng "bigger and more meaningful entertainment experiences" para sa Filipino audiences across platforms, formats, at territories.
VICE GANDA HAS MORE TO OFFER
Natawa ang Asia’s Unkabogable Superstar sa bagong title na iginawad sa kanya.
Nagpasalamat si Vice Ganda kay MVP sa pagtitiwala nito, at paniniwala sa kanyang kakayahan.
“I’m so grateful and super-excited to be able to unleash every ounce of creativity, hard work and passion that’s still left in my soul,” nakangiting pahayag ni Vice Ganda.
“Sabi ko, ilang taon na rin akong araw-araw niyong napapanood sa telebisyon pero naniniwala pa rin naman ako na meron pa, meron pa akong maibibigay.
“Meron pa akong ibubuga, at natutuwa ako na sa mga karagdagang platapormang meron po kayo, e, mas magiging malaya ako at magkakaroon ng pribilehiyong makapagbigay pa ng magandang serbisyo sa mamamayang Pilipino sa pamamagitan ng kind of entertainment na ino-offer ko.”
Nagpapasalamat din nang lubos si Vice Ganda sa ABS-CBN.
Aniya: “Every learning na bitbit ko ngayon, every experience na meron ako ngayon, sa lahat ng maio-offer ko na nagsimula sa kanila, sa mga karanasan kong ibinigay sa kanila.
“And I’m just so happy na sa mga partnerships ko now and in the future, ABS-CBN will always be there to guide me and be part of every content and program that I will be doing.
“Maraming-maraming salamat po, Sir MVP, for allowing me to extend my talent to your audiences."
Read: Gabby Lopez sells 25.7% Lopez Inc. stake to Ramon Ang for “family peace”
"NOT-SO-HAPPY EXPERIENCE" WITH TV5
Binanggit din ni Vice ang hindi masyadong magandang karanasan niya noon sa TV5.
Saad niya: “And masaya lang ako because we did not have a… not-so-happy experience in the past.
“Because as we all know, [It’s] Showtime used to air in TV5. And then suddenly, nawala.
“So it broke my heart at that time.
“Pero ngayon, nakakatuwa na siyempre yung heartbreak, nahi-heal. Nagkakaroon ng maraming learnings.
“At puwede pa ring makabuo ng isang magandang relationship after a heartbreak.”
Hunyo 30, 2023 ang huling araw na inokupa ng It’s Showtime ang noontime slot ng TV5.
Ibinigay ng TV5 ang timeslot na iyon sa Eat Bulaga!.
Kinupkop ng GTV ang It’s Showtime umpisa Hulyo 1, 2023.
Umere ang It’s Showtime sa GMA-7 umpisa Abril 6, 2024.
Read: It's Showtime "will continue to air in GMA in 2025"
VICE GANDA FEELS THE EXCITEMENT
Dagdag ni Vice Ganda: “At I’m just super excited. Kagabi pa lang, hindi ako makatulog, andami kong naiisip.
“Andami kong gustong content na gawin. Hindi na naman ako mapakali. Ito yung gusto kong feeling. Itong excitement.
“Because I started [It’s] Showtime 16 years ago. So almost every day for the past 16 years, nagtatrabaho ako.
“Pero yun ang ikinakatakot ko — yung dumating ako isang araw na parang hindi na ako nae-excite.
"Yung parang feeling ko, parang yun at yun, nagiging routinary na yung mga nagaganap.
“Yung parang kahit pumikit ako, kahit hindi ako maligo, alam ko na yung gagawin ko.
“This partnership gives me so much excitement. Nai-ignite niya yung fire sa akin.
“Parang kinikiliti niya uli ako. Parang kumukulo na naman yung tiyan ko. Yung lumalala yung acid reflux ko.
“Gusto ko yung ganun feeling, yung lumalala yung acid reflux ko. Na gusto ko yung pakiramdam na, ‘Ahhh may bagong bahay. May mga bagong tao na makakausap. May mga bagong makakatrabaho.’
“Gusto ko yun. Gusto ko yung challenge na yun.
“Dahil naniniwala ako na yung comfortability is the enemy of achievements. Di ba?
“It’s the enemy of excellence, yung comfortability. So, gusto ko itong hindi ako masyadong komportable.
“At mas masusubok ko pa kung ano pa yung makakaya kong ibigay.
“At maraming-maraming salamat po sa inyong tiwala. At sa inyong tiyaga. Dahil hindi naman nangyari overnight itong partnership na ito,” natatawang pagtatapat ni Vice Ganda.
“Thank you, thank you very much and ayun lang, I hope I will be able to make myself and everyone who is behind this partnership really very proud.
“So, maraming-maraming salamat po. And sana po, suportahan nyo po kami sa mga magagawa naming proyekto together. Thank you, thank you very much.”
Read: Charo Santos recalls Mike de Leon's fiery temper in Kisapmata
GORGY RULA
Ang nasabing contract signing ay tinawag na Vice Ganda x Media Quest: The Phenomenal Partnership.
Present dito sina Slingshot Studios Head for Partnerships, People and Business Development Ranvel Rufino, MediaQuest Holdings President and CEO Victorico P. Vargas, at Kapatid executives.
VICE GANDA REACTS TO "QUEEN OF ALL NETWORKS" TITLE
Ang nag-host ng programa ay si KaladKaren, na inurirat si Meme kung ano ang feeling na pahaba na nang pahaba ang title nito.
Tapos, may nadagdag pang Queen of All Networks.
Natatawang bulalas ng Asia’s Unkabogable Phenomenal Box-Office Superstar: “Hindi ko na rin alam kung anong mga nangyayari sa paligid ko!
“It’s just overwhelming na may mga ganitong ganap. Sabi ko nga, life is just so mysterious.
“Hindi mo alam kung anong nangyayari. Bakit nangyayari, kailan mangyayari? Yung akala mo, yun na yon, pero hindi pa rin. Di ba?
“I just embrace life every day. Parang, ‘Lord, give mo kung anong meron diyan.’ Di ba?
“Bibigyan Mo ako ng a day of fun, a day of another achievement. Ie-embrace ko iyan.
“Bibigyan Mo ako ng isang araw na iba-bash ako, isang buong linggo —ie-embrace ko din iyan. Yung ganun.
“Nakakatuwa lang na kasi hanggang ngayon, hindi nagbabago yung na-figure out ko a couple of years ago.
“Na hindi tayo puwedeng magdikta, hindi puwedeng sa atin manggaling kung kailan tayo magpi-peak, at kung kailan talaga tayo nagpi-peak.
“Kasi hindi mo naman alam kung ano ang ibibigay bukas, di ba? Who would have ever thought na I would be sitting down here, together will all these executives, pipirma ng kontrata with TV5, di ba?
“Andaming nangyayari. So i-embrace lang natin nang i-embrace. Kung may bagong title, i-embrace.
“Pangatawanan. Lalong galingan, oo. E, kasi, yung ganyang mga sinasabi na magaganda sa iyo, hindi naman siya basta sinasabi to flatter you.
“It gives you another level of responsibility. Di ba? Parang may ganyang sinasabi, so para walang pahiyaan, panindigan na natin at pangatawanan, at galingan natin lalo, di ba?
“Araw-araw, kailangan tayong may patunayan sa sarili natin.
“Yung sinasabi nila na, ‘Matagal ka na diyan, OK ka na, wala ka nang dapat patunayan.’
“Siguro sa inyo pero sa sarili ko, may gusto kasi akong patunayan. Gusto kong sabihin sa sarili ko na, ‘Ahhm sumasakit lang yung tuhod ko minsan dahil sa edad ko, o dahil hindi ako natutulog dahil puyat ako, pero umaandar at gumagana pa rin yung utak ko.’
“Kaya meron at meron pa rin akong maibibigay. Kaya doon sa mga bagong title… maraming-maraming salamat. It’s a blessing.”
Read: Lopez family puts PHP2.2 billion of own money into ABS-CBN
NOEL FERRER
Tanong pa ng host na si KaladKaren, if there’s one thing na gusto niyang ie-expect ng audiences sa phenomenal partnership niya with MediaQuest, ano iyon?
“I want them to expect, I want also to expect,” tugon ni Vice Ganda.
“With audience I want to expect a pasabog… projects. Hello, andami niyong pera, dapat pasabog talaga tayo, Sir MVP!
“Di ba, parang magtataka ang mga tao, ‘Andami namang pera, bakit parang tipid yung production?’ Yung ganun.
“Hindi. Kidding aside, mag-expect sila ng same thing, di ba? Ano yung gusto ninyo sa akin, anong hinahanap ninyo?
“You need laughter everyday, to help you through the day. You need to laugh, to escape every now and then — I will give that to you, with the help and support of MediaQuest.
“And aside from that, sabi nga nung nag-meet kami ni Sir MVP, meron akong narinig sa kanila na hindi ko makakalimutan.
“Kasi nung tinatanong ko ang sarili ko before ako nag-decide, ‘Why will I enter into this agreement? Di ba? What will it do to me?’
“Anong mabibigay ko din sa kanila? Anong mabibigay nito sa audiences? Di ba?
“At this very moment, naghihingalo naman talaga ang telebisyon.
“At yung hamon na bukas, makalawa, e, wala nang telebisyon dahil sa dami ng ibang libreng platforms, yun ang isa sa mga bagay na ayaw kong i-embrace.
“Bukod sa pinaghahandaan, gusto kong hangga’t makakaya natin na mga taga-industriya, ipaglaban nating maipagpatuloy itong nasimulan natin.
“Kaya nung sinabi niya sa akin na, ‘At this point, we just need to unite. Because I have what you don’t have, and you have what I don’t have. So let’s just unite because the industry needs for us to unite in order to survive.’
“So that’s very clear. He has what we don’t have. We have what he doesn’t have. ,
“So, pag pinagsama mo iyun, it’s a win-win for so many people.”
Siyangapala, ayon sa source ng PEP Troika ay tuloy ang pagbabalik ng Gandang Gabi Vice (GGV) sa GMA-7, pero tumanggi ang Queen of All Networks na pag-usapan iyon bilang respeto sa TV5.
Read: Grace Poe recalls FPJ's ingenuity in the making of Panday movies