JERRY OLEA
Matitindi ang tagisan sa akting ng mga artistang tampok sa Cinemalaya 22: Reel Reflections.
“Sobra! Sobra!” bulalas ni FDCP Chairman Jose Javier Reyes aka Direk Joey nang makatsikahan ng PEP Troika sa ASEAN Film and TV Summit 2026 noong Agosto 13, Huwebes, sa Seda Manila Bay, Aseana City, Parañaque.
“Para sa akin, OK, ang matitinding napanood kong ano — not in any order — Pokwang, Ruby Ruiz, Joey Marquez.
“Nakakatawa si Joey Marquez. Nung nakita ko siya, minura ko siya. Sabi ko, ‘Walang hiya ka! After all these years na kilala kita, hindi ko alam ganyan ka kagaling!’
“OK, tapos yung bata sa Hand of God. Tapos yung bata sa Mag-iina.”
Ang tinutukoy ni Direk Joey ay si KD Omalin na gumanap bilang Kahleel sa Hand of God, at si Lucas Andalio na MMFF best child performer para sa Call Me Mother.
Pagpapatuloy ni Direk Joey: “Nakakabaliw! Sabi ko. Tapos si Iza Calzado. OK, si Zaijian [Jaranilla], expected na, oo.
“Tapos si Janine Gutierrez. Yung mga babae sa Mag-iina. Di ba? Sabi ko, this is one of the best Cinemalaya curation.”
Thirteen (13) days ang Cinemalaya 2026. Nag-opening ceremony at nag-screen ang opening film na Enjoy Your Stay noong Agosto 6, Huwebes, sa prime venue na Shangri-La Plaza, Mandaluyong City.
Mula Agosto 7, Biyernes hanggang Agosto 18, Martes, ay palabas ang mga kalahok sa Shangri-La Plaza, ganoon din sa apat na sinehan ng Gateway Mall 2 sa Cubao, Quezon City, at sa select Ayala Malls cinemas.
Noong unang weekend, dagsa ang mga manonood sa Shangri-La Plaza, ganoon din daw sa Gateway Mall 2.
“Super-ganda! Super-ganda nitong Cinemalayang ito!” sambit ni Direk Joey.
“At saka excited ako kung sino ang mananalo. Gusto kong malaman kung ano yung best picture.”
POKWANG, THE NEW KATHRYN BERNARDO?
Sa mga napanood ni Direk Joey, pinakagusto raw niya ang 2 Valid IDs, Hand of God at Status: Rejected.
Base sa unofficial results, yung tatlo ring iyon ang topgrossers ng Cinemalaya 2026.
“Talaga? Totoo ba yan? Nakakataka, may friend akong hindi nakanood ng 2 Valid IDs at lahat daw, soldout,” pagkunot-noo ni Direk Joey.
“Nakakaloka! Pokwang?! So, Pokwang is the new Kathryn Bernardo?!”
Naka-relate ang mga tao sa karakter ni Pokwang o Marietta Subong bilang maralitang magsasaka na walang valid ID.
“Ang galing niya! Ang galing niya. Ang galing niya, yung eksena nila ni Joey Marquez… naloka ako!” pagtatapat ni Direk Joey.
“Sabi ko nga, pagkita ko yan, yari! Si Joey, namura ko na, e. Pero ang galing-galing nila!!!”
Read: Richard Gomez gets nostalgic over Hihintayin Kita Sa Langit with Dawn Zulueta
GORGY RULA
Ang awards ceremony ng 22nd edition ng Cinemalaya Philippine Independent Film Festival ay nakatakda sa Agosto 17, Lunes ng 7:00 P.M., sa Grand Atrium ng Shangri-La Plaza. STRICTLY INVITATIONAL ito.
Entrusted with selecting this year’s Balanghai Trophy recipients for the Main Competition are filmmaker Sari Lluch Dalena; independent curator/cultural critic Marian Pastor Roces; Indian filmmaker Pradip Kurbah; Italian producer/ international events organizer Lorenzo “Lello” Carvelli; and cinematographer-filmmaker Dan Villegas.
Last year, tatlo sa acting awards ay nakamit ng Habang Nilalamon ng Hydra Ang Kasaysayan ni Direktor Dustin Celestino.
Best actress si Mylene Dizon, best actor si Jojit Lorenzo, at best supporting actor si Nanding Josef.
Ang best supporting actress ng Cinemalaya 2025 ay si Rochelle Pangilinan para sa Child No. 82 (Anak ni Boy Kana); at ang best ensemble ay ipinagkaloob sa Open Endings nina Jasmine Curtis-Smith, Janella Salvador, Klea Pineda, at Leanne Mamonong.
Read: Cinemalaya 2025: Mylene Dizon, Rochelle Pangilinan win acting honors
CINEMALAYA 22 BEST ENSEMBLE CONTENDERS
This year ay may Cinemalaya entry muli si Direk Dustin, ang A.Ni.Mal.
Hayup sa galing ang mga artista — Maxine Ignacio, Frances Makil-Ignacio, Jojit Lorenzo, Bituin Escalante, at Reymund Domingo.
Bonggang-bongga rin ang ensemble nina Marietta Subong, Meryll Soriano, Joey Marquez, at Zaijian Jaranilla sa 2 Valid IDs; at nina Janine Gutierrez, Lucas Andalio, Cherry Pie Picache, Agot Isidro, Ness Roque, at Jackie Lou Blanco sa Mag-iina.
Ang huhusay rin ng mga artista ng Hand of God na sina Ruru Madrid, Iza Calzado, Ronnie Lazaro, KD Omalin, at Jhong Hilario; at ang mga taga-Status: Rejected na sina Ruby Ruiz, Alessandra de Rossi, Beverly Salviejo, at Yani Villarosa.
Siyempre, yung mga dark horse ay baka mas swak sa panlasa ng mga hurado.
Sa Tirik, andiyan sina Rocco Nacino, Floyd Tena, Chai Fonacier, Jess Mendoza, at Glenn Sevilla Mas.
Sa Tayo Lang Ang Nakakaalam, noteworthy ang pagganap nina Martin del Rosario, Miguel Odron, Yayo Aguila, Epy Quizon, Madeleine Nicolas, at Bodjie Pascua.
Sa Ganggang, andiyan sina Raine Dela Cruz, Kenneth “Butchoy” Vincent Mendoza, Don Rishmond Cerbito, Prince España, Brian Arda, Don Melvin Boongaling, Katrish Aristoki, Elora Españo, Francis Mata, at Tabs Sumulong.
At sa Kaka Sa Yawan, andiyan sina Beaver Magtalas, Bryce Nicolo Mercader, Dennis Dato, Noelle Polack, Nikki Valdez, Luis Alandy, at Karl Medina.
Read: Charo Santos recalls Mike de Leon's fiery temper in Kisapmata
POKWANG: BOX-OFFICE QUEEN OF CINEMALAYA 22
Take note na sa Maddox Iconic Runway: Diamond Jewelry Fashion Show noong Hulyo 30, 2026 sa Shangri-La EDSA, Ortigas Center, Mandaluyong City, ay scene-stealer si Pokwang.
May mga nagturing na si Pokwang ang pinakamaningning na celebrity sa nasabing fashion extravaganza.
And oh yes, maagang na-soldout ang August 14, Friday, 8:30 P.M. screening ng 2 Valid IDs sa Shangri-La Plaza.
Kaya agree ako na si Marietta Subong aka Pokwang ang Kathryn Bernardo o box-office queen ng Cinemalaya 22: Reel Reflections.
NOEL FERRER
Wow, really, Polkwang is the new Kathryn Bernardo, at least in Cinemalaya!!!
Agree naman ako sa choices ni Direk Joey, except that iba talaga ang pagkagamay sa film language ng Mag-iina nina Giancarlo Abrahan at Guelan Luarca.
OK na OK rin ang Status: Rejected at Hand of God.
Grabe ang labanan ng best actress -- Pokwang vs. Ruby Ruiz vs. women of Mag-iina vs women of A.Ni.Mal.
Ang huhusay talaga nila.
Ang mga batang si Lucas Andalio (ng Mag-iina) at si KD Omalin (ng Hand of God) at pati na si Ruru Madrid ang sa pakiwari ko’y matinding maglalaban sa best actor.
Agree ako na pawang magaganda ang mga Cinemalaya entries ngayong taon.
Kung sinu-sino man sa mananalo sa Lunes sa awards, siguradong pinaghirapang i-deliberate ng jury dahil tayo ngang writers ay iba-iba ang choices, paano pa kaya sila?
Excited akong malaman kung sinu-sino ang magsisipagwagi! Kita-kits sa Monday!
Read: Amy Austria reveals brutal experience filming "Brutal" slap scene