NOEL FERRER
Four consecutive weekends nang No. 1 sa takilya ng North America ang Spider-Man: Brand New Day (Spider-Man: BND).
Ayon sa Box Office Mojo, nag-debut ito noong Hulyo 31-Agosto 2, 2026 na ang opening weekend gross ay $360M.
Pangalawa rito ang The Odyssey with $51M.
Nauna ng two weeks ang showing ng epic fantasy na idinirek ni Christopher Nolan.
Tinaguriang “Odyssey-Man” ang pinagsamang puwersa ng dalawang tentpole, kung saan parehong bahagi ng cast ang mag-asawang Tom Holland at Zendaya, plus Jon Bernthal.
U.S BOX-OFFICE UPDATE
Noong Agosto 7-9, ang Spider-Man: BND ay naka-$144M na domestic gross, na sinundan ng The Odyssey with $31.7M.
Pangatlo ang bagong bukas na One Night Only with $5.5M.
Noong Agosto 14-16, ang Spider-Man: BND ay naka-$71M na domestic gross, followed by The Odyssey with $23.6M.
Nag-open sa third place ang The End of Oak Street with $21M.
Nag-open sa fourth place ang PAW Patrol: The Dino Movie with $20.5M.
Tinatayang $4M ang opening weekend gross ng Katseye: Wild Hearts na nagbukas sa panlimang puwesto.
Nitong nakaraang weekend, Agosto 21-23, kampeon pa rin sa takilya ng North America ang Spider-Man: BND with $39M.
Nag-open sa pangalawang puwesto ang Insidious: Out of the Further with $25.1M, samantalang pangatlo ang The Odyssey with $19.7M.
Read: Shirley Kuan says Bea Alonzo "never defended me" amid wedding issue
GORGY RULA
Ayon pa sa Box Office Mojo, ang worldwide gross ng Spider-Man: Brand New Day ay umabot na sa $2.219B.
Ito ang pinakamalakas na pelikula so far ngayong 2026.
Pangalawa rito ang The Odyssey na ang global gross ay $1.448B.
Ang tatlo pang pelikula this year na lumampas sa $1B-milestone ay ang Toy Story 5 with $1.129B, Michael with $1.016B, at The Super Mario Galaxy Movie with $1.013B.
Yung Insidious: Out Of The Further ay naka-$60M na worldwide.
Ang napaulat na production budget ng supernatural horror film na ito ay $18M.
Ikaanim na installment na ito sa Insidious franchise.
Nakaka-disappoint na $85.7M pa lang ang worldwide gross ng The End of Oak Street, considering na ang production budget nito ay $80-92M.
AVENGERS VS DUNE AT THE BOX OFFICE
Maliban sa “Odyssey-Man” ay inaabangan ng local cineastes ang showdown ng Avengers: Doomsday at Dune: Part Three sa darating na Disyembre 16.
Ang event na iyon ay tinagurian namang “Dunesday.”
Inaasahang lalampas din sa $2B ang worldwide gross ng Avengers: Doomsday.
Pag nangyari iyon, first time sa kasaysayan na merong dalawang pelikula na naka-$2B sa parehong taon ng release.
Makakaapekto kaya ang “Dunesday” sa Metro Manila Film Festival 2026?
Read: Julie Anne San Jose on Vanessa Rangadhol’s death: “Sana panaginip lang lahat ng ito.”
JERRY OLEA
Ipagdiriwang natin ang 6th Philippine Film Industry Month (PFIM) sa Setyembre, sa pangunguna ng Film Development Council of the Philippines (PFIM).
Maraming magaganda at klasikong pelikulang Pilipino ang ipapalabas next month sa FDCP Cinematheque Centers nationwide.
Kabilang diyan ang 1976 classics na Itim ni Mike de Leon, Insiang ni Lino Brocka, Tatlong Taong Walang Diyos ni Mario O’Hara, Minsa’y Isang Gamu-gamo ni Lupita Aquino-Kashiwahara, Ganito Kami Noon… Paano Kayo Ngayon? ni Eddie Romero, at Nunal sa Tubig ni Ishmael Bernal.
Naka-lineup din diyan ang pre-World War II films na Zamboanga (1937) ni Eduardo de Castro, Giliw Ko (1939) ni Carlos Vander Tolosa, Tunay na Ina (1939) at Pakiusap (1940) ni Octavio Silos, at Ibong Adarna (1940) ni Vicente Salumbides.
Ang tema ng PFIM 2026 ay “Pelikula: Ginintuang Ikalawa” (“Philippine Cinema’s Second Golden Age”).
SOMETHING BIG IS COMING
Swak na swak sa PFIM 2026 ang payanig ng Cinema Exhibitors Association of the Philippines (CEAP) sa Setyembre 12, Sabado.
Pagbabando ng CEAP sa Facebook noong Agosto 15: “The big screen. The shared experience. The celebration of moviegoing.
“A historic first is coming. September 12, 2026. Every Cinema. One Big Day.”
Pinost din ito ng Ayala Malls Cinemas sa FB that day.
Makalipas ang ilang araw, ang sabi pa ng CEAP: “May saya talagang sa sinehan mo lang mararanasan.
“Because some moments are bigger, brighter, and better on the big screen.
“One Big Day. One Big Screen Celebration. One unforgettable experience.
“Save the Date: 09.12. Tag your movie buddy and get ready. Something big is coming to the cinemas!”
Nasundan pa iyon a few days ago ng FB post ng CEAP, FDCP, SM Cinema, Ayala Malls Cinemas at Robinsons Movieworld na, “Buong Pilipinas, may aabangan sa sinehan!
“Ngayong 09.12, may dahilan para balikan ang magic na kinalakihan natin.
“Abangan! I-tag ang buong pamilya at barkada! Magkita-kita tayo sa sinehan!”
Prinomote na rin ito ng Film Academy of the Philippines (FAP) na ang sabi, “May malaking ganap sa September 12, 2026. Abangan!”
Isang araw lamang ito.
Makakatulong kaya ito sa Pinoy movies na Poon at Life After You na Setyembre 9 ang playdate?
By that time kaya ay showing pa sa mga sinehan ang Spider-Man: Brand New Day at The Odyssey?
Kasali kaya sa September 12 pakulo na iyan ang mga IMAX Theater, Tempur Cinema, Director’s Club, ScreenX, at iba pang specialty and luxury cinemas?
Read: Philippine Film Industry Month 2026 celebrates 50 years of cinema