JERRY OLEA:
May naka-schedule na bang honeymoon sina Bea Alonzo at Vincent Co matapos ang kanilang civil wedding noong Hulyo 13, 2026 sa Makati City Hall?
"So far, wala namang sinasabi sa akin, at wala rin naman akong balak magtanong,” tugon ng bagong manager ni Bea na si Chris Cahilig nang makausap namin noong Agosto 28, 2026, Biyernes ng gabi, sa New World Makati Hotel, Makati City.
“I just don’t want to be involved in anything personal. Sa kanila na iyon. Kumbaga, space na niya iyon. I don’t wanna get into that space.”
Si Chris ang festival director ng Puregold CinePanalo film festival, na ang third edition ay gaganapin sa Setyembre 23-Oktubre, 2026.
Ang may-ari ng supermarket chain ay ang pamilya ng mister ni Bea na si Vincent Co, na siyang presidente nito.
CHRIS CAHILIG AS BEA ALONZO INTERIM MANAGER
Paano ang proseso para si Chris ang maging bagong manager ni Bea?
“One day I was invited to meet with them, one evening,” hinay-hinay na lahad ni Chris.
“And I was told nga na the former manager resigned a few days before that," lahad niya.
Ang tinutukoy niyang former manager ni Bea ay si Shirley Kuan, na nag-resign noong August 11, 2026.
Read: Shirley Kuan says Bea "never defended me" amid wedding issue
“And they needed somebody to take care of the projects. And a lot of inquiries actually for endorsements.
“So I have to step in just in case. Again, it’s the couple. So I wouldn’t say no definitely to be of help to them," paliwanag pa ni Cris.
Siya raw ang interim manager o agent ni Bea sa ngayon.
Posibleng iba pa ang kuning manager talaga ni Bea?
“You know kasi, we’re in this process and all na siyempre, di ba, parang... number one, I just want Bea to have the freedom and the future to, you know, either choose somebody else or stay with me,” tugon ni Chris.
“Like I don’t wanna be that person who would you know, try to get that position for good.
“Kasi, ako kasi, actually sa totoo lang, hindi ako naniniwala sa mga kontrata. Hindi ako naniniwala sa mga ganyan.
“Kumbaga, I’m just there to protect you if there’s a time of conflict.”
Sang-ayon si Chris sa sinabi ni ka-Troikang Noel Ferrer na, “Ang number one contract between the manager and the artist is trust and love.”
Wala silang black-and-white na pirmahan ng kontrata?
“So far, wala," sagot ulit ni Chris.
Read: Shirley Kuan denies involvement in Bea Alonzo-Vincent Co prenup
BEA ALONZO PROJECTS
GORGY RULA:
Nagkausap na ba sila ni Bea Alonzo-Co about her career plan?
“We’re starting to really plan it out and everything. So ngayon kasi, andami lang kasi talaga ng inquiry, so iyun muna ang inuuna namin. Kasi sayang,” sabi ni Chris.
Iyong Head & Shoulders pauga for Bea noong Agosto 27, Huwebes ay under pa kay Shirley Kuan.
Marami pa raw brands “from the past” na hindi pa tapos ang commitment ni Bea.
Andiyan din ang Kapuso political-thriller series na Whispers From Heaven slated for next year.
"Generally, we’re working on making sure that all the projects, iyung mga commitments, especially sa brands, are maayos and well taken care of,” pagmamatwid ni Chris.
“And then the other one, siyempre, closing the deals for new projects.
“Abangan nila ang maraming magaganap kay Bea in the coming months. Magkakaroon ng mga proyekto, andaming endorsements na parating.
“Pero again, it’s her call. It’s her career. It’s her life. And as an interim manager, I’m there to support her.”
Read: Shirley Kuan resigns as Bea Alonzo’s manager after six years
NOEL FERRER:
Para sa aking Classmate Bea Alonzo, naiintindihan natin kung i-enjoy muna niya ang moment ng pagiging asawa at maybahay niya.
Mahigit dalawang dekada na siyang nagtatrabaho non-stop — bata pa lang, breadwinner na, teleserye, pelikula, endorsements, awards.
Ngayong Mrs. Co na siya, karapatan niyang damhin nang buo itong bagong kabanata. Hindi ito pahinga, ito ay paglalim.
“It’s her call, her career, her life.”
Tama iyun. Sa dami ng inquiries na sinasabi niya, malinaw na mahal si Bea ng brands at ng industriya. Pero tama lang na ayusin muna iyung commitments from the past bago magbukas ng bago.
Ganyan ang maayos na transition.
At nandiyan pa iyung Whispers From Heaven — very Bea at this stage. Quality over quantity na talaga siya.
Bea has earned the right to choose, not chase. Bigyan lang natin siya ng space to be a wife, and we’ll be happy as she comes back as an even better actress.