JERRY OLEA
“Virgin pa rin ako.”
Memorable ang linyang yan ni Cherry Valdez (Barbie Forteza) sa comedy film na Saving Cherry na palabas sa humigit-kumulang 160 sinehan nationwide umpisa ngayong Setyembre 2, 2026, Miyerkules.
Makailang ulit binigkas yan ni Cherry na iba-iba ang emosyon — mula sa pagtataka at pagtatanong hanggang sa pagngingitngit at kasiyahan.
Hanash iyan ni Cherry sa harap ng loyal friends niyang sina Jewel Fernandez (Mika Salamanca), Beth Guyo (Mikee Quintos), Ingrid Torres (AC Bonifacio), at ganda-gandahang si Martha Solano (Sassa Gurl).
Bakit kamo nasambit iyan ni Cherry? E, kasi nga, nag-umpisa ang istorya sa pag-iisang dibdib nila ni Jude Nicolas (Khalil Ramos).
Sa gabi ng kanilang pulot-gata, nainip si Cherry sa paghihintay sa kanyang groom para magsanib ang kanilang katawang lupa.
Hinanap ni Cherry si Jude. Ayun, nasa kandungan ito ng higad na hitad na si Eunice (Monina Lawrence).
THE CANDIDATES FOR CHERRY'S VIRGINITY
Kaya the next day after their wedding, buo pa rin ang pagkababae ni Cherry.
Sa galit, gusto niyang gumanti. Gusto niyang magpakarumi.
Gusto niyang ipawarak sa tiffy ang kanyang pinakaiingatang virginity.
Tatlong makisig na hombre ang pinagpilian — ang maginoong si Josh Almario (JC Alcantara), ang ex niyang si Matthew (Than Perez), at ang maharot na macho dancer na si Omar (Kokoy de Santos).
Ano na lang ang sasabihin ng butihing ama ni Cherry na si Moises (Joey Marquez)? Ang ina ni Cherry na si Sylvia (Almira Muhlach), ano ang nangyari?
Ang Saving Cherry ay idinirek ni Ivan Andrew Payawal.
Ang isa pang memorable line ni Cherry sa movie: “Sino’ng tatay mo?!”
Read: Quezon leads 49th Gawad Urian nominations with 10 nods
GORGY RULA
Hindi naman bago ang kuwento ng Saving Cherry, pero iba ang atake rito ni Direk Ivan Andrew Payawal na matataypan ng millennials at Gen Z.
Ang seryoso ng tinatalakay na kuwento, pero tawa nang tawa ang mga manonood.
Bukod sa mga pasabog na linyahan ni Barbie na “Virgin pa rin ako!” at “Sino ang tatay mo!” — NKKLK dito sa pelikula kung ano ang silbi ng washing machine sa mga babaeng natitigang.
Dapat na panoorin ito ng kababaihan.
A NEW CHARACTER FOR BARBIE FORTEZA
Sabi nga ni Barbie Forteza nang sandali naming nakatsikahan pagkatapos ng screening, kakaiba raw talaga itong pelikulang ginawa niya.
Nanibago raw siya nang ginampanan niya ang role ni Cherry Valdez.
“Nanibago at sobrang liberating niya para sa akin in the best way possible. Kaya sana panoorin nyo po ang aming pelikula Saving Cherry,” bulalas ng Kapuso actress.
Nung nabasa raw niya ang script, napag-isip isip daw siya at may mga na-realize daw siya rito.
“Yes. Na habang naghi-heal ka, hindi rin pala masamang mag-enjoy ka, hahaha!” sagot niya sa akin.
Sinundan ko ng tanong kung ginawa ba niya ito nung naghi-heal siya ng wasak na puso?
“Secret!” tili niya sa akin.
Agree naman ang leading man ni Barbie rito na si Khalil Ramos na marami kang mapagtatanto sa pelikulang ito.
“This explores a lot of... I think very relevant topics that should be discussed in our culture.
“Maraming matututunan yung mga nasa relasyon at nag-iisip papunta sa isang relasyon.
“Over all, it really is about love in so much different forms and ways. It’s about friendship. It’s about forgiveness. It’s about trust,” saad ni Khalil.
Read: Philippine Cinema takes center stage this September 2026
NOEL FERRER
Walang duda, tanggap na tanggap na natin na mahusay na artista si Barbie Forteza.
Kapuso Primetime Princess, from child star to mature actress, na-prove na niya yan.
Pero eto ang tanong ng Troika : Kakagatin ba siya ng publiko sa bago niyang image at papanoorin ba talaga ang Saving Cherry?
Kasi, ibang Barbie ito.
Leading lady siya ng bagong Regal comedy na Saving Cherry, directed by Ivan Andrew Payawal, opening TODAY, September 2 in cinemas nationwide — kasabay ang The Guardian, Onslaught, Origin: Unknown, at Katy Perry: The Lifetimes Tour - Live from Paris.
Ang kwento pa lang, pan-talk of the town na.
UNLEASHING BARBIE'S WILD SIDE
Si Cherry, conservative at devoted, sinave ang virginity for wedding night — until nahuli niya ang mapapangasawa na si Jude na nangangaliwa.
Imbes na magmukmok, rumampa kasama ang bridesmaids with plans to "pop her cherry" on her own terms.
Kaya nga ang sinasabi ni Barbie, ito ang wildest at most liberating role niya ever.
Sa mediacon mismo, prangka siya: "I unleashed my wild side in this movie."
Expectations natin? Mataas, pero may pressure.
1. Image shift na swak sa panahon. From wholesome to empowered, sex-positive pero comedy. Very Gen Z, very barkada, very hugot after betrayal. Relatable lalo na sa mga babaeng pagod nang maging "good girl."
2. Test ng box-office pull ni Barbie as solo headliner. Regal really made her first choice for Cherry.
Kung kinagat ng publiko ang pa-sweet Barbie, kakagatin din ba nila ang palaban at liberated na Barbie?
3. Comedy na may puso. Hindi lang ito basta "pabirok" movie. It's about betrayal, freedom, and friendship.
Kung tama ang timpla ni Direk Ivan, pwedeng maging sleeper hit ito.
Sa totoo lang, brave move ito for Barbie.
At sa panahon ngayon na sawa na ang tao sa paulit-ulit na formula, baka ito mismo ang hanap nila — babaeng nasaktan pero hindi nagpa-victim, pinili ang sarili.
Kaya ang tanong, papanoorin ba?
Aabangan natin yan ngayong pagbubukas ng Saving Cherry sa mga sinehan.