GORGY RULA
Sa sandaling tsikahan namin kina Will Ashley at Mika Salamanca sa premiere night ng pelikulang Saving Cherry noong Martes, Setyembre 1, 2026, sa Gateway Mall 2, Quezon City, naramdaman naming parang sila na kahit wala pa silang inaamin.
Bukod kay Will, marami pa sa mga taga-Pinoy Big Brother: Celebrity Collab Edition ang dumalo para sumuporta kay Mika at ang iba ay dahil kay AC Bonifacio na kasali rin sa pelikula.
Namataan ng PEP Troika sa premere sina Michael Sager, Ashley Ortega, River Joseph, at Xyriel Manabat.
Ikinuwento ni Will sa amin na excited siyang panoorin ang Saving Cherry dahil ang dami raw ikinuwento ni Mika sa kanya tungkol sa role na ginampanan nito sa movie.
Ani Will: “Nabanggit niya sa akin actually, ilang beses niya nabanggit sa akin na it’s very different kung paano talaga siya as a person dito sa character niya sa Saving Cherry.
“Kaya, I’m very excited to watch it kasi, ewan ko, parang first din ito sa acting career niya, e. So, I’m excited kung ano ang kalalabasan talaga.
“Iba yung character, e. First time talaga ang ganitong character e, kahit maiksi.”
WILL ASHLEY AND MIKA SALAMANCA NOT HIDING ANYTHING?
Masaya lang daw sila ngayon ni Mika at chill lang sila kapag magkasama silang dalawa.
“Yes, super chill po. Super happy,” sambit ni Will.
Wala naman silang itinatagong dalawa?
“Oo naman! Wala naman, oo," napangiti niyang pakli.
Read: Chin Chin Gutierrez resurfaces, shares spiritual journey in Miriam centennial book
JERRY OLEA
Safe ang reaksiyon ni Mika Salamanca sa sinabi ni Will Ashley.
“Opo. Lahat po ng trabaho namin na magkasama. Blessed po kami sa lahat na natatanggap naming trabaho,” sabi ni Mika.
Nagpapasalamat lang daw sa sa suporta ni Will, pati ang iba pang kasamahan nila sa PBB.
“Sobrang grateful po ako na kahit anong achievement ang nakuha ko dito sa labas ng Bahay ni Kuya, suporta po talaga sila,” sabi ni Mika.
will, bianca, DUSTIN on DIFFERENT PATHS
Mukhang tuluyan nang nawala ang triangle nila nina Bianca de Vera at Dustin Yu.
Reaksiyon ni Will: “Actually, meron na po kaming mga iba’t ibang ginagawa ngayon sa karera namin.
"At meron na kaming ibang opportunites talaga na pinu-pursue sa mga career namin. So, different path na talaga."
Mukhang tanggap na raw ito ng fans nila.
“I think so. Sa nakikkita ko naman, okay naman sila,” dagdag ni Will.
Sana magkaroon daw siya ng project na pagsasamahan naman nila ni Mika.
“Oo naman! Super! Looking forward talaga ako dun sa moment na yun. Let’s see,” wika ni Will.
WILL ASHLEY ON BRENT MANALO'S COMMENT
Nagulat lang ang Kapuso actor sa intrigang nasabi raw ni Brent Manalo sa It’s Showtime minsan na naging cold daw sa kanya si Mika.
Hindi raw alam ni Will na may ganung sinabi si Brent.
“Ahh, meron? Actually, hindi ko po nabalitaan yun. Kaya hindi ko rin po maano ng comment, kasi wala po akong nakitang ganun,” sabi niya.
Ano ang masasabi niya sa alegasyong siya raw ang nakasira sa loveteam dapat nina Mika at Brent?
“Wala naman. Kasi parang… I mean, yung word na nakasira sa loveteam is parang it’s so off.
“I mean, hindi ko po sure, ha? Pero ang dami rin kasing mga part na ano, e, na hindi naman talaga alam ng mga tao.
"So, I don’t know,” saad ni Will.
Read: Kylie Padilla’s TikTok "loveteam" with Ethan gets fans kilig
NOEL FERRER
Samantala, excited si Will Ashley sa 49th Gawad Urian kung saan nominado siya sa kategoryang Best Supporting Actor dahil sa magaling niyang pagganap sa Bar Boys: After School.
Hindi lang siya pinalad sa MMFF 2025, pero nanalo na siya sa nakaraang 9th EDDYS, ka-tie si Rico Blanco ng Manila’s Finest.
Nakakatuwa lang daw na natupad na rin ang pangarap niyang mapansin siya ng mga Manunuri.
“Sobrang grateful ako. Actually, it’s one of my dreams na ma-nominate man lang sa Urian. And now, nangyari na siya, sobrang happy na po ako.
“Being nominated, malaking bagay na po sa akin, e. And kung manalo man po man po ako, sobrang God’s blessing na po sa akin.
"And I’m very happy kung makuha ko man yung award,” sambit ni Will.
Panibagong challenge daw sa kanya ang ginagawa niyang drama series sa GMA-7 na Delivery Boi.
Aniya: “Iba e. Actually, nasanay ako sa drama. This time puro comedy talaga. So, malaking adjustment siya para sa akin.”
Challenge talaga ito para lalo pang gawing A-lister si Will Ashley!
Just today, inilabas din ang kanyang bagong endorsement alongside Iza Calzado.
Sana mas maging successful pa talaga siya!!!
Read: Quezon leads 49th Gawad Urian nominations with 10 nods