JERRY OLEA
Dalawang pelikula na ni Althea Ablan ang ipinalabas sa mga sinehan.
Una, ang tribute film na Faney kung saan gumanap siya bilang Bea, na anak ni Babette (Gina Alajar), apo ni Milagros/Bona (Laurice Guillen).
Ipinalabas ito noong Mayo 21, 2025 sa Gateway Mall 2, Cubao, Quezon City, in time for the birthday of National Artist Nora Aunor.
Nagkaroon din ito ng screening sa micro-cinema ng VS Sports Tower, EDSA, Quezon City.
Ikalawa, ang MMFF 2025 official entry na Shake, Rattle & Roll: Evil Origins.
Kasama siya sa second segment na "2025" (present).
ALTHEA ABLAN IN POON
Ang unang pelikula na syinuting ni Althea ay ang horror drama na Poon, na ipapalabas sa mga sinehan umpisa Setyembre 9, 2026, Miyerkules.
Nakaeksena niya rito sina Jaclyn Jose, Gina Pareño, Lotlot de Leon, Janice de Belen, Ara Mina, Allen Dizon at Will Ashley, sa direksiyon ni Adolf Alix Jr. na siya ring direktor ng Faney.
“Ang reaksiyon ko po, habang pinapanood ko yung buong movie, WOW!” bulalas ni Althea sa Q&A matapos ang premiere screening ng Poon noong Agosto 30, Linggo, sa Trinoma, Quezon City.
“Ganun po talaga ang reaction ko. Kasi personally po, hindi po ako makapaniwala na kasama ko po itong lahat ng mga artistang nasa harapan po ninyo.
“At lahat kadalasan po is mga veteran po talaga, kaya sobrang hindi pa po nagsi-sink in sa akin.
“And tama nga, finally after three years, I think this is the right moment para maipalabas po itong Poon na ito.
“At sa mga nakapanood po, please itago niyo po muna yung secret ng family ng Poon, at hayaan niyo po yung ibang tao na alamin nila yun sa September 9 po.”
Nasa cast din ng Poon sina Ronaldo Valdez, Martin del Rosario, JC de Vera, Bembol Roco, Elora Españo, Kelvin Miranda, Joao Constancia, Nella Dizon, Jim Pebanco, Kristel Moreno, Iyah Mina, Rico Barrera, Tabs Sumulong, at Gohi Aaron Hewson bilang Poon.
Read: Pilar Pilapil says all her leading men "courted" her: “Sexy din ako noon.”
NOEL FERRER
Masaya si Althea Ablan na nakasama sa horror drama na Poon.
Sa istorya, sinasapian ang karakter niyang si Faye.
Aniya, “Actually po, fantasy ko po talaga ang mag-horror. Fantasy ko yung gumanap as sinasapian.
“Kasi parang ine-enjoy ko lang po talaga siya. Talagang nacha-challenge yung pagiging artista ko.”
Horror din yung last movie niyang Shake, Rattle & Roll: Evil Origins.
“Sana po, magtuluy-tuloy. Kasi gusto ko po talagang mag-focus on movies and indie po talaga,” sambit ni Althea.
Na-shock ba siya sa ending ng Poon?
Natawa si Althea, “Sa totoo lang po, sa three years na nagtagal, talaga pong na-refresh, ngayon ko lang po naalala yung mga nangyari.
"At ako pala ang nagtapos. Hi! Hi! Hi!”
SUPERNATURAL PRESENCE
Syinuting ang Poon sa San Miguel, Bulacan.
Kumusta sila sa syuting? Nakaramdam ba siya ng supernatural presence?
Napakunot-noo si Althea: “OK naman po. Ako po kasi, hindi naman ako malakas like yung nakakaramdam, so parang wala lang sa akin. Hi! Hi! Hi! OK naman po.
“Pero nakakatakot dahil doon talaga yung real-life Poon talaga.”
Walang multo?
“Wala naman po akong naramdaman [na multo]. Pero sabi po nila, after ng shooting, dapat talaga mag-pagpag.”
Read: Chin Chin Gutierrez resurfaces, shares spiritual journey in Miriam centennial book
GORGY RULA
Kumusta ang pakikipagtrabaho kay Jaclyn Jose at iba pang veteran stars ng Poon?
Pagtatapat ni Althea Ablan: “Grabe po. Hindi ko po alam kung paano sasabihin, kung how to put it into words po. Dahil mga veterans po talaga sila.
“Nakaka-sad po dahil hindi po natin sila [Jaclyn Jose, Ronaldo Valdez] kasama ngayong screening natin.
“Pero grabe po talaga yung feeling na maka-work yung mga veterans, at talaga pong makakuha ng mga acting or life lessons po sa kanila.
“Ang lagi naman pong sinasabi ng mga veteran sa akin — na huwag talaga lalaki ang ulo.
“Kasi hindi ka tatagal talaga sa industriya [kung lalaki ang ulo mo].”
ALTHEA'S MOST MEMORABLE EXPERIENCE SHOOTING POON
Ano ang pinaka-memorable sa kanya sa shooting ng Poon? “Hindi ko po makakalimutan siyempre yung kaeksena ko po lahat talaga, yung all-cast talaga kami with Miss Jaclyn, Janice, Miss Ara Mina, Ronaldo Valdez,” sambit ni Althea.
“As in lahat po talaga… lahat kaming mga bagets, nagkakasundo.”
Kumusta nang sampalin siya ni Janice de Belen sa isang eksena?
“Sa totoo lang po, napakabait po ni Miss Janice de Belen. Kasi sabi ko po, OK lang kahit sampalin niya ako,” saad ng young actress.
“Pero iningatan niya po talaga. Sobrang love ko po si Miss Janice.”
Kasabay ng showing bukas ng Poon ang Life After You nina Maricel Soriano at Bela Padilla.
Siyangapala, sa Setyembre 12, Sabado, na ang unang National Cinema Day ng Pilipinas.
Prime mover nito ang Cinema Exhibitors Association of the Philippines (CEAP), katuwang ang stakeholders ng local movie industry.
Sa Facebook page ng CEAP ay nag-anyaya sina Cris Villanueva, Jairus Aquino, at Bela Padilla sa moviegoers na makibahagi sa pagdiriwang na ito.
Read: REVIEW: Barbie Forteza delightfully unhinged in Saving Cherry