JERRY OLEA:
As expected, dinumog ng bibliophiles, bookworms o Rickynatics ang book launch ng Quiapo Ilalim: Pagsusulat ng Iba’t Ibang Daan ni National Artist Ricky Lee sa Manila International Book Fair 2026.
Ginanap ito noong Setyembre 11, Biyernes ng gabi. sa 2nd floor ng SMX Convention Centre Manila, Mall of Asia Complex, Pasay City.
Ang nag-host ng programa ay sina Hershey Neri at Mikoy Morales. Nag-opening remarks si Film Academy of the Philippines (FAP) Director General Paolo Villaluna.
Ang aklat ay co-published ng FAP at Ricky Lee PH.
Ang FAP ay sponsor ng Batches 30 and 31 ng libreng scriptwriting workshop ni Sir Ricky.
Buena mano sa readers si JC Santos na nagbasa ng excerpts sa Quiapo Ilalim, segue sa excerpts sa screenplay ng pelikulang Bukas May Pangarap (1984) na pinagbidahan nina Gina Alajar at Tommy Abuel, sa direksyon ni Gil Portes.
Sumunod na nagbasa ay si Cristine Reyes — iyong monologue ni Josie (Vilma Santos) sa pasaway na daughter na si Carla (Claudine Barretto) sa Anak (2000) na idinirek ni Rory Quintos.
Katuwang ni Sir Ricky si Moira Lang sa pagbuo ng screenplay nito. Kapagkuwan ay naghandog ng awit ang Katutubong Diva na si Bayang Barrios, na suki sa mga book launch ni Sir Ricky.
Sumunod ang collab nina Nour Hooshmand at Angel Aquino. Isinabuhay nila ang interbyu ni Clara (Charo Santos) kay Cynthia (Gina Alajar) sa MMFF 1980 official entry na Brutal, directed by National Artist Marilou Diaz-Abaya. Nakasumbrero at nakasalamin dito si Nour, at support lang siya kay Angel.
Ang sumunod ay shining moment para kay Nour. Tinanggal niya ang salamin at sumbrero. May pa-headband siya ala-Jolens. Ang monologue kasi ni Nour ay bilang Bujoy (Jolina Magdangal) sa Labs Kita, Okey Ka Lang? (1998), na idinirek ni Jerry Lopez Sineneng.
Naalala tuloy ni Hershey na sa book launch ni Sir Ricky sa Cinemalaya 22: Reel Reflections (kung saan sila ni Yani Villarosa ang hosts) noong Agosto 14, 2026 sa Shangri-La Plaza, Mandaluyong City, may paepek din si Nour. Sa monologo roon ni Nour bilang title role sa Alyas Stella Matanggol (1992, bida si Rita Avila, sa direksyon ni Chito Roño), nagtanggal ito ng shades bago nag-emote.
Ang sumunod na payanig ay halaw sa Minsan Lang Kita Iibigin (1994) na idinirek ni Chito S. Roño — ang madugong confrontation nina Terry (Maricel Soriano) at Monique (Zsa Zsa Padilla).
Patok na patok sa audience ang iconic line na binitawan ni Dimples Romana kay Iana Bernardez, “Huwag mo akong ma-Terry-Terry! Iyung tanong ko ang sagutin mo! Are you f****ng my husband?!” “Minsan.” Nagkamay at nakangiting nagyakapan kapagkuwan sina Dimples at Iana habang humihiyaw ang audience.
Ang ikalawa’t huling intermission ay pag-awit ni Aicelle Santos.
Ang sumunod ay reenactment ng pagtutuos nina Allan (Alfred Vargas) at Tanya (Shaina Magdayao) sa Tagpuan (MMFF 2020) ni Mac Alejandre. Ang nag-interpret ay ang host na si Mikoy, at si Shaina mismo. May special participation ang assistant ni Sir Ricky na si Adel Abrigonda bilang tagapagsalaysay.
Penultimate reader si Agot Isidro. Naitoka sa kanya ang hanash ni Madam Loca (Cherry Pie Picache) kay Dwight (Tyron Perez) sa Twilight Dancers (2006) ni Mel Chionglo. Pasabog ang huling hirit ni Madam Loca, “O, anong gusto mo sa akin? Nakadapa, nakatihaya? Maghubad ka na. Naku! Ay! Ano iyan?! Ay! Grabe! Genius talaga ang nakaimbento ng t***!”
Ang finale ay excerpts sa pelikulang Bernal na next year pa sisimulan ni Direk Jerrold Tarog ang shooting. Gumanap si JC Santos bilang National Artist Ricky Lee, at si Jose Javier Reyes bilang National Artist Ishmael Bernal.
BERNAL: Pero ano nga ba ako? Sino nga ba ako? Ako si Ishmael Bernal, anak sa labas. Insomniac at 13, writer at 29, director at 33. Fabulous at 40. More fabulous at 50. A lover of two, here and there. Directed more than 50 films. Some, good; some, bad. Some got awards; some flopped. Nightmare. Nightmare ang paggawa ng pelikula. But I survived. Ayan, that’s the story of my life.
LEE: Ahh you forgot one detail. Drugs.
BERNAL: I’ve been doing that ever since. So what’s new?
LEE: Sinira ka ba ng drugs?
BERNAL: (laughs) Ako ang sumira sa drugs! What’s your point, Ricky? Be harsh. Don’t mince words. Be a writer, be a writer!
LEE: Monster ka raw. Naninigaw. Nambabato ng silya, o ng plato ng spaghetti. Minsan isang sikat na artist ang na-late nang tatlos oras. You walked out.
BERNAL: I am the Walk Out Queen…
Read: Aga Muhlach finally gets to work with Jodi Sta. Maria in a movie
GORGY RULA:
Pinakagusto ko sa lahat si Agot Isidro sa binasa niyang excerpts sa Twilight Dancers. Ang galing ni Cherry Pie Picache nang ginampanan niya ang role na iyun sa pelikulang idinirek ni Mel Chionglo.
Iba rin ang atake ni Agot, kahit medyo naasiwa siyang banggitin ang mga mahahalay na termino. Pero ang galing talaga ng singer/actress.
First time ni JC Santos na magbasa ng excerpts sa book launch ni Sir Ricky. Kasabay niyon ang storycon ng MMFF 2026 official entry na 2nd Miracle in Cell No. 7, pero hindi pinalampas ni JC ang pagkakataon na magbasa ng excerpts sa screenplay ng Bernal.
Pagtatapat ni FDCP Chairman and CEO Jose Javier Reyes na bumasa ng mga linya ni Ishmael Bernal, “I was shocked when I got the script that I’m playing Bernal because I knew Bernal.
“And Bernal was the very first director who called me up after my first movie to congratulate me, so it matters a lot.
“And I knew how he talked. I knew how he moved. So, ahh, Jericho Rosales, humanda ka!”
Sa lahat na readers doon ay si Shaina Magdayao lang ang nagbasa ng isang tagpo sa pelikula na siya na rin mismo ang gumanap. Ito iyung sa pelikulang Tagpuan na ginampanan din niya at nagpanalo sa kanya bilang Best Supporting Actress sa MMFF 2020 at sa iba pang award-giving bodies.
“Naku, Diyos ko! Itong si Sir Ricky, grabe ang tiwala niyan sa akin, even if wala akong tiwala sa sarili ko. Nandiyan yung support niya and encouragement niya,” bulalas ni Shaina nang nakapanayam namin doon pagkatapos ng book launch.
Sabi pa niya, “I remember when they told me na merong offer sa akin to do a Ricky Lee character. I said ‘yes’ right away kahit hindi ko pa alam kung ano yun.
“So tandang-tanda ko rin nung nabasa ko yung script, ang hirap-hirap nung role. And so, natatandaan ko pa, parang tama ba yung ginawa ko na umoo ako agad without even knowing?
“But, of course, it’s such an honor to portray a Ricky Lee character. And gaya nga ng sabi ko, kung maaari ako nga ang nanalo ng best supporting actress nung 2020, pero hindi po mangyayari iyun kung hindi nang dahil sa panunulat niya.”
Napangiti lang si Shaina nang tinanong ko kung magiging bahagi rin ba siya sa cast ng Bernal movie na gagawin next year.
“Panoorin niyo na lang po, babalitaan ko… Meron pong announcement na ginawa si Sir Ricky. Na-hold lang for this year. Dapat this year yun.
“Yes po, para sa kanya, yes,” tugon ni Shaina.
May commitment si Yani Villarosa kaya si Mikoy Morales ang ipinalit bilang co-host ni Hershey Neri. Hindi rin puwede si John “Sweet” Lapus dahil may prior commitment, ganoon din si Pokwang.
Sabi ni Sir Ricky, “Actually, mahirap pag Friday, kasi taping day. Kaya next time, i-try namin na Saturday. Kasi, andaming mga kaibigan din, e.
“Pero masarap na parang nagiging ritual siya every book launch na naga-gather ko iyung ilang mga kaibigan ko sa industriya para tumulong, sumuporta.
“So masarap na pakiramdam, na nakikita mo sila every year. Kung minsan nga, sa ganitong okasyon ko lang sila nakikita.
“Like, kami ni Dimples, ngayon lang kami nagkita after a long time.”
Read: Claudine Barretto reveals she and Mon Tulfo buried the hatchet
NOEL FERRER:
Jusko, ang lulutong ng linya!!! At excited ako na na-cast ako riyan sa gagawing pelikula about Bernal ng kaibigan nating Jerold Tarog in a scene with the two National Artists Ishma and Sir Ricky doon sa akmang magwa-walk out si Bernal. Abangan ninyo kung sinong personalidad ang ipo-portray ko.
Disclaimer: hindi po ako si Ruel S. Bayani! (Sabi namin, bagay si Phi Palmos as the young RSB.) LOL.
Sabi ko nga sa post ko: Happy QUIAPO ILALIM Book Launch Yesterday! My warmest congratulations to my dear Sir Ricky Lee, to Adel, and to every reader, student, and dreamer who lined up for this.
Almost 30 years after Trip to Quiapo taught us how to get to Quiapo, Sir Ricky now teaches us what lies beneath — the deeper anatomy of scene, character, and soul.
“Minsan, pakiramdam ko, hindi ako lumikha sa kanila, sila ang lumikha sa akin," Sir Ricky was quoted as saying.
This yearly tradition has become our family reunion of storytellers, and you know we will always be there to support it. Thank you for making us believe again that there is always another road to take."