JERRY OLEA
Tabla bilang best actor ng 2nd Puregold CinePanalo Film Festival sina Khalil Ramos (Olsen’s Day) at JP Larroder (Tigkiliwi) noong Marso 2025.
Sa 3rd edition ng Puregold CinePanalo filmfest ay may panlaban muli si Khalil, ang BL movie na Patay Gutom (Dead Hungry) opposite Ian Pangilinan.
“Of course, very grateful!” bulalas ni Khalil sa mediacon noong Setyembre 17, 2026, Huwebes, sa Quantum Skyview ng Gateway Mall 2 sa Cubao, Quezon City.
“Naging suki na nga ako dito at it’s so nice to be able to ahh be blessed and just, you know, do what I still love doing which is acting.
“I’m very blessed to be part of another entry here in CinePanalo, at mukhang mas malaki ang CinePanalo this year. Nakakatuwa!
“Mas maraming tao, mas maraming filmmakers. And mas masaya.”
KHALIL RAMOS ON WORKING WITH IAN PANGILINAN AS AN ACTOR AND DIRECTOR
Ang Patay Gutom ay idinirek nina Carl Joseph E. Papa at Ian Pangilinan.
Nasa cast din sina Cris Villanueva, Agot Isidro, Mikoy Morales, Gio Gahol, at Erlinda Villalobos.
Kumusta si Ian bilang co-actor at direktor?
“As a co-actor, sobrang generous. Sabi niya, lagi niyang worry is maging conflict iyong ano niya as a director and as an actor,” matamang tugon ni Khalil.
“Pero hindi niya ipinaramdam yun sa akin. Both of them, silang dalawa ni Carl, they were super-fun to work with. Nag-e-enjoy lang kami lagi sa set.”
KHALIL'S SECOND BL MOVIE
Second BL movie ni Khalil itong Patay Gutom.
Ang una ay yung 2 Cool 2 Be 4gotten (Nobyembre 2026) with Jameson Blake and Ethan Salvador, sa direksiyon ni Petersen Vargas.
Kalahok iyon sa 2016 CinemaOne Originals filmfest, kung saan nagwagi itong best picture, best cinematography, at best supporting actor para kay Jameson.
“It’s been a while [na gumawa ako ng BL] pero first time kong animated. So kakaiba,” lahad ni Khalil.
“Nung nakita ko yung teaser for the first time, parang ‘Huuyyy!!!’ Yun pala ang itsura ko kung animated ako.”
Paano ang adjustments niya sa pagganap bilang animated character?
“May mga konting physical adjustments lang. Parang kailangan, sobrang precise lagi nung blocking,” pagsisiwalat ni Khalil.
“Yung buhok ko, sobrang tigas. Kasi bawal siyang humarang sa mukha ko. Tapos yun, mostly movement, mas limited to my blocking.
“Kasi iba iyung ilaw ko, iba yung ano ko dahil animated nga ako.”
If ever, ang mga katunggali ni Kahlil sa pagka-best actor ng 3rd Puregold CinePanalo ay sina John Arcilla ng Beast, Joross Gamboa ng Wantawsan, Juan Karlos Labajo ng Mono No Aware, Zanjoe Marudo o Zion Cruz ng Apol of My Ai, at ang katambal niyang si Ian Pangilinan.
Dark horse sina River Joseph ng Stuck On You, at Joao Constancia ng Multwoh: Patay na Patay sa ‘Yo.
Read: Xyriel Manabat, Sassa Gurl face off for CinePanalo 2026 Best Actress
GORGY RULA
Sa tingin ba ni Direk Ian Pangilinan, pam-best actor ang acting ni Khalil Ramos sa Patay Gutom?
Natawa si Direk Ian.
Singit ni Khalil, “Siya! Siya rin! Best actor, best director!”
Sabi ni Direk Ian: “Ang favorite na kuwento ko nga about this guy, e, silang lahat nung cast, nung nag-look test kami, parang may mga in-imagine kami kung anong gagawin nila sa characters.
“Tapos parang nakuha nila agad sa look test pa lang. So I love working with all of them. They’re all professional.”
IAN PANGILINAN AS A FIRST-TIME DIRECTOR
Kumusta ang experience niya bilang first-time director?
“Ayun... I think sobrang maa-appreciate niyo talaga yung work of everyone behind the camera kapag nakapag-work na rin kayo behind the camera,” saad ni Ian.
“Kasi sobrang grabe talaga yung pagod, grabe yung effort ng lahat ng mga tao.”
Malaking bagay ba na ang co-director niya ay si Carl Joseph Papa, na nagdirek animated films na Iti Mapukpukaw at 58th?
“Yes, of course! I mean, napanood ko na yung mga works ni Carl before and I love it, I love it, I love it,” mabilis na sagot ni Ian.
“And he’s really such a hard-working person. Parang he is really gonna be… kahit mapuyat siya, kahit mapagod siya, he’s gonna keep on going and going and going.
“And I love that about him. He’s so professional.”
Ano ang natutunan niya sa kanyang co-director?
“Never give up! As in ano, lahat kayo as a team, dapat dire-diretso lang. I-push lang nang i-push yung mga kailangan noyong gawin,” sey ni Direk Ian.
Read: Moira dela Torre breaks silence on Sam-Catriona breakup
NOEL FERRER
May intimate scenes ba sila sa Patay Gutom? Kissing scene/s?
Natawa muli si Ian Pangilinan, “I think panoorin nyo yung pelikula para suspense, di ba?”
Sambot ni Khalil Ramos: “Actually may kakaibang treatment silang ginawa. Na ayaw naming i-spoil.
“Maganda siyang mapanood in cinemas! Yung experience na yun!”
Ang Puregold CinePanalo 2026 ay gaganapin sa Setyembre 23-Oktubre 4, 2026 sa Gateway Cineplex 18, Trinoma, Fairview Terraces, Feliz, Ayala Malls Circuit, Ayala Malls Manila Bay, and Market! Market!.
Ang regular price ng tiket ay PHP250, samantalang ang discounted price ay PHP200 para sa PWD, senior citizens, students, national athletes, at Aling Puring cardholders.
Ang festival director ay si Chris Cahilig.
Ang awards night ay nakatakda sa Setyembre 30, Miyerkules, kasabay ng closing ceremony ng Philippine Film Industry Month (PFIM) 2026.
Read: Ed Sheeran’s tour loses support acts after Macklemore dropped over "Free Palestine" speech