GORGY RULA:
Kitang-kita ang sobrang kasiyahan ng mag-asawang Aga Muhlach at Charlene Gonzales na nanood sa opening ng Bongga Ka Day! Annie Batungbakal The Musical: Based On The Songs of HOTDOG.
Nagsimula ang play noong Biyernes, September 18, 2026, sa Newport Performing Arts Theater ng Newport World Resorts sa Pasay City.
Kung gaano sila ka-proud kay Andres Muhlach sa Bagets The Musical, ganundin ang nakita namin sa kanila matapos ang first night performance ni Atasha Muhlach.
Bago namin sila nakapanayam, nakipagtsikahan muna kami sa director ng naturang musical play na si Chris Millado, bago nagsimula ang Act 2.
Masaya si Direk Chris sa performance ni Atasha nang kinumusta namin pagkatapos ng Act 1.
Aniya: “Well, the excitement, the energy is very high. And she’s been working really hard for the past more than nine weeks, and I’m very very happy about her.
“The way she’s worked, the way what she’s achieved these many weeks. And of course, part ot it is like part of the journey was her like finding iyung character talaga ni Annie Batungbakal.
“And I’m happy naman that she’s coming to her own in terms of giving her own interpretation. Ibang-iba yung interpretation, of course, what we expected from the movie, because naiba nga yung storyline.
“And one thing siguro about Atasha is what she brings, no? Of course iyung youthful adolescent energy that what we’re trying to portray Annie at the same time.
“Yung pagiging street smart na Annie Batungbakal, na hindi lang siya laking-San Francisco del Monte [Avenue sa Quezon City]. So, hindi siya puwedeng mabudol.
“Nahanap niya yung ano, e, yung pagiging determined na character ni Annie Batungbakal.”
Ibinahagi pa ni Direk Chris na ilang beses nagkaroon ng injury si Atasha sa kanilang rehearsals, pero hindi raw ito nagrereklamo. Tinutuloy pa rin daw ni Atasha kahit nasasaktan na siya.
Minsan ay nawawalan pa raw ng boses si Atasha, dahil hindi pa siya sanay na dapat huwag masyadong ibigay nang husto kapag nasa rehearsals. Iyun daw ang inaalala nila dahil hindi nila alam kung ano talaga ang nararamdaman ni Atasha, dahil hindi nito sinasabi.
Nalalaman na lang daw nila, wala na raw boses at may sprain na pala ito.
“Well, the trouper that she is naman. She recovered maski she was in pain, she took like lots of pain killer. And then kinontinue naman,” pakli ni Direk Chris.
Kaya sana mapanood daw ng mga nam-bash kay Atasha ang musical bago siya husgahan nang husto.
“As a director, theater director, I felt it strange. Sabi ko, ‘Bakit naman bina-bash ang batang ito, hindi pa nag-start yung rehearsal. Bina-bash na siya agad.’
“E, sa practice namin sa teatro, hindi naman ganun. Hinihintay ng mga tao na mag-opening night bago iano.
“Hindi pa nga nag-start ang reading rehearsal, ang dami-dami na kaagad.
“So you know, coming from the theater, I don’t understand that kind of ano. But they say nga, ngayon people have so many opinions of their own, and yun!
“Of course, naapektuhan siya. But I would always tell her, sabi ko, ‘Listen to yourself. All of this is noise.
“‘When you were inside the rehearsal, iwan mo lahat yan, and then concentrate on what you’re doing.
“‘Otherwise, you’ll always get distracted. Listen to yourself.’
“And practically, that’s also the listen of Annie Batungbakal, e, di ba? In the story, listening to her authentic self.
“If you trust that authentic self, you know, your inner talent and beauty will shine,” saad ni Direk Chris.
NOEL FERRER:
Ibinahagi rin nina Aga Muhlach at Charlene Gonzales na bumilib sila sa daughter nilang si Atasha dahil nakikita nilang nae-enjoy nito ang performance kahit may sprain daw ito.
“Actually, alam ko meron siyan sprain ngayon. But, tuloy pa rin.
“But you know, like they say in showbiz ‘the show must go on.’ She looks like she’s having a fun time,” pakli ni Charlene.
Sabi naman ni Aga na tuwang-tuwa sa kanyang anak: “Ngayon nagpe-perform yan, may sprain siya talaga.
“She sprained herself the other day, no? And that’s why, para makita namin siyang ganun… alam mo yung saya niya.
“Mahirap ipaliwanag pero kasama namin siya sa bahay. So, nakikita namin talaga yung hirap niya na yun.
“But sabi ko nga, ‘You got this, Atasha.’ I always believe in her.”
Read: How Atasha Muhlach achieved her abs
AGA MUHLACH, CHARLENE GONZALES ON BASHERS
Ano ang nararamdaman nila sa mga bashing na inabot ni Atasha?
“Basta positive na lang tayo. Happy, happy,” napangiting pakli ni Charlene.
Ano ang ipinapayo nila kay Atasha?
Ani Aga: “I’ll be honest ano sa mga tumira sa kanya noon talaga. Sabi ko, ‘Huwag mo na lang pansinin,’ di ba?
“Ganun talaga, e. ‘Malaki yung show, ang gagawin mo. And this is work.’
“And sa mga tumira sa kanya, galing sa isang ama po. E, nagtatrabaho lang yung bata, di ba?
“Ahh, wala namang pinagyayabang. Gusto lang maghanap-buhay. Gustong gumawa ng show. Ayan, panoorin niyo po. Maraming salamat sa inyong lahat.
“Sa lahat na nagmamahal, maraming-maraming salamat po sa inyong lahat.”
Napangiti na rin si Charlene. At ang sabi na lang niya: “Ang sa akin lang, just you know, continue to be strong, and not just for Atasha but for everyone.
“Don’t let anybody stop you for reaching for your dreams, continue to reach your dreams.
“Roads are never easy, may mga ups and downs. But always go for your dreams.
“Huwag po kayong matakot, and enjoy the journey.”
JERRY OLEA:
Ayaw nina Aga Muhlach at Charlene Gonzales na palakihin pa itong isyu ng bashing sa kanilang anak.
Sabi pa ni Aga: “Tapos na yan sa akin. Finished na yan. Lahat naman ng tao, may haters. But the good always wins, you know.
“Parang, mas marami pa ring mababait na tao sa mundong ito. Iilan lang yung masasama, iyun lang ang maiingay talaga.
“Anyway, parang… pasensya na kayo, mabait ang Diyos.”
Read: From Nora to Atasha: A new era for Annie Batungbakal
ON WHAT ANDRES MUHLACH TOLD SISTER ATASHA
Nakakatuwa raw kapag nag-uusap ang magkapatid na Andres at Atasha. Madalas daw kasing nagtatanong si Atasha kay Andres kung ano tamang gawin sa entablado.
“Actually, marami silang mga tips sa gabi-gabi halos nag-uusap sila at nagse-share kung ano yung dapat niyang gawin at hindi,” sambit ni Charlene.
Dagdag ni Aga: “Ang maganda diyan yung sinabi niya, e. Sinabi ni Atasha, ‘Andres, ganyan-ganyan, ano.’
“Sabi ni Andres, ‘Atasha, seriously! Are you asking me? Ikaw yung magaling! Don’t ask me. You know what to do!’
“Ganun lang kasimple ang dalawang mag-usap.”
Ang kuwento ng Bongga Ka Day! Annie Batungbakal The Musical: Based On The Songs of HOTDOG ay mula 1979 hanggang Disyembre 1981. Kabilang sa mga kantang tampok sa musical ang "Totoo Ba Ang Tsismis," na ginamit sa 1981 Regal film nina Nora Aunor and Gabby Concepcion, directed by Maryo J. de los Reyes mula sa story at screenplay ni Jake Tordesillas.
Ang mga pelikulang Annie Batungbakal (Setyembre 1979), Bongga Ka ‘Day (Hulyo 1980) at Rock n’ Roll (MMFF 1981), na pawang pinagbidahan ni National Artist and Superstar Nora Aunor, ay idinirek din ni Maryo J. de los Reyes, story and screenplay ni Jake Tordesillas, at may cameo ng HOTDOG.
Sa Bongga Ka Day! Annie Batungbakal The Musical: Based On The Songs of HOTDOG, may eksena na nagtatalo ang fans kung sino kina Nora at Vilma Santos ang tatanghaling best actress.
Sa MMFF 1979 ay tabla bilang best actress sina Nora Aunor at Lolita Rodriguez na gumanap bilang mag-ina sa Ina Ka Ng Anak Mo ni National Artist Lino Brocka. Ang panlaban ni Vilma sa 5th MMFF ay Modelong Tanso kung saan co-star niya si Charito Solis, sa direksyon ni Cirio H. Santiago.
Nagwagi rin sa MMFF 1979 ang Ina Ka Ng Anak Mo sa mga kategoryang best director (Lino Brocka) at best actor (Raul Aragon).
Ang best picture ay ang topgrosser na Kasal-kasalan, Bahay-bahayan kung saan bida sina Nora, Christopher de Leon, Alma Moreno, at Rudy Fernandez, sa direksyon ni Pablo Santiago.