JERRY OLEA
Nine consesutive days na No. 1 ang Us in the End o Tayo sa Wakas sa Top 10 Movies ng Netflix Philippines — mula Setyembre 11, 2026, Biyernes, hanggang Setyembre 19, Sabado.
Bida sa pelikula ang DonBelle tandem nina Donny Pangilinan at Belle Mariano.
Nag-debut sa third place ang MMFF 2025 best picture na I’mPerfect noong Setyembre 19, Sabado.
Kinabukasan, Setyembre 20, Linggo, ay nanguna na ang nasabing pelikula nina Krystel Go at Earl Amaba.
Opo, in-end ng I’mPerfect ang pamamayagpag ng Us in the End.
Ngayong Setyembre 21, Lunes, na ginugunita ang deklarasyon ng martial law, No. 1 sa talaan ang adventure comedy film na A Minecraft Movie.
Tampok sa Hollywood blockbuster film na ito sina Jack Black, Jason Momoa, Emma Myers, Danielle Brooks, Sebastian Hansen, at Jennifer Coolidge.
Nag-streaming sa Netflix umpisa Setyembre 14, Lunes ang Temptation Island (2011) nina Rufa Mae Quinto, Heart Evangelista, Lovi Poe, Solenn Heussaff, at Marian Rivera, sa panulat at direksyon ni Chris Martinez.
Bigo itong pumasok sa talaan ng Top 10 Movies.
Nasa cast din nito sina Aljur Abrenica, Tom Rodriguez, John Lapus, at Mikael Daez.
Sa Setyembre 24, Huwebes, ang Nerflix streaming ng pelikulang Sinagtala (2025), starring Glaiza de Castro, Rhian Ramos, Rayver Cruz, Arci Muñoz at Matt Lozano, sa panulat at direksyon ni Mike Sandejas.
Oktubre 1, Huwebes, naman ang Netflix streaming ng pelikulang Midnight Girls starring Jodi Sta. Maria, Sanya Lopez, Loisa Andalio, and Jane Oineza, sa direksiyon ni Irene Emma Villamor.
TOP 10 MOVIES ON NETFLIX
Ang Top 10 Movies sa Netflix Philippines ngayong Setyembre 21, 2026:
- A Minecraft Movie
- I’mPerfect
- Justice League
- Crazy Rich Asians
- Us in the End
- Hercules
- Margaux
- Call Me Mother
- The Wolfman
- The Judge
Read: Lakam Chiu, Kim Chiu's sister, arrested over 124 counts of qualified theft
NOEL FERRER
Ngayong Setyembre 21, Lunes ng gabi, ang streaming ng Episode 99 ng The Master Cutter ni Dingdong Dantes.
Supposedly ay hanggang 100 episodes lang ito.
Pero naulinigan nating extended ito. Hanggang Enero 2027 nga ba?
Sa Setyembre 29, Martes, ang streaming ng finale o Episode 115 ng A Secret in Prague, starring Enrique Gil and Andrea Brillantes.
BALARAW
Swak sa Halloween ang October 29 streaming ng horror series na Balaraw, directed by Rae Red.
Nasa cast nito sina Janine Gutierrez, Agot Isidro, Charlie Dizon, Ronnie Lazaro, Teroy Guzman, Archi Adamos, Nonie Buencamino, at Romnick Sarmenta.
Ang logline ng Balaraw: “Years after her mother vanished, Sabina follows a mysterious clue to an uncharted island, where she confronts hidden dark secrets within her own family.”
Hintay-hintay tayo kung this year ang Netflix streaming ng limited series na BuyBust: The Undesirables starring Anne Curtis and Gerald Anderson, sa direksiyon ni Erik Matti.
TOP 10 TV SHOWS ON NETFLIX
Ang Top 10 TV Shows sa Netflix Philippines ngayong Setyembre 21, 2026:
- Monster: The Lizzie Borden Story
- The Scandal
- Crew Girl
- Jo Koy Blue in the Face
- Someone, Someday
- Four Hands, Two Sonatas
- Plastic Beauty
- Physical 100 Mexico
- Teach You A Lesson
- The Early Spring
Read: Film screenings, censorship issues put MTRCB under renewed scrutiny
GORGY RULA
Nag-leave na muna si Dingdong Dantes sa Family Feud para hindi magka-conflict sa taping ng The Master Cutter.
Meron pa siyang The Voice Kids.
Kaya lang, wala pang official announcement tungkol sa extension ng The Master Cutter. Hindi kasi nila sinasabing extended.
Papasok na ito sa book two, at maaring maraming mababago sa takbo ng kuwento.
May mga karakter na hindi na tutuloy sa book two. Posibleng may mga bagong karakter na papasok.
Pero hintayin na lang natin sa Netflix kung ilan ang madadagdag na episodes, para doon natin matantiya kung totoo bang hanggang early next year itong serye ni Dingdong.
A SECRET IN PRAGUE LAST TWO WEEKS
Samantala, nasa huling dalawang linggo ang A Secret In Prague ng TV5.
Makakasabay nito sa pagtatapos ang My Bespren Emman na hindi nga lang napapanood sa Netflix.
Tinawag ng TV5 na Huling Laban at Huling Sikreto ng dalawang teleseryeng ito.
Ang A Secret in Prague ay nagsimula ang kuwento sa Prague, at matatapos ito sa Italy.
Malaking kinalaman sa pagtatapos ang karakter na ginagampanan ni Lorna Tolentino at ng anak niya rito na si Rahmboy (Dylan Menor).
Malaking tulong ang streaming ng Netflix at iba pang streaming service para subaybayan ang isang teleserye.
Mas ito ang kinakarir ngayon ng ilang TV network.
Pasok ang isang programa kung meron ding streaming sa Netflix.
I'M PERFECT ON NETFLIX
Samantala, masaya ang Nathan Studios sa pagratsada ng advocacy film na I’mPerfect sa Netflix.
At its heart, isinusulong ng pelikula ang equality at inclusivity para sa mga taong may Down Syndrome — isang paalala na deserve nila ang parehong respeto, karapatan, opportunities, pangarap, at pagkakataong magkaroon ng isang full and meaningful life tulad ng lahat.
Para sa Nathan Studios, sa pangunguna ng veteran actress-producer na si Sylvia Sanchez at CEO na si Ria Atayde-Marudo, mas naging meaningful ang journey ng pelikulang I’mPerfect ngayong mas marami nang Filipino homes ang naaabot nito.
“Sobrang saya namin. Noong ginagawa namin ang I'mPerfect, ang gusto lang talaga namin ay mas maraming tao ang makakita at makaintindi sa mundo nila, sa mga pangarap nila at sa kaya nilang gawin,” sabi ni Sylvia.
“Hindi sila iba sa atin. May pangarap sila, marunong silang magmahal, gusto nilang magtrabaho at gusto rin nilang mabigyan ng pagkakataon. Sana pagkatapos mapanood ang pelikula, mas makita natin sila nang pantay, hindi dahil naaawa tayo, kundi dahil karapatan nila iyon.”
Pahayag naman ni Ria: “Every new person who watches I’mPerfect helps carry its message forward. Inclusion is not about giving people with Down Syndrome special treatment.
“It is about making sure they are given the same dignity, opportunities, and freedom to dream that all of us deserve.
“Knowing that the film is now reaching audiences through Netflix makes us incredibly grateful because the conversation can continue far beyond its theatrical run.”
Read: Vilma Santos breaks silence on being left off National Artist list