GORGY RULA:
Naging isyu sa mga concert ngayon ang pagre-record ng performance ng isang singer. Umalma si Ice Seguerra dito na halos buong show na ang napapanood sa social media.
Kaya sa media conference ni Regine Velasquez na ginanap sa Super Sam, Quezon City noong Biyernes, September 25, 2026, hiningan namin siya ng opinyon kaugnay rito.
Sabi ng Asia’s Songbird, hindi raw talaga ito maiwasan. Pero para sa kanya, hindi niya ito gusto.
Ani Regine: "Personally, I don’t like it. Because one, the sound is awful. Two, the audience is different.
“I really believe that internet audience doesn’t wanna be entertained. Because they’re actually judges.
“Judges wanna judge, they don’t really wanna watch. They do not want to be entertained. They just wanna judge you and wanna nitpick the performance.
“As a performer, I feel bad about it, you know. That shouldn’t be that way. A performance shouldn’t be judged, especially a live performance.
“You cannot compare live performance to a recorded one. If you want perfection, listen to Spotify. Where you sound like a robot already.”
Aminado si Regine na hindi pa rin daw talaga ito maiiwasan.
Ipinaliwanag pa ni Regine ang pagkakaiba ng nanonood ng live kesa sa pinapanood sa telepono.
Aniya: “A live performance has adrenaline. You breathe. You have flats and sharps, but at the same time, you love with all those imperfections.
“Dun nanggagaling yung feelings. Dun nanggagaling yung puso. Doon mo nararamdaman kung ano yung nararamdaman ng performer.
“It’s in those imperfections. Kaya siya live, kasi we’re human beings.
“Otherwise, like I said, manood na lang kayo sa Spotify, di ba? Or manood kayo ng mga performers na naka-plus one.
“Huwag kayong manood ng mga concerts na totoong live performers. Kasi that’s not fair. Hindi ganyan ang totoong performance, na yung kino-correct, yung inu-auto tune.
“Kasi ang totoong mga performers, meron talagang mga imperfections. Because like I said, human beings are not perfect.
“We’re supposed to make mistakes. We’re supposed create those little imperfections. That’s why I’m against it.”
Hindi rin daw ma-gets ni Regine na nanonood ka ng isang live performance, pero abala ka pa sa pagkukuha sa telepono mo.
Lahad pa niya: “Also, don’t you find it kind of distracting? While watching you’re holding a phone?” bulalas ni Regine.
“How do you actually feel the song, the live impact of the song if you’re holding a phone.
“You’re watching a mere little screen. And you’re actually… put your phone down, so that you can feel the impact while you’re watching the performance.
“While I’m singing, I can look at you. So you can feel what I’m feeling while I’m singing to you directly.
“Instead of looking at your little screen. You’re not gonna be able to feel that same feeling. That’s just how I feel."
Ipinunto pa ni Regine na mahalaga na ma-enjoy ang concert experience sa present moment.
“I understand why you do that, so that you have something to share later on. But really, it’s very distracting, not just a performer, but to you as an audience.
“Hindi niyo talaga nararamdaman yung full impact nung performance, while you’re watching, kasi parang 50 percent or not even… probably, 20 percent lang ng performance yung naramdaman nyo, kasi pinapanood nyo sa maliit na screen lang.
“Tapos panonoorin niyo ulit sa bahay, nasa maliit na screen pa rin yun. For what? Para lang may mai-share kayo.
“Para niyo lang niloloko niyo lang yung sarili niyo. Nagbayad kayo ng pagkamahal mahal, tas niloko niyo lang yung sarili niyo.
“Hindi niyo nakuha yung full impact ng performance. I don’t know. That’s just how I feel,” saad ni Regine.
Dumating sa SuperSam mediacon si Ogie Alcasid para suportahan ang asawa. Sa October 17, 18, at 19 ang Finale concert ni Regine na gaganapin sa SM MOA Arena.
Tingnan natin kung may gagawin ang production at kung pagbabawalan nilang mag-record ang audience ng concert ni Regine.
Read: Kim Chiu’s 2 siblings rally behind her amid legal battle
JERRY OLEA:
Iba naman ang take ng concert producer na si Cacai Mitra sa isyung ito.
Ani Cacai: “Sa akin kasi personally, yun yung experience na for them, e.
“Sa totoo lang, maraming nanonood ng concert. Buhay ang OPM, buhay ang concert, kasi ginagawa nilang content.
“Mapapansin niyo, right after, content siya sa TikTok. Ako, kasi kung kabuhayan nila yun, okay lang.
“Kung pangkain nila yun, pan-dinner nila, then okay lang. Huwag maging madamot.
“Pero nasa kanila na yung limitations kung papano nila i-set yung limitations nila. Kasi siyempre, may mga rights.
“Pero hindi ko alam ang mga rights rights sa TikTok, e, pag nag-upload ka. Kasi may mga rights, di ba? Hindi ko alam kung allowed yan o hindi.
“But for me, kung sa tingin nila iyun yung ikaluluwag ng buhay, then okay lang.”
Hindi pa raw alam ni Cacai kung paano ang gagawin nila ng SM MOA Arena na kontrolin ang pagla-live. Pero may hanash ulit si Regine Velasquez tungkol sa nagre-record o nagla-live ng performance nilang mga singers.
“But ako, nadi-disappoint ako, yung buong concert… kasi ang pangit ng sound.
“Ang hirap! Actually for us, performers it’s hard, e. So, I don’t know how to solve that. But, it’s really up to them,” sey ni Regine.
NINA SINGS VALERA
Nanood ako ng NINA XX: The Anniversary Celebration-The Repeat concert noong Setyembre 24, 2026, Huwebes ng gabi, sa Newport Performing Arts Theater, Newport World Resorts, Pasay City.
Bago umpisahan ang concert ay may babala sa audience na huwag i-post nang buo online ang concert. Hindi mapipigilan ang audience na kunan iyon nang buo, pero kung maaari, kapag magpo-post, huwag iyong kabuuan.
Maraming beses na inaya ni Nina ang audience na sabayan siya sa pag-awit, at tumalima ang mga manonood. In-enjoy nila ang palabas.
Doon nga sa huling kanta ni Nina na "Love Moves in Mysterious Ways," matic na sa audience na i-on ang flashlight ng kani-kanyang cellphone at i-sway iyon sa ere habang kasabay silang umaawit. Hindi na kailangang i-prompt ng Asia’s Diamond Soul Siren ang kanyangs fans and supporters!
Looking forward na ako sa pre-Valentine concert na Nina Sings Valera, na nakatakda sa Pebrero 2027 doon din sa Newport Performing Arts Theater. Siyempre, isa sa special guests dito si Rey Valera.
BACK AT THE MUSEUM
Si Gary Valenciano ay may sampung-gabing Back At The Museum concert series next month sa Music Museum sa Greenhills, San Juan City. Gaganapin ang shows sa lahat ng Thursdays at Saturdays ng October — October 1, 3, 8, 10, 15, 17, 22, 24, 29, at 31. Walang A.I. sa palabas na ito, Pure Energy lang!
Bago pa man ang upcoming concert series na ito, nakapag-perform na si Gary ng 103 shows sa Music Museum — isang matibay na partnership na nabuo sa musika, hard work, constant reinvention, at shared pursuit of excellence.
Directed by Paolo Valenciano, with Mon Faustino as musical director, nangangako ang Back At The Museum ng 10 evenings kung saan ang spectacle ay hindi manggagaling sa laki ng production kundi sa kakaibang experience na mapanood at maranasan ang isang Gary V nang remarkably close.
POPS Milestone concert ni Concert Queen Pops Fernandez ang Pops na gaganapin sa Nobyembre 26, 2026, at the Newport Performing Arts Theater. It promises to be a deeply personal celebration of Pops Fernandez — her music, her journey, her remarkable career, and the generations of fans who have supported her throughout the years.
Kaabang-abang ang mga panauhin sa concert na ito. Hopia, asado, at expectorant ang kaibigang Bobby Ferrer na isa sa guests dito ay si Rowell Santiago.
With a world-class production, sophisticated staging, powerful musical arrangements and Pops’ unmistakable presence, the concert is shaping up to be an experience that will entertain, inspire, and leave a lasting impression.
Sanib-puwersa sa pagpo-produce nito ang DSL, EchoJham, at Nexus Collaboration. Music director si Homer Flores, at concert director si Calvin Neria.
Read: Fare hike in PUVs to take effect on Monday
NOEL FERRER:
Ang cellphone at ang auto-tune, iisa lang ang kasalanan. Parehong takot sa kapangyarihan ng pagiging tao.
Si Regine Velasquez, galit siya sa auto-tune kasi pine-perfect ang boses. Galit din siya sa cellphone kasi pine-perfect ang memory. Parehong ayaw matanggap na ang live ay may sabit, may hingal, may flat.
Sa panahon ng AI at plus-one singers, ang pagiging imperfect na ang pinaka-rebelde at pinakamahal na kayamanan ng isang live performer. At ninanakaw iyon ng cellphone.
Habang pinipilit mong gawing malinis at pang-Instagrammable ang video mo — na pangit talaga ang audio tulad ng sabi ni Regine — ginagawa mong AI ang tao. Ginagawa mong Spotify ang MOA Arena.
Ito iyung hindi nasabi ni Cacai Mitra: "Kaya buhay ang concert dahil sa content, oo." Pero kaya rin mamamatay ang soul ng concert dahil sa content. We normalized piracy para lang mabuhay ang OPM.
Hinayaan nating nakawin nang libre iyung mismong produktong binenta natin nang mahal.
May privilege lang si Regine para sabihin ito. Isang new gen idol na nagsabi ng "ibaba niyo phone niyo" ay babastusin online — "laos ka na, kailangan ka namin i-content para sumikat ka."
Pero si Regine Velasquez-Alcasid, 30+ years na ang puhunan, kaya niyang sabihin: Tumingin ka sa akin, hindi sa screen mo. Makipag-eye contact ka.
Hindi na ito issue ng etiquette. Issue na ito ng intimacy.
In an era na lahat documented, ang tunay na brave act ay magpakatotoo at magkamali sa harap ng 10,000 tao at sabihing: Narito ako, tao ako, panoorin mo akong kabahan, panoorin mo akong sumablay — at doon mo ako mahalin.
At iyan ang gagawin ko — nanamnamin ko ang hinahangaan kong Songbird sa binili kong FINALE ticket sa October 19!