JERRY OLEA:
Kumusta na ang pagme-mediate ng Film Academy of the Philippines (FAP) sa hidwaan nina Direk Erik Matti at cinematographer Neil Daza?
“It’s ongoing,” sambit ni FAP Director General Paolo Villaluna.
Nakausap namin siya sa Golden Screen Awards: Dekada Awards 2026 ng MMPress noong Oktubre 4, 2026, Linggo, sa MMFF Auditorium, MMDA Head Office, Pasig City.
“I cannot talk about the details of the case. But it is ongoing and I’m hoping for a really good resolution that will satisfy all parties.
“But most importantly, I hope it gives a message sa industriya na we will have problems; pero sana, we can settle it amicably, internally.”
Noong nakaraang taon lang umupo si Direk Paolo bilang bagong Director General ng FAP, at sinimulan ng kanyang pamunuan ang pag-restructure sa FAP.
Tatlong reklamo ang idinulog sa FAP last year, na pawang naresolba.
Ngayong 2026, ilang kaso na ang idinulog sa Grievance Committee ng FAP?
“For the past nine months, umabot na ng 64,” pagsisiwalat ni DG Paolo.
“Except for one na ongoing, lahat amicable settlement. Although last week may nag-file ng medyo matindi.
“I cannot talk about it pero first level of mediation pa lang. So far, 64. Hopefully, mag-report pa both workers and producers.
“Kasi producers can complain about negligent workers, delinquent workers. Actors who are always late, or sobrang daming raket.
“I cannot divulge siyempre [kung sinu-sino ang involved] pero ang maganda, nase-settle internally.
“Nag-i-instill tayo ngayon ng disiplina sa lahat ng workers.”
Read: Aiko Melendez and Onemig Bondoc are engaged
PAOLO VILLALUNA ON VICTIMS OF VIDEO SCANDALS
GORGY RULA:
Matapos sumabog ang eskandalo ng The Big Four (Gil Cuerva, Ron Angeles, Nikko Natividad at Arron Villaflor) noong Pebrero 28, 2026, nag-announce ang Film Academy of the Philippines (FAP) noong Marso 8 na handa silang tumulong sa mga biktima.
Nadagdag afterwards sa listahan ng mga biktima sina Niko Locco, Andre Cue, Jayden Fernandez, at Ronie Palermo.
Pitong buwang singkad na ang lumipas, wala pa ring nag-reach out sa FAP para ireklamo ang mga Pajama Girl na maraming tattoo.
Nahihiya kaya ang mga lalaking biktima?
“It’s their prerogative. I will not assume why they’re not filing,” tugon ni FAP Director General Paolo Villaluna.
“It might be because of social stigma. It might be because of time. I will not pre-judge, but we are open anytime they wanna file.
“In fact, iyung mga nag-file na mga hindi [video] scandal, pero may mga producers na nag-file ng mga complaints about piracy, stuff like that.
"So we were kinda hoping for the victims to come and complain, but wala.”
May magagawa ba ang movie industry kontra online piracy?
“Hindi siya mandato ng Film Academy of the Philippines. Hindi rin siya mandato ng Film Development Council of the Philippines,” pagmamatwid ni DG Paolo.
“Hindi namin mandato ang i-regulate ang online piracy. However, kapag sinumbong siya, meron na kaming responsibilidad to address it.
“So what we do, we write the concerned respondent. Letter na, ‘Hey, what you’re doing is not legal.’ We’ll cite legal instances.
“And then, there are cases they reply and then they say ibababa nila. They just didn’t know, and that’s OK.
“And then we tell them, ‘Isusumbong namin kayo sa relevant na ahensya.’ If it’s public screening, that’s MTRCB.
“Kapag online, we don’t know. DICT or wala na kasing OMB , di ba? So wala talaga.
"FAP and FDCP, we are not mandated to regulate the online spaces for piracy."
Ang DICT ay Department of Information and Communications Technology, habang ang OMB ay Optical Media Board.
Read: Annette Gozon-Valdes meets with Willie Revillame; here's why
ON FAP SUPPORTING LENTE
NOEL FERRER:
Talagang in full swing ang Film Academy of The Philippines (FAP) sa mga gawaing pang-industriya. Maraming salamat talaga!
In fairness, ang laki ng tulong ng FAP sa pagtatayo at pagsuporta sa mga legit na guilds sa ating industriya.
Sa ating LENTE (Philippine Entertainment Journalists Guild) mismo, all out ang kanilang suporta sa atin.
Ang sabi pa nga nila sa kanilang post, talagang masayang-masaya sila sa ating mga ipinanukalang efforts.
Kabilang dito ang series of learning sessions called LENTE LAB covering entertainment journalism ethics, digital reporting, social media, media law, and AI ethics affecting the sector of entertainment reporters.
At talagang double time ang lahat ng program lalo pa’t papatapos na ang taon.
Ang walong founding members ng LENTE ay kinabibilangan ng PEP Troika, kasama sina Nathalie Tomada, Bobby Requintina, Marinel Cruz, Allan Policarpio, at Allan Diones.
Susuporta ang LENTE sa National Guild Summit sa Nobyembre 20 at 21, 2026, kung saan punong-abala ang QCinema International Film Festival at Film Academy of the Philippines.
Siyempre pa, suportado ng LENTE ang rebooted Luna Awards, na nakatakdang ganapin sa Disyembre 10, 2026.