JERRY OLEA:
KontraDiva ang taguri kay Gladys Reyes matapos i-release ang novelty pop song niyang "Primera Kontrabida."
Unang inawit nang live ni Gladys ang kanta sa Primera Kontrabida Sings event noong Agosto 1, 2026 sa Riser Lounge.
Aware ba siya na merong kantang "Kontrabida" si Kakie?
"Pag sinearch mo sa ano, maraming 'Kontrabida' na songs,” sey ni Gladys nang mainterbyu namin sa Golden Screen Awards: Dekada Awards 2026 ng MMPress noong Oktubre 4, 2026, Linggo sa MMFF Auditorium, MMDA Head Office, Pasig City.
"Meron nga akong nag-cameo rin ako noon, rap iyon na song. 'Kontrabida,' si Pricetagg ang gumawa nun.
"So kaya we’ve come up with 'Primera Kontrabida.' Kasi well, nakakatuwa naman kasi every time ipinapakilala nila ako, alam mo iyun, iyun ang ikinakabit nila sa pangalan ko.
"Siyempre po nakakatuwa, nakakataba ng puso. Kaya siguro napagdesisyunan namin na with StarPop and Star Magic din, iyun ang maging title ng debut single ko."
Ang "Primera Kontrabida" single ay komposisyon ni ABS-CBN Music creatives, content and operations head Jonathan Manalo na siya ring nagprodyus nito kasama si StarPop label head Roque “Rox” Santos.
Ano ang feeling niya ngayong meron na siyang single?
Tumikwas ang isang kilay ni Gladys, napaismid nang slight bago nagturan: "Siyempre iyung feeling ko, from Kontrabida to KontraDiva! Di va, gusto mo iyon?! Di va?!
"Feel na feel ko naman. Mahilig talaga akong kumanta. Marami lang ang hindi nakakaalam pero even abroad, nai-invite kami na kumanta talaga.
"Iyung last ko was in London with Christof [Sommereux]. Wala pa akong single noon, nakukuha na kami sa mga shows abroad.
"Nung before, with Nay Lolit [Solis]… nakapag-Japan, Guam, di ba? Mga ganun. Saipan. So marami na rin talaga kaming napuntahan. Hong Kong.
"Na talagang kumakanta ako. Marami lang ang hindi nakakaalam. Kaya minsan, halimbawa, pag may show, ako iyung headliner… ang una raw tanong ng tao, nung una sa London, ‘Anong gagawin niya dito, mananampal?!’
"Hindi nila alam, kumakanta ako. But I enjoy singing. I enjoy singing also kahit at home in the karaoke, kasi stress-reliever ko iyun, e.
"Siguro iyun ang namana sa akin ni Christof, iyung hilig sa music. Pero sa choice ng music, si Christopher naman ang pinagmanahan niya kasi medyo old soul si Christof, e."
Read: Annette Gozon-Valdes meets with Willie Revillame; here's why
GLADYS REYES ON SHOWS, POSSIBLE ALBUM
GORGY RULA:
Meron na bang binabalak o ikinakasang concert niya sa malaki-laking venue?
"Concert agad?! Pero itong huli ahhmm nakakatuwa kasi sunud-sunod iyung gig, di ba?" sambit ni Gladys Reyes.
"So last time it was a very successful show in Bar Nine, wow, in Molito Alabang. So mga 200+ lang ang capacity, wow! Ha! Ha! Ha!
"Nakakatuwa kasi napaka-supportive nung mga tagasuporta. Hindi lang mga taga-South, may mga taga-East. From different parts.
"Tapos iyung mga hula-hoopers, kung saan-saan sila galing na ano ng bansa. And ito po, on the 20th, October 20, meron na naman kami ni Christof along with Star Magic artists. Sa Noctos bar naman po iyan in Quezon City."
Package deal ba sila ng anak niyang si Christof Sommereux?
"Hindi naman, hindi naman," sagot ni Gladys.
Magkaka-album ba siya?
"Actually nung huling meeting ko po with Direk Lauren [Dyogi], tinawagan niya si Sir Jonathan [Manalo],” napapangiting lahad ni Gladys.
"And pinapagawa niya talaga ng album. So medyo hindi ko lang po talaga alam ang exact ano kung when, pero sabi rin ni Kuya Roxy Liquigan, it has to be…
"Kumbaga itong 'Primera Kontrabida,' customized talaga sa akin. Custom-made for me. And akung-ako talaga ito, e.
"So siguro medyo slow naman this time pero dapat bagay pa rin sa personality ko. Bagay pa rin sa aking pagiging kontrabida.
"And I’m also thinking to collaborate with Christof. Kasi songwriter din si Christof, na baka he can write a song for me also.
"Ayan, and mag-collab kami probably in the future. Pero nagso-show na kami together, e. So we do some duets.
"Masaya lang kasi, ako yung bago dito. Baliktad. Ako yung mas maraming natututunan sa kanya.
"Minsan nga, papagalitan ako niyan, ‘Mommy, you know you did great.’ Iyung showmanship, wala daw siyang masabi. ‘But you have to memorize your songs!’ Ha! Ha! Ha! Ha!
"Kasi siyempre minsan, mahina akong magkabisa ng songs! So, sasabihan niya ako.
"Ibig kong sabihin, ako iyung may natututunan ngayon kay Christof pagdating dito sa larangan ng music.
"Siyempre pag sa akting, ako iyung mas balwarte ko iyon, di ba? Mas matagal na ako sa business.
May mga pointers ako sa kanya kung kailangan.”
Read: Katrina Halili and Kris Lawrence love story: where to next?
GLADYS REYES KONTRABIDA ROLES
NOEL FERRER:
Kabilang sa kontrabida characters ni Gladys Reyes sina Clara del Valle sa Mara Clara (1992-1997), Angela Rosales sa Ikaw Na Sana (1997-1998), Melissa Baldamesa sa Saan Ka Man Naroroon (1999-2001), at Ruella Agbayani sa Sa Dulo ng Walang Hanggan (2002-2003).
Andiyan din sina Deborah Yokohama sa Bakekang (2006-2007), Clarissa Briones sa Habang May Buhay (2010), Amanda Melendez sa Inday Will Always Love You (2018), at Hazel Capistrano-Cruz sa Cruz vs. Cruz (2025-2026).
Hindi pa raw naiparinig ni Gladys kay Judy Ann Santos itong "Primera Kontrabida."
Pahayag pa ni Gladys, “They will be surprised sa aking music video. It will be out soon this October.
"Ang masasabi ko lang po, hindi siya ordinary music video. Kasi hindi lang ito singing and dancing.
"Ito po ay not just your ordinary music video. It’s very nostalgic and very iconic."
Pinost recently ni Gladys recently sa Facebook ang pictures niya with Susan Africa and Juan Rodrigo sa Midnight Dream Studio. Co-stars ni Gladys sina Susan at Juan sa Mara Clara.
"Abangan na lang nila, sino ang mga may special guest appearances sa music video. Ha! Ha! Ha! Matutuwa sila pag lumabas na.
"Ako, alam mo naman, siyempre hindi nila ako mahihindian, di ba? Ako talaga iyung kontrabida na lovable!
"So nakakatuwa lang po na lahat sila, naglaan ng oras. Lahat sila, naglaan ng kanilang effort for this music video.
"And nakakatuwa, basta ang cute pag… naku! Ayaw kong i-preempt pero soon, soon! Lalabas na po ang Primera Kontrabida music video!” bulalas pa ng KontraDiva.