JERRY OLEA:
Siyam na finished films lang ang isinumite at pinagpilian para sa second batch ng official entries ng 52nd Metro Manila Film Festival (MMFF).
“Sa ngalan po ng lahat ng bumubuo ng Selection Committtee, and I can guarantee you, hindi po naging madali ang trabaho nila,” sabi ng MMFF ExeCom member na si Boots Anson Roa-Rodrigo.
Ginanap ang announcement ng MMFF 2026 noong Oktubre 12, 2026, Lunes, sa Grand Atrium ng Shangri-La Plaza, EDSA cor. Shaw Blvd., Mandaluyong City.
“We have to follow rules and we have to follow criteria, and abided by all of them.”
Ang criteria sa pagpili — 40% for creative and technical excellence, 40% for commercial appeal, 10% for global appeal, at 10% for Filipino values.
Nilinaw ni Tita Boots na ang pag-announce ng last four entries ng MMFF 2026 ay “in no particular order.”
Ang mga ito ay Los Salvajes Bravos; Little Hope; Seeds of Peace: The Life of Fr. Rhoel D. Gallardo, CMF; at A Perfect Marriage.
Read: Judy Ann Santos on son Lucho: “Para kang naka-jackpot prize!”
LOS SALVAJES BRAVOS
Historical drama tungkol sa isang Igorot na dating sundalo “who risked everything to save his people from exploitation at an 1887 exposition in Madrid.”
Produced by Jesuit Communications Inc., na nag-produce ng GomBurZa.
Directed by Paolo Dy. Starring Romnick Sarmenta and Ruru Madrid.
Nasa cast din sina Andreas Muñoz, Michael de Mesa, Christian Vazquez, Jojit Lorenzo, Arnold Reyes, Elora Españo, Paolo O’Hara, Javier Godino, Aya Sarmiento, Miguel Vasquez, Michael Roy Jornales, JM Salvado, at Roven Alejandro.
Bahagi ng Facebook post ng Los Salvajes Bravos:
"Isang kwentong sumubok sa pagkatao ng mga Filipino noon, at susubukin ang pagkatao ng mga Filipino ngayon.
“Noong 1887 sa Madrid, mistulang ikinahon at ibinalandra ng Espanya bilang palabas o eksibit ang mga Filipino. Anong klaseng tao ang kayang gawin ito sa kanyang kapwa?
“Ikaw, anong klaseng tao ka?”
Poster design by MJ Macasinag.
LITTLE HOPE
Heartfelt romantic comedy drama about a young girl, who is facing her own battle with cancer, embarks on a touching quest to find love and companionship for the father who has always cared for her.
Produced by Lonewolf Films Inc. Written and directed by Benedict Mique.
Lead actors sina Yassi Pressman at Pepe Herrera. Introducing si Cailey Ayesha Magno. Nasa cast din sina Empress Schuck, Isay Alvarez, at Robert Seña.
Walang representative ang pelikula sa announcement of last four official entries. Hindi raw kasi nag-expect si Direk Benedict na makakapasok sila.
Read: Gelli de Belen clarifies her position on Jennylyn-Patrick issue
SEEDS OF PEACE: THE LIFE OF FR. RHOEL D. GALLARDO, CMF Meta
Documentary presented by the Claretian Missionaries and the Gallardo Family. Directed by Rommel Galapia Ruiz.
Title role para sa reenactment si Zaijian Jaranilla.
Pahayag ni Dylan Ray Talon na isa sa mga producer at aktor ng pelikula: “Ngayong Pasko po ay inaanyayahan namin kayo na tunghayan ang kabutihan at ang busilak na puso na ibinabahagi ni Fr. Gallardo sa atin, at kung paano siya nagtanim ng mga binhi ng kapayapaan sa puso ng mga nakasalamuha niya’t nakasama.
“At kung paano ito namunga hanggang sa pagkamatay po niya.”
Naka-pin sa Facebook post ng pelikula noon pang Hunyo 26: “Seeds of Peace: The Life of Fr. Rhoel Gallardo, CMF witnesses the extraordinary life and sacrifice of a missionary whose faith remained steadfast amid conflict…"
Kasabay noon ang anunsiyo na bukas ang pelikula para sa special and community screenings sa school, LGU, parish, at anumang organisasyon upang mag-trigger ng "conversations on faith, peace, and hope."
Dahil nakapasok ito sa MMFF 2026, hindi na ito kailangang umamot ng special and community screenings.
A PERFECT MARRIAGE
Family drama about love, loss and unexpected connections that challenge a couple’s dreams of parenthood and redefine what it means to be a family.
Produced by Quantum Films and WASD Films. Directed by Dan Villegas Lead actors sina Kim Chiu at Paulo Avelino. Co-stars sina Eugene Domingo at Zac Sibug.
Ang lakas ng hiyawan ng KimPau fans habang inia-announce ito ni Direk Laurice Guillen.
Pahayag ni Direk Dan: “Tungkol po siya sa isang mag-asawa na nangarap magkaanak, pero sadly hindi lahat ng pangarap, natutupad. So malamig po ang Pasko, iyakan po tayo.”
Nagpasalamat ang producer na si Atty. Joji Alonso kina Kim at Paulo sa pagtanggap sa movie. Pinasalamatan din ni Atty. Joji ang KimPau fans na present sa Shangri-La Plaza.
Sabi ng lawyer-producer: “Nakahanap po kami ngayon ng sponsor ng tissue paper. Kasi you cannot watch this movie without breaking a box of tissues.”
Reaksiyon naman ni Kim via Facebook post: “Yung kaba ko, GRABE!!! Naiyak talaga ako nung in-announce ni Ms. Laurice Guillen ang family drama category!
“My heart is so full of gratitude!”
Dagdag ni Kim: “Magkita-kita po tayo sa sinehan ngayong PASKO! Maraming salamat po sa tiwala at pagmamahal! Isang napakagandang Christmas gift po nito.
“Sa lahat ng KimPau na nagdasal para sa movie maraming salamat. Eto na po ang simula…”
NOEL FERRER:
Hindi lang iyong teasers ng Los Salvajes Bravos; Little Hope; Seeds of Peace: The Life of Fr. Rhoel D. Gallardo, CMF; at A Perfect Marriage ang ipinakita sa Shangri-La Plaza.
Naunang ipalabas ang teasers ng first four entries ng MMFF 2026 na 2nd Miracle in Cell No. 7, Haunted Carnival, Amir, at The Greatest Showdown.
2ND MIRACLE IN CELL NO. 7
Family drama from Viva Communications, starring Jodi Sta. Maria, Xia Vigor, and Aga Muhlach. Directed by Nuel Naval.
Pahayag ni Xia: “Siyempre nakakaiyak po ito ulit. So… magdala ng mga tissue sa mga sinehan, of course!
“And siyempre, Miracle in Cell No. 7 really means a lot to me. So being able to do it again for the second time with the same cast, the same people, same production, it truly means a lot to me.
"So sana, abangan niyo po, and we promise you na you will really love the story. It’s for everyone. It’s for the family.
"And yun po, sana magustuhan nyo yung regalong handog namin sa inyo ngayong MMFF 2026.”
Matatandaan na ang Pinoy adaptation ng Miracle in Cell No. 7 ay topgrosser sa MMFF 2019.
Paglaki ni Yesha (karakter ni Xia), ang gaganap sana noon ay si Nadine Lustre, subalit pinalitan ito ni Bela Padilla.
HAUNTED CARNIVAL
Ang-iisang horror film sa MMFF 2026, tampok sina John Arcilla, James Reid, Julia Barretto, Fyang Smith, RK Bagatsing, Ronnie Alonte, at Maricel Soriano. Directed by Joey de Guzman.
Sabi ni John Arcilla: “Actually, madalas silang matakot sa akin sa telebisyon at pelikula dahil sa nagpu-'punyeta' si John. But this time, mananakot po tayo.
"Ako ho at ang carnival ay iisa. Kumbaga, ako iyung carnival. Hindi lang siya pag-aari ko kundi ako siya mismo.
"Ang maganda ho rito, iba’t ibang henerasyon ng mga artista ang mapapanood ninyo, mula sa mga kabataan hanggang sa mas batang katulad ko.”
Siyempre, biro lang iyon ni “Heneral Luna” bago idinagdag: “Alam niyo po, hindi naman tayo basta lamang gumagawa ng pelikula para manakot.
"May makukuha rin kayong mga aral. May mga nakakakilig na mga eksena. May drama.
"Alam niyo po, pag Regal ang nagpalabas ng ganitong klaseng pelikula, talagang maaasahan natin!"
AMIR
Fantasy drama mula sa GMA Pictures. Bida sina Argus Aspiras, Will Ashley, Glaiza de Castro, at Dennis Trillo.
Nasa cast din sina Caprice Cayetano, Epy Quizon, Joel Saracho, Ronnie Lazaro, Laila Ulao, Heath Jornales, Yasser Marta, Mad Ramos, Ethan Hariot, Hebron Ecal, at Mon Confiado.
Directed by Zig Dulay. Screenplay nina National Artist Ricky Lee at Anj Atienza.
Bulalas ni Dennis: “Naku, grabe! Talagang kaabang-abang! First time namin pare-pareho nakita iyong teaser ngayon.
"And well, nagulat kami dun sa kinalabasan. Ang ganda! Parang naapektuhan ako kaagad, e.
“Pero iyun yung apekto niya, parang heartwarming. Napaka-inspirational na itong pelikulang ito, kapag pinanood ninyo, parang pahahalagahan ninyo lahat ng mga mahal ninyo sa buhay.
“Kaya sama-sama nating panoorin. Sana, imbitahan natin ang mga mahal natin sa buhay para mapanood itong Amir.
“At itong pelikulang ito, ipapaalala sa atin kung ano ang pinakamahalaga lalo na ngayong darating na Pasko.”
Saad ni Direk Zig: “Katulad po ng Firefly at ng Green Bones, handog po namin sa inyo ang Amir — isang makabuluhang pelikula. Isang pelikula na aantig sa puso nating lahat.”
Dagdag ni National Artist Ricky Lee: “Tuturuan kayo ng pelikulang ito kung paano maniwala at magmahal sa gitna ng digmaan.”
THE GREATEST SHOWDOWN
Comedy starring Vice Ganda and Vic Sotto. Nauna sa billing si Meme, pero may “and” naman bago ang pangalan ni Bossing. Vanggaan ng katatawanan! Versusan ng kalokohan! Vakvakan sa saya!!! A film by Jun Robles Lana.
Facebook post ng ABS-CBN Film Productions, Inc. (star Cinema), “This Christmas, experience the GREATEST entertainment event of the year!”
Kasama sa cast sina Brent Manalo, JM Ibarra, Fyang Smith, Ryzza Mae Dizon, Ruby Ruiz, Iyah Mina, at Jose Manalo.
Read: UPDATED: Jacob Aaron Polintan, 24, cause of death revealed
GORGY RULA:
Isa lang ang comedy sa MMFF 2026, The Greatest Showdown nina Vic Sotto at Vice Ganda. Inaasahang ito ang magiging topgrosser. Isa rin lang ang horror, ang Haunted Carnival ng Regal Entertainment.
Iyong anim na iba pa ay iba’t ibang klase ng drama. Historical drama ang Los Salvajes Bravos. Romantic comedy drama ang Little Hope. Family drama ang A Perfect Marriage at 2nd Miracle in Cell No. 7. Fantasy drama ang Amir.
Meta documentary ang Seeds of Peace: The Life of Fr. Rhoel Gallardo, CMF.
Kung sanib-puwersa sa Green Bones sina Dennis Trillo at Ruru Madrid, this time ay magkaiba sila ng festival entry. Nasa Amir si Dennis, at nasa Los Salvajes Bravos si Ruru.
Dalawa ang pelikula ni Fyang Smith — Haunted Carnival at The Greatest Showdown. Saang float kaya siya sasakay? Puwede namang float si Fyang.
Sa Parade of Stars sa Disyembre 19, dalawang lungsod sa Metro Manila ang babagtasin. Mag-uumpisa ang Parada ng mga Bituin sa Mandaluyong City, at sa kalagitnaan ay dadaan sa San Juan City kung saan magtatapos at magkakaroon ng musical extravaganza.
Ang cap ng ticket price sa MMFF 2026 ay P299, puwedeng bumaba pa sa mga probinsya. Inayunan iyon ng Cinema Exhibitors Association of the Philippines (CEAP).
Nilinaw ni MMDA Chairman and concurrent MMFF ExeCom Chairman Don Artes na iyong P299 ay para lamang sa REGULAR cinemas, at hindi applicable sa mga specialty cinema gaya ng Director’s Club.
Wala nang golf tournament sa MMFF 2026. Sa halip, merong celebrity pickleball tournament sa Nobyembre 29. Malamang na si KaladKaren ang host dito.
Sa Disyembre 12 ang Parade of Stars sa City of Smiles, Bacolod City. Baka si Enchong Dee ang host dito.
Disyembre 27 ang Gabi ng Parangal sa Shangri-La EDSA hotel sa Mandaluyong City.
Sina Enchong at KaladKaren ang nag-host ng announcement ng second batch of festival entries ng MMFF 2026. Nag-duet sina Xyriel Manabat at River Joseph na mga bida ng Puregold CinePanalo filmfest entry na Stuck On You.
Kumanta rin ang PBB heartthrobs na sina Iñigo Jose (natawag ni Enchong na Iñigo Pascual), Jarren Garcia, Emilio Daez, at Vince Maristela.
The 52nd Metro Manila Film Festival is co-presented by PCSO, PlayTime Entertainment, Pru Life UK, and Dr. Anna Montesa of Montesa Medical Group. Minor Sponsor ang Unilever.