GORGY RULA
Magpi-Finale concert na si Regine Velasquez at pagkatapos niyon, iiwas na siya sa large-scale arena shows.
Si Gary Valenciano, nag-One Last Time at mas gusto ring sa intimate venues gaya ng Music Museum kung saan may sampu siyang show ngayong Oktubre.
Ano ang masasabi roon ng Concert Queen na si Pops Fernandez?
“Ako kasi, for me, ha, I would also want to say something like that,” sabi ni Pops sa mediacon ng forthcoming POPS concert noong Oktubre 12, 2026, Lunes, sa Kusina Sea Kitchens, Hilton Manila, Newport Blvd., Pasay City.
“Because parang siyempre, give chance to the younger ones and whatever.
“Pero alam mo, ang explanation ko diyan is, maski na sabihin kong retired na ako, baka ma-miss ko. Tapos one day, sabihin ko, ‘Ay! Magko-concert uli ako!’
“Tapos sabihin nyo, ‘Ay! Akala ko ba, last na yon?!’ Somehow, lalung-lalo na siguro sa akin, I’ll use myself as a reason talaga.
“I started in the business since 13. There have been many attempts na sinabi ko sa sarili ko, ‘Ay! Ayoko na! Pagod na ako.’ ‘Ay! Ayoko na! Parang andami nang stress.’
“Parati kong sinasabi yan, lalo na noong bata ako. ‘Ay! Gusto ko nang mag-retire.’
“Pero sa isip ko lang yon. And somehow, nami-miss ko siya. Somehow, pagkasabi ko nun, a few months after, ‘Ay! Gusto ko pala uli mag-work!’
“So, hindi pa malakas ang loob ko sabihin yan. Siguro, actually semi-retired na ako, if you notice.
“Hindi na po ako talaga nagso-show as much as I used to. All these shows I’m doing are for special reasons and special occasion.
“So, masasabi ko po na semi-retired na ako. But to really say goodbye, again, baka hanap-hanapin ko rin, magsisi lang ako na sinabi ko, ‘Ay! Sinabi ko, hindi na.’ Di ba?
“So paminsan-minsan din po, babalik at babalik ako, magso-show ako, whether it’s a big venue or a small venue. Mami-miss ko po ito.
“Kasi dito ako lumaki. At 13, andito ako. Andami kong natutunan. Marami akong na-experience, not just in my career but also in life dahil sa trabahong ito.
“So, masasabi kong sobra akong grateful dahil again this career of mine, dati kasi hesitant ako, e, although I always loved seeing myself on TV, na-picture ko yan bata pa lang ako.
“Totoo yung sinasabi nila, it’s in your blood. It’s in the blood. Ahh dream ko yan na makita ko ang sarili ko sa TV, makakanta ako, maybe even in the movies.
“Dream ko lang yon. Hindi ko naman po talaga in-expect na gagawin ko siya. Bakit? Napakamahiyain ko. Tanungin nyo si Tita Aster [Amoyo]!” natatawang bulalas ni Pops.
“Napakamahiyain ko… nung nakapasok na po ako, akala ko po, mga one year, two years, okey na ako dahil napagbigyan na ako ni Mama gawin yung gusto ko.
“Tapos sabi ko nga, babalik ako sa studies ko. What happened was, nagtuluy-tuloy siya. Tapos yun na iyon.
“Na-excite na ako. But until the time na nag-asawa ako, still hesitant pa rin ako, ha?”
Read: Regine Velasquez talks about “retirement”; recalls hardships
POPS CONTINUES TO WORK DESPITE HESITATION
Tuluy-tuloy lang siya sa pagtatrabaho sa showbiz kahit minsan ay very hesitant na raw siya.
Dagdag ni Pops: “Because I’m not sure. ‘Can I do it? Can I go back?’ May mga bagay kasi na inooohan na, ‘Ready na ba ako for that? Ready na ba ako kung sasabak ako?’
“So, wala akong choice kundi mag-aral, magpraktis, mag-rehearse kasi nga siguro hindi ako prepared, and somewhere along the way, lalung-lalo na noong naging single na ako, na-realize ko, ‘Ano ang babalikan ko? Siyempre yung alam ko nang gawin.’
“And ito yun, itong mundo ng showbiz. Ito na yung naumpisahan ko. So, sabi ko rin sa sarili ko, ‘Gagalingan ko na talaga! At kailangang maging passion ko na ito!’
“Kasi ngayon kailangan ko nang buhatin ang pamilya ko. May iba na akong reason.
“Dati dream ko lang. Ngayon it’s a must. Because now, I really have — this is a job. It’s now a business. It’s not just a dream.
“So again, paulit-ulit ko itong sinasabi in the past, I am so grateful.
“Dahil nga parang ako yung wishi-washi parati pero every time I decided to do the show, a concert, TV shows, whatever, bumabalik ako, ina-accept pa rin ako ng mga followers ko.
“Very supportive pa rin sila. At nandito pa rin kayo, very supportive. As well as the rest of the industry.
“So how can I not feel blessed and grateful, di ba?”
Read: Gary Valenciano on still performing at 62: "It’s a miracle."
JERRY OLEA
Nag-aral si Pops Fernandez sa International School. Ang dating tuloy sa mga tao ay sosy at yayamanin sila, at hindi nakaranas ng hirap.
Sabi ng host ng mediacon na si Jun Rodriguez Lalin, ipinagtapat minsan sa kanya ni Pops na minsan, nakihati ang kanilang pamilya sa dalawang pamilya sa isang lata ng sardinas.
Hindi raw iyon exagg, pero hindi na maalala ni Pops kung anong brand ng sardinas iyon.
“Of course, istorya naman yon ng mom and dad ko,” saad ni Pops, na isinilang noong Disyembre 12, 1966.
Nakulong ang ama ni Pops na si Eddie Fernandez noong 1969-1982, kasama ang kapwa aktor na si Berting Labra.
Ang life story nitong Lagalag: The Eddie Fernandez Story (1994) ay pinagbidahan ni Rudy Fernandez, katambal si Dawn Zulueta, sa direksiyon ni Romy V. Suzara.
Pagpapatuloy ni Pops: “So nadanasan din po namin yun. So, nung medyo naging okey na po at na-bless din naman po ako at napaaral sa isang napakabonggang school, natatak yon sa isip ko.
“Na kailangan, masipag ako. At kailangan, palagi akong productive para matulungan ko yung family ko.
“Kasi ayoko na uling ma-experience yon. Hindi na mauulit.
“Tapos siyempre, naging single ako ulit. Siyempre sabi ko, ‘Omigosh! Mag-isa na lang ako. Ayokong umasa kahit kanino.’
“So ayan na naman, trabaho na naman ako, 24/7.”
Nagtagpo sina Pops at Martin Nievera noong 1982.
Ikinasal noong 1987.
Naghiwalay noong 1999 dahil sa third-party issue.
Napawalang-bisa ang kanilang kasal noong 2000.
Read: Pops Fernandez at Martin Nievera, ayaw paasahin ang "Team Hopia"
POPS FERNANDEZ ON REGINE VELASQUEZ'S "RETIREMENT"
At any rate, parang hindi raw makapaniwala si Pops na magre-retire na si Regine Velasquez sa pagko-concert sa malalaking venue.
Pagmamatwid ni Pops: “Kasi for me, Regine is always Regine. And she also started a lot of these youngsters.
“Siyempre they got inspired by her singing style. Nakikita naman ho natin yan, di ba? Andaming mala-Regine.
“So, maybe sana, magte-take lang siya ng break, di ba? Kasi mami-miss natin si Regine talaga. Mami-miss natin siya.”
Ano ang mami-miss niya kay Regine sa stage?
“Sa stage? Alam mo si Regine… dati kasi, marami nang bumibirit. Dati, madami nang mga belters,” tugon ni Pops.
“To name a few, naaalala ko, Tillie Moreno, Louie Reyes, at madaming-madami pa. Sorry if I can’t remember the other names right now.
“Pero nung narinig ko si Regine, iba na kasi yung style nun, e. Whitney Houston. Narinig ko siya sa isang baratillo.
“Sabi ko, ‘Whoa! That sounds like Whitney Houston.’ Very, very much the style of Whitney Houston. So na-impress ako.
“Si Regine, siya ang nagpaumpisa ng ibang klaseng belting, na mala-Whitney nga, di ba? And the rest is history.”
POPS CONCERT
Ang POPS concert ay gaganapin sa Nobyembre 26 sa Newport Performing Arts Theater sa Pasay City.
Kabilang sa mga panauhin sina Regine, Vina Morales, Erik Santos, Jay Durias, Martin Nievera, at Helen Gamboa. Produced ito ng DSL, Echo Jham Entertainment Production, at Nexus Collaboration.
Read: Lino Cayetano named new Presidential Communications Office secretary
NOEL FERRER
Bilang writer ng show na ito, ang saya lang to be doing this for Pops Fernandez.
We’ve been together in ASAP and through the years, she knows that we’ve matured and become closer.
The things with Pops, ang sarap lang isulat kasi hindi mo siya kailangang gawan ng kuwento, siya na mismo iyung kuwento.
From runway model to dance diva to OPM icon to nanay to survivor.
Hindi lang ito concert na magpapaalala sa atin ng mga kanta niya. Ito yung concert na magsasabi kung bakit hanggang ngayon, siya pa rin ang Concert Queen.
At sa totoo lang, privilege ito.
So, ito ang teaser na ibibigay ko sa followers ng PEP Troika.
Ang POPS concert ay hindi lang 40 years of hits. Ito ay fashion show, dance party, family reunion, at survival story in one night.
Makikita ninyo ang Pops na nag-VOGUE, ang Pops na nakikipaghatawan sa isang Dance Diva.
Ang Pops na kasama ang isang icon which she helped launch, at ang Pops na muling kakanta with her partner.
May bago siyang kanta, may bago siyang ka-collab, pero sa dulo, iisa lang ang sigaw… papuntang Woman Empowerment.
I am excited to do this for Pops.
THIS WILL TRULY BE MEMORABLE!!!
Read: Gelli de Belen clarifies her position on Jennylyn-Patrick issue