JERRY OLEA
Three hundred and seventy-three (373) ang isinumiteng one-act plays para sa inaugurang Puregold Teatro Panalo theaterfest na gaganapin sa Pebrero 20-Marso 14, 2027 sa Maybank Performing Arts Theater, BGC, Taguig City.
Dalawampu’t anim (26) ang na-short — 16 straight plays at 10 musicals.
Ang Final 12, eight straight plays at four musicals, ay ini-reveal noong Oktubre 14, 2026, Miyerkules, sa Cinema 16 ng Gateway Mall 2, Cubao, Quezon City.
Pagtatapat ng festival director na si Vincent de Jesus, na-overwhelm sila sa dami ng submissions “lalung-lalo na ang kawawa naming screening committee.”
Dagdag ni Vincent de Jesus: “Dalawang linggo po kaming may insomnia at hindi nakapanood ng Netflix.
“But at the same time it was incredibly inspiring kasi opening salvo pa lang, 373 na.
“And while most entries came from Metro Manila and Luzon, we also got submissions from Cebu, Zamboaga, Siquijor, Camarines Sur, North Cotabato, GenSan, even in Arizona, Texas, abroad. Dubai, di ba? Andami!”
Ang members ng Screening Committee ay sina Dr. Layeta Pinzon Bucoy at Allan Lopez.
Nasa Selection Committee sina Marlon Rivera, Jenny Jamora, Liza C. Magtoto, at Nicolas Pichay.
Artistic Adviser si National Artist for Film and Broadcast Arts Ricky Lee.
Festival chairs sina Ivy Piedad at Chris Cahilig.
Ang 12 finalists ng 1st Puregold Teatro Panalo ay may P100,000 grant bawat isa.
Read: John “Sweet” Lapus’ True To Life makes Teatro Panalo Final 12
BEA ALONZO INTERESTED in trying THEATER ACTING
Napag-alaman namin na interesadong sumabak sa teatro si Bea Alonzo, ang misis ni Vincent Co na Presidente ng Puregold.
Sa 12 one-act plays ng Puregold Teatro Panalo, meron bang role na bagay kay Bea?
Napangiti si Vincent de Jesus: “Hmmnn… meron. Andaming roles, if she wants. I mean, kung willingness, availability niya… kasi one-act naman ito.
“It’s not… I’m not saying na… Hindi siya kanghaba ng full-length na buwan mo ire-rehearse. So okey ito, 45 minutes, saka andaming roles.
“Parang limang roles ang puwedeng pagpilian dito.”
Sumailalim noon si Bea sa libreng scriptwriting workshop ni Sir Ricky Lee. Kaya hiningan namin si Sir Ricky ng reaksyon sa sinabi ni Vincent de Jesus na may limang roles sa 12 plays ng Teatro Panalo na puwede kay Bea.
Pahayag ni Sir Ricky: “Sana, mag-stage play rin siya! Nice. Sana, tanggapin niya. Tanungin niyo si Chris [Cahilig, interim manager ni Bea].
“Nice, oo. And si Bea, napaka-multifaceted. Bago nag-workshop sa akin, andaming ideas na gusto niyang isulat, e.
“So, puwede siyang umarte sa stage. Nice maranasan niyang umarte sa stage. And she can do it!”
bea alonzo to receive nora aunor superstar award at 74th famas awards
Siyangapala, pagkakalooban si Bea ng Nora Aunor Superstar Award sa 74th FAMAS Awards sa Oktubre 27 sa Fiesta Pavilion ng The Manila Hotel.
Bahagi ng citation ng FAMAS: “From unforgettable portrayals in Philippine cinema to performances that have resonated with generations of viewers, Bea Alonzo has established herself as one of the country's most respected and celebrated actresses.
“Her ability to breathe life into complex characters and create lasting connections with audiences reflects her remarkable artistry.
“In honor of the legacy of the late Nora Aunor, the legendary Superstar of Philippine cinema, the Nora Aunor Superstar Award recognizes an artist whose body of work, influence, and contribution to the industry embody the excellence and enduring impact of Filipino storytelling.
“FAMAS proudly honors BEA ALONZO with this prestigious distinction, celebrating her remarkable journey, artistic excellence, and enduring contribution to Philippine entertainment.
“A legacy of excellence. A lifetime of stories. A star whose brilliance continues to illuminate Philippine cinema.”
Ang tatanggap naman ng FPJ Memorial Award ay ang gobernador ng Bulacan na si Daniel Fernando.
Ang FAMAS Youth Achievement Award ay ipagkakaloob sa SB19 at BINI.
Read: Who are the five men in the viral Machong Chismisan episode about Josh Aquino?
NOEL FERRER
Noong Oktubre 14, Martes, ay nag-pitch ng preferred cast ang playwrights ng 26 plays na na-shortlist sa inaugural Puregold Teatro Panalo.
Lahad ng festival director na si Vincent de Jesus: “Natutuwa kami. Dati kasi, nagpi-pitch lagi, producer, director. Ngayon, yung mga writer.
“Ninenerbiyos sila. Kasi hindi sanay ang mga theater people na nagpi-pitch. So kahapon, binebenta nila, ninenerbyos sila.
“Pero nakakatuwa na natututo sila. Meron silang dream cast. Yung iba, wala. Parang ‘Bahala na po kayo.’
“Sabi ko, ‘Hindi! Kung sino, peg mo lang! Kung mala-ganito ba?’ Pero yung iba, may dream cast.
“So sabi namin, ‘We will do our best.’ Kasi yung dream cast nila, lahat naman, kilala namin. Yung iba, kaibigan ko. Di ba?
“Nakatrabaho ko na. At lalapitan lang talaga. At saka since Puregold naman, kakausapin ni Chris [Cahilig]. Ine-negotiate na lang.
“Maganda nga kasi, one-act. Hindi mahaba ang rehearsal. Mahaba na ang… 15 days, 12 days. Mahaba na yon.”
VINCE DE JESUS DREAMS OF SHARON CUNETA TRYING THEATER
Sa mga artistang hindi pa nagteteatro, sino ang gusto niyang hikayatin na sumubok mag-stage play?
Napangiti muli si Vincent de Jesus: “Hindi naman lingid sa kaalaman ng lahat na Sharonian ako, e. Ha! Ha! Ha! Ha! Ha!
“Kasi ang una kong pelikula nung bumalik ako was Crying Ladies [2003]. Ako ang nag-score nung Crying Ladies.
“Tapos ako rin ang nag-score ng La Visa Loca [2005]. Nanalo ng Urian yon. Si Sharon, isa sa mga producer.”
If ever, musical ang stage play for the Megastar?
“Dapat. Dapat! Dapat… actually, merong matagal na kaming niluluto,” pagtatapat ni Vincent de Jesus.
“Naaano lang. Pero malay natin! Pelikula niya na ako ang nag-score, yun ang pinaplano. Iniisip.
“Puwede naman tayong managinip. Itong Teatro Panalo, pinanaginip lang namin ito, e.”
Read: Who is Mikhail Schemm, Sarah Lahbati's rumored beau?
GORGY RULA
Pinaghahandaan din ni Vincent de Jesus at ng Puregold ang pagtatanghal ng ZsaZsa Zaturnnah Ze Parteeeh sa Abril-Hunyo 2027 sa Shooting Gallery, Zapote St., Makati City.
Sa 20th anniversary ni ZsaZsa Zaturnnah ay nag-evolve siya.
Tumango si Vincent de Jesus: “May mga bagong pasikat pero gusto naming i-maintain yung pagka-baklang kanal niya. Ha! Ha! Ha! Ha!
“Baklang kanal siya, e. Di ba? Hindi siya polished, di ba? Baduy, burikak, bukaka. Kaya hindi namin ginawa sa theater na Proscenium, yung nakaupo.
“Gagawin namin sa Shooting Gallery, yung bodega, para puwede kang uminom. Mag-costume. It’s a party place. Parang O Bar, ganun siya.”
ESTEBAN MARA IS THE NEW DODONG
Kabilang sa mga gumanap na Dodong na nagpakilig kay ZsaZsa Zaturnnah sina Arnold Reyes, Lauren Novero, Red Anderson, Janvier Daily, Prince Stefan, Rocky Salumbides, at sa pelikula ay si Alfred Vargas.
Nai-announce na ang 26-anyos na si Esteban Mara bilang bagong Dodong, pero hindi pa nai-reveal ang ka-alternate niya na taga-teatro rin.
Sa mga Dodong na ito, meron ba siyang paborito? Sino sa kanila ang pinakamasherep?
“Iiihhhh! Iba-iba, e,” sambit ni Vincent de Jesus.
“Na-realize ko, antanda-tanda ko na, di ba? Twenty years ago, si Arnold Reyes yan. Si Arnold Reyes na estudyante ko noong 17 years old siya noong 22 years old ako…
“Ang ganda na rin, nag-iiba rin yung buhay… Ibang-iba yung attack ni Esteban.”
Read: MMFF history: Who are the record-holders for top acting awards?