JERRY OLEA
Ang best actress sa 74th FAMAS Awards ay si Maricel Soriano (Meet, Greet & Bye), at ang best actor ay si McCoy de Leon (In Thy Name).
Yung trophy ni Maris Racal (Sunshine) ay bilang Actress of Distinction.
Dahil sa choices ng Filipino Academy of Movie Arts and Sciences (FAMAS), hindi makaka-grand slam sina Maris at Jericho Rosales (Quezon).
Ang revamped Luna Awards ng Film Academy of the Philippines (FAP) ay sa Disyembre gaganapin.
Nang makapanayam ng PEP Troika si FAP Director General Paolo Villaluna sa MMPRESS Dekada Awards 2026 noong Oktubre 4 sa MMDA Head Office, Pasig City, isiniwalat niyang ang mga pelikulang eligible sa revamped Luna Awards ay yung mga ipinalabas mula Oktubre 2025 hanggang Setyembre 2026.
Yung Sunshine ni Maris ay Hulyo 23, 2025 ipinalabas, kaya hindi ito eligible sa revamped Luna Awards.
Ibig sabihin, wala talagang chance si Maris na maka-grand slam bilang best actress.
THE RETURN OF GOLDEN SCREEN AWARDS
Kumusta kamo ang pagbabalik ng Golden Screen Awards ng Multi-Media Press Society of the Philippines (MMPRESS)?
Sa pagtatapos ng Dekada Awards 2026 ay ini-announce ng MMPRESS na babalik na ang kanilang Golden Screen Awards.
Sa Nobyembre 4 pa magmi-meeting ang MMPRESS, kaya mukhang sa Enero 2027 na babalik ang nasabing awards ceremony.
Read: Maricel Soriano, Maris Racal did not tie at 74th FAMAS Awards
NOEL FERRER
Si Maris ang first ever recipient ng Actress of Distinction sa FAMAS.
May susunod pa kaya?
Magkakaroon din kaya ng Actor of Distinction?
What about Director of Distinction?
Child Performer of Distinction?
Supporting Actor of Distinction?
Supporting Actress of Distinction?
Cinematographer of Distinction?
Editor of Distinction?
Production Designer of Distinction?
Sound Engineer of Distinction?
Musical Composer of Distinction?
BEST PERFORMER
Sa 4th edition ng Metro Manila Film Festival (MMFF) noong 1978, walang best actress, walang best actor, walang best supporting actress, at walang best supporting actor.
At the time ay hindi pa nagbibigay ng best child performer award.
Isa lang ang tropeyo sa acting category — best performer — at ipinagkaloob iyon kay National Artist Nora Aunor para sa Atsay.
Sa kasaysayan ng MMFF, noon pa lang iyon nangyari. Hindi na nasundan.
Take note na si Maris ay gumanap bilang young Lumen (karakter ni Nora) sa MMFF 2019 official entry na Isa Pang Bahaghari.
Kung si Nora ang nag-iisang Best Performer awardee sa MMFF, si Maris naman ang kauna-unahang Actress of Distinction sa FAMAS.
Pero iba naman yata ang kalidad noon ng FAMAS sa ngayon.
Kung ang Urian ay sa mga kritiko, ang Star Awards, Golden Screen at EDDYS ay sa press, ang Luna ay sa academy at guilds… ano na nga ba at kaninong interes ba ang isinusulong ng FAMAS?
Magandang mailinaw iyan!
Read: FAMAS explains Maricel Soriano, Maris Racal’s different awards
GORGY RULA
BEST ACTRESS: THE NOMINEES AND THE WINNERS
Anim ang nominadong best actress sa 9th EDDYS ng Society of Philippine Entertainment Editors (SPEEd).
Ang mga ito ay sina Mylene Dizon (Habang Nilalamon ng Hydra ang Kasaysayan), Barbie Forteza (Kontrabida Academy), Krystel Go (I’mPerfect), Angelica Panganiban (UnMarry), Maris Racal (Sunshine), at Charo Santos (Only We Know).
And The EDDYS went to… Maris Racal!
Sa 49th Gawad URIAN ng Manunuri ng Pelikulang Pilipino (MPP), walo ang nominees for best actress.
Ang Magic 8 — Krystel Go (I’mPerfect), Nour Hooshmand (Cinemartyrs), EJ Jallorina (Dreamboi), Odette Khan (Bar Boys: After School), Maris Racal (Sunshine), Rissey Reyes-Robinson (Paglilitis), Ruby Ruiz (Tigkiliwi), at Geraldine Villamil (Republika ng Pipolipinas).
Tabla bilang best actress sina Maris Racal at Odette Khan.
Sa 28th Gawad PASADO (Pampelikulang Samahan ng mga Dalubguro), walo rin ang nominado bilang PinakaPASADOng Aktres.
Ang mga ito ay sina Eugene Domingo (Kontrabida Academy), Jennica Garcia (The Delivery Rider), Karylle (Quezon), Nadine Lustre (Call Me Mother), Maris Racal (Sunshine), Charo Santos-Concio (Only We Know), at Maricel Soriano (Meet, Greet & Bye).
Tabla sina Maris Racal at Charo Santos-Concio.
Sa 42nd STAR AWARDS for Movies ng Philippine Movie Press Club (PMPC), pito ang mga nominadong Movie Actress of the Year.
Ang mga ito ay sina Mylene Dizon (Habang Nilalamon Ng Hydra Ang Kasaysayan), Nadine Lustre (Call Me Mother), Bela Padilla (100 Awit Para Kay Stella), Angelica Panganiban (UnMarry), Maris Racal (Sunshine), Charo Santos-Concio (Only We Know), at Maricel Soriano (Meet, Greet & Bye).
Tabla sina Maris Racal at Maricel Soriano.
At sa 74th FAMAS Awards ng Filipino Academy of Movie Arts and Sciences, lima ang nominadong best actress.
Ang mga ito ay sina Maricel Soriano (Meet, Greet & Bye), Krystel Go (I’mPerfect), Charo Santos (Only We Know), Angelica Panganiban (UnMarry), at Maris Racal (Sunshine).
Best Actress si Maricel Soriano, samantalang Actress of Distinction si Maris Racal.
Read: October Awards Rush: Golden Screen, Urian, FAMAS, Star Awards