GORGY RULA:
Rarampa si Andrea Brillantes sa London para sa pelikula niyang Laya ng Rein Entertainment.
Magkakaroon ng world premiere ang naturang pelikula sa Rio Cinema sa London sa November 7, 2026, Sabado, bilang bahagi ng Women and the World International Film Festival (WWIFF) 2026.
Lalaban itong pelikulang Laya sa Feature Fiction Competition, at ito lang ang tanging entry ng ating bansa na makakatunggali ang pelikula ng mga bansang Ukraine, Kazakhstan, Canda, USA, at United Kingdom.
Binigyan ito ng special spotlight sa opening gala night noong November 5 na dinaluhan ni Andrea.
Nagtalumpati si Andrea kasama ang ambassador at jury representatives, na nagsilbing boses ng kababaihan ng cinema sa Pilipinas.
Sabi ni Andrea: “Thank you for championing women’s stories in cinema. We need more spaces like this film festival; spaces that put women at the center of creativity.
“Laya means freedom in Filipino. And I believe we all deserve to be free; free to love, free to live, and free to create.”
Sa November 25 na ang playdate ng pelikulang Laya sa local cinemas. Idinirek ito ni Sigrid Andrea P. Bernardo, at tampok din dito sina JC Santos at Anthony Jennings.
Read: Kate Jagdon, Beatrice Gomez’s ex, now married to Andrea Mahinay
NOEL FERRER:
Alam mo, Tito Gorgs, tama ka. Nagwo-work ang 23-anyos na si Andrea Brillantes sa Gen Z hindi dahil vixen ang projection niya, kundi dahil totoo siya.
Ang Gen Z, pagod na sa pa-perfect. Pagod na sa artista na maganda lang sa poster pero iba sa totoong buhay.
Si Andrea, lumaki sa harap natin. Mula child actress hanggang ngayon, nakita natin iyung pagod, iyung pagkakamali, iyung paglaki.
Kaya nung pinili niyang maging sexy, maging palaban, maging maingay, hindi siya nagmukhang nagpapaandar. Nagmukhang nagdesisyon. Kaya siya kinakapitan.
Kasi hindi siya humihingi ng permiso para maging babae. At hindi siya humihingi ng awa pag bina-bash siya.
Iyun ang pinaka-Gen Z sa kanya: walang paki sa ingay, pero may pakialam sa sarili niyang kwento.
Ang hamon na lang, at sana makinig siya, iyung following na iyan, sana maging halimbawa. Hindi lang matapang sa post, matapang sa consistency.
Kasi madaling maging brave for one photo, mahirap maging brave sa araw-araw na desisyon.
Bakit siya kinakapitan ng Gen Z?
1. Hindi siya nagkukunwaring inosente. Nag-oo-own siya. 2. Lumaki siya kasama nila, kaya co-owner sila ng kwento niya. 3. Walang paki, pero hindi pa-victim.
4. Refined woman of the world siya, pero may trabaho. Hindi lang siya pa-sexy na walang silbi. Nag-shoot siya ng A Secret in Prague sa gitna ng winter sa Czech Republic, anak ng mafia boss, at unang team-up nila ni Enrique Gil na pinanood sa Netflix at TV5.
Tapos ngayon nga, may pelikula siyang Laya under Direk Sigrid Andrea Bernardo. At sa labas ng showbiz, CEO siya ng sarili niyang beauty brand, Lucky Beauty, at pinangatawanan nga na panghawakan ang sarili niyang career.
Kaya iyung "refined" na nakikita ni Gorgy, hindi lang styling iyan, kundi may diskarte. Dito papasok iyung hangad natin na sana, may consistency siya.
Maganda na matapang siya. Pero ang susunod na level, hindi na tapang sa post. Tapang sa consistency. Sa trabaho.
Kung sinabi mong gusto mong mag-evolve as a woman, panindigan mo sa pagpili ng roles. Hindi lang iyung magpapabongga, kundi iyung magpapalalim. Iyung tulad ng pag-arte sa lamig ng Prague, pag-dive sa Laya, pagiging CEO, hindi lang endorser.
Matapang at consistent sa paninindigan. Kung ang values mo ay clarity, faithfulness, at hindi situationship, dapat makita iyan kahit walang camera.
Kasi ang Gen Z, mabilis makaamoy ng performative. Matapang at consistent sa pag-handle ng bashers. Hindi lang clapback. Ang tunay na unbothered, hindi na kailangan patunayan araw-araw na unbothered ka.
Mas malakas iyung tahimik pero tuloy-tuloy ang trabaho. Kung magawa ni Andrea/ Blythe iyan, hindi lang siya magiging Gen Z queen.
Magiging Gen Z standard siya. Iyung tipong sasabihin ng kabataan, “Pwede palang maging sexy, maging successful, maging totoo, at maging consistent at the same time.”
Read: Gehlee Dangca and Calix Esguerra's acting scene sparks debate
JERRY OLEA:
Pinost ni Direk Sigrid Andrea Bernardo ang trailer ng Laya nitong Nobyembre 5, Huwebes, sa Facebook.
Ani Direk Sigrid tungkol sa Laya: “A story about love, the truths we choose to hide, and the people we hurt trying to hold on.
“So excited for you to see Andrea Brillantes, JC Santos, and Anthony Jennings bring these characters to life!
“Written and directed by yours truly, with Rein Entertainment… Hope you can watch and support our film!!”
Ang Laya ay suportado ng Film Development Council of the Philippines (FDCP) through its CreatePH Large Budget Production Grant.
Pahayag pa ni Direk Sigrid: “Laya stayed with me somewhere deep. Between the ocean, whale sharks and the things we keep buried inside us, I kept thinking about freedom..."
Kung namayagpag si Maris Racal dahil sa pelikulang Sunshine, ano kaya ang magiging epekto ng Laya sa career ni Anthony Jennings?
Siyanga pala, sa Disyembre 16 naman ang showing ng pelikula ni JC Santos na Romano, na biopic ng Redemptorist priest na si Fr. Rudy Romano. Kasabay ng Romano ang showing ng Avengers: Doomsday at Dune: Part Three.