JERRY OLEA: Naghimutok si Manay Lolit Solis kina Anne Curtis at Bela Padilla bago magsimula ang presscon ng Cookie’s Peanur Butter sa Historia Cafe, QC, kahapon, March 20.
Karibal kay Jo In-sung (36-year-old South Korean actor) ang turing ng 70-year-old talent manager sa dalawang gandarang aktres.
“Diyos ko! Anong laban ko kay Anne at kay Bela?!” hanash ng tulirong talent manager.
“Tigilan ako? Lalaban ka ba?!
“Si Bela nga, dumating sa puntong sinabi na si Jo In-sung, kamukha ni Zanjoe Marudo.
“Hoy, Bela... BULAG!!!
“Pagkatapos, pagkita kong ganun... tsuk! Sa Instagram ni Anne, kayakap niya si Jo In-sung, saka may lips-to-lips sila.... haaaayyy!
“Ang mga kalaban ko kay Jo In-sung, si Anne saka si Bela!”
Nahibang o nahumaling si Manay Lolit kay Jo In-sung sa mga TV series na What Happened in Bali (2004) at That Winter, The Wind Blows (2013).
Nawindang din siya sa pelikula nitong Frozen Flower (2008), na kung ilarawan niya ay “ang kanyang pelikulang porno.”
Bulalas pa ni Manay Lolit kaugnay sa naturang pelikula, “Kitang-kita ko ang puwet ni Jo In-sung! Pornong-porno talaga!”
Ano ang naramdaman niya sa butt exposure ng kanyang idolo?
“Parang bumagets ako! Yaaaakkkkk!!! Ha! Ha! Ha! Ha! Ha!” mataginting pang halakhak ni Manay Lolit.
NOEL FERRER: Bubuhayin ba ni Nanay Lolit ang kanyang TV talk show career at may opinyon talaga siya sa lahat ng bagay?
In fairness, she makes herself relevant!
Teka, tuloy ba ang talk show nila nina Gretchen Barretto at Ricky Lo?
Sabi niya, kung digital lang naman, maliit ang kita dun, manghaharbat na lang siya sa mga co-host niya—mas malaki pa raw yun kaysa sa kikitain niya sa digital Talak Y Talk.
Naku, isn’t it time to do PEP Troika Talk? Soon!!!
GORGY RULA: Hindi nga raw niya seseryosohin ang show nila ni Gretchen at Kuya Ricky.
Tama ngang haharbatan na lang daw niya si Gretchen.
Kagaya ng pagkahumaling niya dati sa mga Koreanovela, hindi na raw gaya ng dati. Hindi na siya ganun kaadik kina Jo In-Sung at Song Joong Ki.
Sisimulan na pala nila itong online talk show pagakatapos daw ng Holy week.
Magtatagal kaya diyan si Manay Lolit?
Mas type daw niyang mag-presscon kahit mag-gaka (gatecrash) pa siya.
